بمدا تناغين وتلاعبين طفلك

تفآحه حمرآء كتب:

هههههههههههههههههههههه
ويلي عليكم يالأمهات وعلى أناشيدكم تجنن يبغالي أحفظها >>تدرب
تذكرت في انشوده قبل كل نقولها
صآبونه وردية تسبح بنيه ماعرفت تسبحها رآحت البوفيه عطوها بيبسيه ماعرفت تفتحها سموها فتحيه


وفي وحده مو حافظتها
هلا وهلوها والنآس مآعرفوها جآبو سمك خطبتها ....مادري وشو بعدين

هههههههههههه

تفاحة

احنا مانقول نشودتش عجبتني لكن


احنا نقول صابونه ورديه تسبح بنيه ابوها مايرضى سموها فتحيه

سديم
عفر عجبتني فكرت الاعيه وقت النوم اني اول ماولدتها صرت احط شريط قراءن بس هونت يبغى ليي ارجع اعودها وقت النوم بلادعيه والقراءن

ام ريمي
يااااااااااي عجبوني الفنتين الاوليات بس اخر كلمه مافهمتها عفر
اكتوبه ؟؟؟؟

حور
يلله ماباقي لش واجد دهب الكثير وبقى القليل يبغى لش تحفضي هلاغاني من الحين \

ساره
اهم شي الباقي الي مو حافضتنه ههههههه
ترى حتى اني كل اخرف من عقلي تصريفه

بسمه بريئه
اني حتى لو اغنيه ماتناسب اهم شي الزنونه الي عندي تسكت
ويللله الدور جاي عليش احفضي لش كم وحده

شيري
اني بعد ساعات اتكلم ليها كلام مو مفهوم خرابيط يعني واغير صوتي اسويه نفس اصوات الكراتين وهي تستانس تضحك خخخخ

تفاحه حمراء
يااااااااااااااااااااااعلي يطلع منش غباااار من وين طلعتيها ههههههه اصدقي نسيييته كن يوم صغار كل نغنيها خخخخ

سايلنت
اني حنى بعد انقول زيكم

هلا
موضوع مره حلو
اني اقول لنبروستي
ياعمري هل بنت خطابها الف وست كل من جى خطبها ابوها كل يسكت
..........
نبروس تخم الحوي ضاعو تراكيها تمبى تراكي دهب ابوها يراشيها
......................
هلا هلا هلوها وبنتي دللوها سبعين حبشيه تخدم في بيت بوها
هلا هلا هلوها ومن الدهب ملوها وكل مابغت عطوها كل من فلوس ابها
<<<<<هدي نبراس مره تحبها من اقولها تترقص عليها وتضحك
.........
وادا صاحت
يسنور تت ماعندنا بت ماعندنا الا نبروس اتصيح وتسكت
................
وادا قعدت من النوم
صباحش الصباحي والورد والتفاحي

هلا روحي فداك
خلاص ولا يهمك اجهز لك بكره حوديات لاني الحين نعسانه حدي

بس بقولك ثنين علشان خاطر السيدة

فتحت قرقاشه بنت أمير الباشا
فتحت ولا ستحت وانتشى بيها الحوي
أمش بلا صلاة والغذا مو مستوي

لا تزعلي علي يوم جبتني أبنيه أنا بأخم حويشش وانتي روحي العزيه
وانا بسوي عشيش وانتي روحي العزيه


أبنيه على ابنيه ولا قعود بطال ابنيه تطحن الطحين وابنيه تعاتب الجار وابنيه تقول لفانا اليوم خطار

با باها بابا زين وديها الى ابو حسين



حافظه واجد وعندي دفتر بعد مجمعه فيه بكره انشاء الله

الله موضوع حليو عجبني ..

من الأشياء اللي اقولها

-هلا هلا هلوها من الذهب ملوها ..

-صباحك الصباح والورد والتفاح والرازقي لا فاح صباحك صباحين صباح الكحل بالعين .. ومادري ويش التكمله خخخ

-صلوات على محمد والعدو اعمى ومصمد
صلوات على الرسول لو زعل سيد رسول
صلوات اعلى النبي لو زعل عبد النبي ..

-نام هوى عن الشليب والعوى ..

- يسنور تت ما عندنا بت ما عندنا الا حمود يصيح ويسكت ..

اذا ذكرت بحط بعد ..

اميرة الحلوين
نفس الي اغنيهم الى بيونتي
بس الاولى اول مره اسمع تكملتها الي يسكت ابوها

ام ريمي
اي الحين فهمت <<<<كان استيعابي بطيىء خخخخخخخخ

ام عمار
ياعلي وش هلغبه ياخيه كل هدا خشوش الجهال
غناويش حليوه بس صعبه ماعرفت الحنهم خخخخخ
يلله كملي الباقي

ام بنين
ياعلي دكرتيني بفترت النفاس خخخخ
صباحك الصباحي كانت امي داااااايم تغنيها الى بيون اول ماتصحى من النوم

هلا روحي فداك
أخبارك مع السيدة القمره شكله طالعه عليك

والله اختفينا مع الجهال ومشاغل الحياة

جايبه لك اليوم بعد كم وحده لسيده علشان الله يوفقنا ببركات جدها رسول الله

زانه زانه زانه بيان على لي جانه
طواها ما طواها طواها حبيب رمان
رمانه البديعه بيان يالمطيعه

