تجمع الامهات الجدد لتبادل الخبرات

امهات الله يساعدكم حبيت اسال بيبيي صاراله 15يوم معاه اسهال رحت لدكتورباقروغيرالحليب وعطاه ادوية ولاتغيير للحيين وعطا مغدي نكان مايصيبه جفاف ولافي خبرفي احديقدريفيدنيي بيبيي عمره شهرين و3اسبايع حالياوشكراالكذم

مٍسآء الخيـر ..

كيف الكـل ؟؟ ان شاء الله بخـير..!!

اني أم جديدة .. واتمنى استفيد من خبرتكـم ..

..
ولدي توه قريب بيكمل شهـر ..
بس ابغاكم تريحوني.. صحيح انه بعد ثلاثة شهور يصير نومهـ احسن ..؟؟ وينام بشكل متوآآصل ..
لانهـ تعبني .. من زمآآن مانمت

أم هبه
غناتي ماعندي فكرة والله يشافي ولدك إن شاء الله ، إرجعي للدكتور وخبريه انه مااستفاد وماعليه شر يارب ..

أم سيد أحمد
بالعادة الطفل ينام واجد أول شهر له ويجلس كل ساعتين يرضع ويرجع ينام مايضل جالس إلا قليل مره وإذا كان يعوره شي ماينام واو متضايق من حفاظته أنا ولدي الحمد الله اعتدل نومه وصار ينام 3 ساعات ويجلس يرضع ويرجع ينام ومازال يجلس كل ساعتين في الليل .
وآحيانا يواصل 5 ساعات إذا مانام الساعة 10 الليل ونام 12 مايصحى الا الساعة 5 او 6
والله يوفق لك ، ومايضرك غناي إلا جلس رضعيه ونيميه وارجعي نامي

تسلمي غنآآآتي ..
بس المشكلة في القعدة كـل ساعتين .. احس رآآٍسي يعورني من النوم والقعدة ..
بس اني سمعت انه نومهم ينتظم اكثر بعد ثلاثة شهور ويصيروا ينام بسكـل متواصل ..

اني ولدي كل ساعتين يقعد في الصبآح.. واليل كل ثلاث ساعات يقعد..

~~

هاي امهات كيفكم وكيف الصغار
وكيف تطور مهاراتهم الحين ؟

حنانيك
اخبارك واخبار الصغير
يعني طلع مثل وسام يقعد وهو يمص في ايده
وعلى فكرة اني شلت وسوم من المنام بس احمله وياي علشان اذا بغى ينام
والكل معصب عليي يقول مستعجلة على الجاهل
بس والله اريح
الايام اللي راحت لما اطلع به مااجيء الا ظهري منكسر من المنام
ام بالنسبة للمص مغذبني كل مااشيل ايد يحط الايد الثانية خخخخخخ
خايفة يتعود على المص
وعلى اللعبة
ترى اني قلت لش من هدية المولود شريتها شكلش لخبطتي

نور2009
ام حمود
مختفية وينك ؟؟
طمنينا عن اخبارك ؟ واخبار حمود

هلا بالامهات الجميلات اللي يحلموا بالنوم مثلي خخخخخخ<<<<<ضربتوا على الوتر الحساس

ام سيد احمد

اي والله متعبه سالفة تقعدي كل ساعتين او ثلاث عشان الرضاعه بس تحملي وش نسوي الحال

من بعضه حتى ساعات ودي اكفخ روحي من اسمع صوت بتي تصيح حتى ساعات تجيني الغبنه

وودي اصيح <<<< وحده تموت في النوم وكنت اقطع النوم تقطيع

هذا الحين اني في بيت اهلي واني كذا كيف اذا رجعت شقتي ولا جاي رمضان بعد الله المعين

ام فدوك

عورتي قلبي يوم قلتي ان بنتش جاها الجدري احس بدري عليها الله يشافيها لش

اي حبيت افيد اللي سألوا عن افضل حفاظ للبيبي اني غيرت من بامبرز الى بيبي جوي

ومره حليو احس ماشيه اموره

امهات عندي سؤال يخص الجرح متى التأم عندكم ؟؟؟

اني للحين اعاني باقي غرزه تنغوشني ويطلع منها دم شوي والخيط ماطاح عادي ؟؟

مع اني اراعي اني اجفف الجرح عشان لاتصيبه رطوبه

اي وبعد ابغى اسألكم متى امترختوا ؟؟؟

هلا شيري غناتي .......
بنتي عمرها شهر و 16 يوم
المشكلة بنتي تعيف ما تبغى احد حتى ابوها اشوفها قلبت عليه مع انها كانت تحب يأخذها
صايرة لازقة فيني بس شكلي ما باروح العرس ولا التجليسة بعد اليوم ما نامت الا 2 الظهر اتخيلي من الليل الى 2 الظهر ما تنامي خلاص احس اني ميتة بس بعدني عايشة كيف التصير دي
المشكلة كان المغص زايد على عمري
وسبحتها وقمطتها ولا فاد
اذا المغص موجود مافي فايدة الله يهون عليها يارب

اللهـ يعين ..

اني عآد ماشفت احد ولدان قبل وتوني ادري انه التربية متعبة .. هههههههههه

.. ايهـ صحيح بالنسبة للجرح .. كيف اعرف انهـ التئم اساساً .. اني شالوا ليي الخيوط وخلوا اثنين يطيحوا لحالهم .. واشوف اجزآء منهم .. متى اعرف انهم طآحوا كلهم..؟؟ومت اوقف غن استخدآم الغسول والمرهم..؟؟

مرحيااا امهااات

اخباااركم ؟؟

جتني انفلونزا ومتعبتني وابغاها تروح لان مابغى اعدي القموره لان توه الزكام رايح عنها
بسألكم عادي اخد ليي بندول واني ارضع لان مادري وش استخدم للزكام عشان يروح ولا اعدي بنوتتي ...!!!

