تجمع الامهات الجدد لتبادل الخبرات

مرحبا أمهات

حنانيك
صار ليي نفس الشي تجمع الحليب وارتفعت حرارتي
وصرت ادلك صدري واني اسبح بماي دافي واضغط عليه << جربت الشفط وماعجبني بصراحة متعب وبالموت ينشفط
دلكي صدرش كل مره تسبحي بماي دافي وحركة دائرية واضغطي عليه ينزل الحليب المتجمع
والتشققات اللي في الصدر والحلمة استخدمي مرهم ميبو << دكتورتي قالت ليي استخدمه إذا صار تشقق او إلتهاب في الحلمة
وإذا ماتقدري تجلسي على الجرح << الكل متأزم منه
اخذي لش مخدة طبية مفرغة من الوسط تلاقيها في الصيدليات
في البداية ما اشتريتها لكن يوم ثالث بعد ولادتي صرت ما اقدر اقعد و لا حتى اوقف راح زوجي وشرى ليي مخدة حق البواسير وبصراحة نفعتني نفعة للحين استخدمها حتى إذا رضعت بنوتتي يصير الضغط كله على المنطفة السفلى ويألمني مكان الغرز

F-RAD
حياش الله بينا يالرفيقة
شخبارش ؟ وأخبار القمور وسام ؟

//

ياعلي مغص الأطفال نحيس حده متى يرووووح ؟؟

امهات نظام حياتي احسه متلخبط تلخبط من بعد ولادتي .. كيف نضمتوا وقتكم ؟ وخصوصاً بعد الأربعين لما ترجعوا الشقة ؟؟ الطبخ والتنظيف والبيبي والطلعة !!
ما اتخيل نفسي ويش باسوي بعدما ارجع الشقة مع بنوتتي وكيف انظم وقتي !!

[quote="F-RAD"]

حناينك
هلا ام صديق ولدي خخخخخخخ
صحيح اني ولدت قبل بس مادخلت حطيت الخبر الا بعد اسبوع من ولادتي
لان الاب توب كان موعندي وتعرفي التعب والخياط
يالله الحمد لله على كل شيء
وماتشوفي شر انتبهي لنفسك
في كريم خيوة لتشققات الصدر ماركة سيباميد وفيه ماركات ثانية ليش ماتفكري اتجربيه
وترى الماي الدافي فعلا يفيد
انتي قبل الولادة ماكنتي تدلكي صدرك ؟؟؟ ماقالت لك دكتورتك ؟؟[/
quote]

هلا وغلا بيش بأم القمر ..
على الكريم انا استخدم كريم لتشققات الصدر من بالمرز من ايام الحمل وكنت ادلكها يوميا بعد الاستحمام وللان وكمان بعد كل رضاعة ، مااخليهم جافين ابدا
الله يعين إن شاء الله ، أدعي ليي مايجف ..


[quote="حكاية قلم"]حنانيك ......

صار لي مثلك في حملي الأول ..
لما ولدت في اليوم الثالث من ولادتي أرتفعت حرارتي الى الاربعين وصلت أهلوس
هذا بفعل تجمع الحليب و أنتاجه شئ طبيعي بس لما رحت المستشفى حطوا لي مغذي
وخففوا درجة حرارتي وعطوني أبرة مسكنة لانه كنت تعبانة وجسمي مكسر ..

بس صرت بعدين زينة ..
وطبعا تجمع الحليب في صدري واجد وصار متحجر وتعبني واجد ..
بس كنت ارضع بنتي واجد عشان يخف التجمع حق الحليب وكنت مااعرف ارضعها جهة اليمين
تركته وجف ..
صرت بس اعتمد على جهة واحدة ورضعت بنتي طبيعي بس سنتين ..
على التشققات استخدمت كريم حق التشققات تعبت واجد بس مع الوقت تعودت
و ألتئمت الجروح وخف الالم .
اصبري شوي[/
quote]