بنت النور
عليش بالبرتقال او السن توب كثري منه
او فيتامين c

شحالكم امهات

اللي يستخدموا حليب صناعي وشو افضل حليب ومايسبب مغص

لاني استخدم لبنتي حليب سيميلاك واحس زايد المغص عندها فقلت يمكن من الحليب او انه

يكون مو مناسبنها فتقترحوا ليي اجرب اي حليب؟؟؟

ساره
ترى مو شرط الحليب الي يناسب بنتي يناسب غيرها لان اني وخالتي كنى نستخدم رونالاك خالتي ماناسب بنتها غيرته الى سيميلاك وفادها اني ماغيرت حليب بنتي احسه تمام رونلاك
بس الحليب الصناعي كله يسبب مغص

روحي فداك

اي ادري بس لاني مااعرف اي نوع افضل

والله الكل يعاني من مغص الاطفال والله الحاله متعبه للام والطفل

حتى اني زيش افكر كيف اذا رجعت الشقه

صحيح بسألكم عادي استخدم السهايه ؟؟ لاني افكر استخدمها بس ابوها مو راضي

هل ليها سلبيات ؟؟

أم فدوك ....

جدري مره وحده اكيد احد عدهاا

الله يكون بعونش

بس يالله تفتكي جاها وهي صغير ولا وهي كبيره

أم سيد أحمد *.* ...

اني بتي ساعات توااصل نوومهاا حتى اقعد من النوم بدون لا تقعدني هي

وساعات كل كم ساعه تقعد كان ترضع

بس اكيد نومهم احلى من الثلاثه شهور الاولى

آمـ ريمي ..

الله يساعدش عليهاا

اني بتي تصيح وصرت احقرهاا

لاني لو باتابعها مابسوي شي في الشقه نهائي

واشوفها صارت اخف خخ


روحي فداك ...

ماي غريب مفعووله سحري

اني بنوتتي لما كان وياها المغص اعطيها وياه

وتهدء وتنام عليه

شريناه من صيدليه مستشفى الزهراء

وعلى الجرح روحي للدكتوره تشيك عليه ولا خلي بعض الناس اسرع خخ

#ساره# ...

اني استخدم لبتي حليب بليميل بلس وحليوو ما اشوف سبب ليها شي

وعلى السهايه اني عكسش اني الي ما بغيتها وبعلي هو الي يبغاني اعطيها وياها

اني سمعت انها تخرب الاسنان من قدام بس بعضهم قالو دحنا استخدمناها ولا شفنا

منها شي وبعدين من صريخها صرت اعطيها وياهاا بس ماتقبلتهاا خخ

ياعمري أم فاطمة

أكلتي القمر أحس بدري لكن .!!
ماشاء الله شلتيها من مفرشها ، أنا بنتظر بعد أسبوعين وبعدين بشيل عسولي علي
احاول قد ماأقدر ماخليه بحضني ابدا ياعلى السرير او بفراشة أو جالوسيته وتهز بعد يستانس عليها واحيانا وااجد ينام فيها خخخخ
أخلص شغلي وهو فيها ومااطل عليه إلا وهو نايم أو متخدر بينام أشيله وأنيمه

والله يعينك ههههههه على الرضاعة ،
وعلى الشعر إهئ إهي الحال من بعضو ياقلبي

غناتوة بدخل مسن تقدري تدخلي بكلمك

كيف الامهات الحلوات وكيف النوم الحلو معاكم
زمان اول حتى للحمام وانتوا بكرامة مااقعد والحين ماشاء الله وسوم كل اشوي ييقعدني

روحي فداك (ام بيان )
اخبار الصغنطوطة
بالنسبة للخيوط راح تطيح وتشوفيها كأنها شعر صغار اصغر من شعر الحواجب
وعلى رمضان ربك يسهلها ان شاء الله
اني في رمضان زوجي مايحب يفطر الا في بيت ابوه فـ كل يوم بطبخ لي طبخة طبختين ويوم في بيت ابوي ويوم في بيت اهل زوجي والله يسهلها

سارة (ام سارة )
السهاية جابوا عنها برنامج في التلفزيون يقولوا انها ماتضر بس اهم شيء ان الطفل يتركها قبل لا يكمل سنة
واني وسومتي ماشاء الله عليه تركها من الحين بس
ولد حميي عمره اكثر من سنة وكل في فمه معلمينه من يصيح يحطوها في بوزه فصار من يشوفها خلاص مايقدر يهدها (العزيزة الغالية )هعع

دموع شمعة (ام فاطمة )
ماشاء الله على البنوتة الحلوة اللي بدت امها تاكلها
اني عمتي ام زوجي تبي تاكل وسام يوم الجمعة اللي راح مهلبية مارضيت قلت لها لسى صغير
اذا كمل الرابع بعدين ببدي اكله هالاسياء الحين بس اذوقه فواكه (رمان - عنب - غوج )
مع اني مستعجلة على الاكل بس اخاف يغص بعد الناصفة ببدا باكله

على فكرة امهات اللي يعانوا من الامساك مع اولادهم
اشربوا كأس عصير برتقال وبعد اشوي رضعوهم وبيمشي بطنهم بلا ادوية بلا عقاقير
جربوا ماراح تخسروا شيء

F-RAD

حركات عجل مرتاحه عن الحوسه اني الي اتوقع بملش شعري في رمضان وبشق اثيابي وبطلع هايمه هع هع هع
الله يستر