هلا غناتي خيتوة ..
أنا أول يومين ماعرفت أرضعه من اليمين ، على المسكة والجلسة ماعرفت ، تعرفي تعب الولادة ، وتحجر مرره وانهلكت واشتريت شفاط وشفطتة وكان مررره متعب هالشفاط بس ارتحت ، وصرت اعرف ارضعة منه ، بس فجأة م ن يومين صار يعورني مره وارتفعت الحرارة فجأة ،!! ، انا يوميا الان اشفط منه ويرجع يتحجر بقوة ، لانه مااكمل ، يجوني ضيوف أو اتعب أو يجلس علاوي من النوم ، بكره إن شاء الله بشفطة كله على خير وإن شاء الله مايجف عندي .. دعواتك لي .. الله يسهل عليش إن شاء الله ..

دموع شمعة كتب:

هلا برفيقتي القمر ، كيفك ؟ ، وكيف فاطمتي العسل ؟
الله يعين ، بس كله يهون علشان فلذا اكبادنا " الله يحفظهم "
قالت لي الدكتورة وحتى امي بماي دافئ واشفطه
غناتي انتي اشتريتي شفاط بيجون يدوي صح أذكر انك قلتي اشتريتية وانا رحت قلدت عليش واشتريته ، ترى الشفط به صعب ويألم مررره مررره ويمكن طريقتك في الشفط خطأ مثلي ، لانو انا لما رحت الدكتورة شفطوا ليي من صدري
الشفاط اللي استخدموه مرره مريح ومايعور ورخيييص ب10 ريال ، خلصت من المستشفى مارجعت البيت الا ونفس الشفاط عندي هههههههه
وداني مررره مرتاحه عليه مايعور ويشفط عدل ، تضغطي بس ضغطه وتتركيه وينزل براحته
شفاط من فارلين اخذته من صيدلية جمعية مضر
ياعلي كريم ميبو يفطس حطيتة مرره ماقدرت عليه هههه ، احس ريحتي صارت ميبو ، وماعدتها مره ثانية ، استخدم كريم من بالمرز لتشققات الصدر تمام
وكمان على المخذة وانا بالمستشفى اقول لزوجي اشتري لي مخذة رضاعة علشان اجلس عليها ودار على كذا صيدلية وسنتر بوينت ولا لقاها ، ماحبيت اضغط عليه زياده ، مؤيحة تحسيها في القعده يعني مايعور الجرح اصلا ؟؟
يعني اقدر اجلس مع اهلي في الصالة بدون مااكون كله منسدحه على هالسرير ، << وحده ماتحب الحكرة والوحده خ خ خ خ خ

دموع شمعه جربي شربيها ماي وسكر او ماي ونبات ..
والينسون بعد زين يوم ولدي صغير ماينفع معاه الا الينسون

وفي تمرين بعد علمتني اياه دكتوره انش تحركي رجايل بنتش كنها تسوق سيكل يعني بحركه دائريه
ونفع مع ولدي واااااااااجد
وماعليها شر فطاام

مخادش ثنتينهم شريت مثلهم خصوصاا حقت البواسير من زمان استخدمتها لان جرح الولاده الاولى متعبني احين احسه بينفجر ساعات وخففت عليي وااجد

احلى نغم .. زي ماقالت ام غدورة حليب نوفالاك مرة تمام ..

وفيه انواع امساك .. اسهال .. ترجيع .. والعادي طبعا .. بس ممنتاز جدا عن تجربة ..

روح جده
بنوتتي نفس الحالة .. على عمري معورة قلبي تتعصور وتصيح لين يغيب هواها
الحمدلله اليوم الفجر عملتها وارتاحت شوي .. دلكت ليها امي بطنها ومؤخرتها بزيت زيتون
وتسهلت
وقفت حالياً ما اعطيها شي تشربه لأن احس لخبط بطنها تلخبط يوم ينسون ويوم حلوة ويوم شاي اطفال ....
تركتها على الله .. صرنا نقرأ عليها دعاء النور وسور من القرآن والحمدلله تهدأ عليهم من الصريخ والألم وتنام