ارقصي رقاصه راح أبوش الغاصه
ايجيب لمش لولو والعدوه الرصاصه
أو نقول مرت أبوش الرصاصه

ياعمري ياحبي يا غناتي هالبيان
يا عمري ياحبي يافؤادي هالبيان
بيان وأبيها مرتين حظها قوي وحظها زين

بيان تخم الحوي ضاعوا تراكيها تبغي تراشي ذهب وأبوها يراشيها


انشاء الله ما يصعبوا عليك واذا تمبي دروس كيف تقوليهم اعطيك كورس

وانشاء الله مره الجايه اجيب لك صباحك صباحي كامله وغنايات بعد

روحي فداك

هدي اهلي يقولها للجهال <<...ابوها كل يسكت

وعندي وحده بعد لما يجي الجاهل ابو فاق او ابوخضير
ابو فاق وافقها وكبر مرافقها
ههههه هدي جدتش دايما تقول وحليوه من لسانها

موضوع كشوووخي
اميرة الحليون
احنا الي وياه ابو فاق نقوله ابو فاق وافقش يوسع عينينش ويكبر خشمانش

عندي اناشيد واجد واجد لو اقعد اكتب فيهم للصبح ماخلص خخ
من عند امي وعمتي وجدتي وبعضهم خرافه من عندي ومن عند باباهم


تفاحة ياتفاحة وين "ايوت" مرتاحة مرتاحة في العمارة طبت عليها الفارة والفارة هندي هندي تعالي تعشي عندي لحست الصينيه مافيها الا لحمة مشوية
سمبوسة ياسمبوسة وين "ايوت" محبوسة محبوسة في العمارةطبت عليها الفارة والفارة هندي هندي تعالي تعشي عندي لحست الصينية مافيها الا لحمة مشوية

وكنونها وكنونها نجيب الخلال في حضونها
وكنونهاوكنونها تكبر ويجو ينادونها (لاحد يسال يعني ويش كنونها لانه مادري ههههههههه)

اية اليوم زعلانه بكره تلعب معانا جا الشرطي واخذنا كل منش يا اية كل منش يا اية


مدينة يامدينة فشي الشيس واعطينا والنبي ويش عادته عادته سجادته
والنبي صلو عليه

واحد اثنين باباحسين ضرب الحيه وقال اثنين ثلاثة اربعه طب في المزرعه خمسه سته ياكل خسته سبعه ثمانيه ياكل ضامية تسعه عشر ياكل حيه مقشره

دور دور ياعصفور فاطمة بنت الرسول عندها اوراق الحنة تكتب على باب الجنة والجنة ما احليها ربي عطاني وياها باب النار للكفار باب الجنة للاسلام

محمد نبينا امه امينة ....الخ كلكم تعرفوها اكيد ويش رايكم في العيارة ههههههه

الي مايقولش ياعيني يعمه بالفتيني يطلق ام اولاده ويكفر عليه الديني
الي مايقولش مرحبا لاعاش في بيته ربى ولافرح بيوم العيد ولا لبس ثوب جديد

حبيبتي واريدش والعبده تغسل ايدش حبيتي واني امش اشق حضني واضمش

سيارتي الحمرا مشيتي لو بعد ركبي ايوت على كرسي ذهب بيضه واحليوا وناقصها الرجل تعرف تغني وتعرف العجب

ام سليمون القرعة راحت نخلنا ترعه ضربنيها اشوية راحت تشكي عليا

اما هذي اقولها لرجلي مو لبتي مو تسخرو ها خخ
حساني ياحسن سن راح البحر يتسنسن .... في مشيتة يتفنفن كلامه احسن واحسن

خلاص عفر واجد مصختها في القرقر بايوو

لياااااال نشايدش تجنن ضكرتني بجدتي الله يرحمها

ادكر وحده من اللي تغنيهم جدتي لاخواني وهم صغار كنت احبها مره ونسيتها ماادكر الا بدايتهاا

ارقصي ياراقصه فوبش ماناقصه
ابوش قد الفهد زايد ماناقصه
تجنن هالغنايه بس نسيتها بستعين باختي وباجيب بقاياهاا

ليال

احنا الي وياه ابو فاق نقوله ابو فاق وافقش ويكبرخنافرش

واقول الى بنتي هلاهلا هلوه ومن دهب ملوها واكملها من عندي بس دهب غناتي غالي
بس لوحتى غالي لازم بلبسك اختك مواحسن منك

اميرة الحلوين
نفس الا تقولهم امي الى اطفالنا

ام عمار
اي بيونه طالعه علي الخالق الناااطق فوله ونقسمت على قولتهم
وعجبوني الغناوي عدل مدل
هدي زانه مالت العبه الي يحطو الجاهل على الرجايل وطفروه ويش
اي ويلله نبغى غنيت الصباح لاني ماعرف الا المقطع الاول بس

اميرة الحلوين
هههههههههههه اي حتى امي كله تقولها الى بيان ابو فاق وافقه وكبر مرافقه
واني اقول ليها اي ناقصين يكبرو يصيرو كراسي هههههه

ليال
اي هلاناشيد الي قلتيهم رجعتيني الي ايام اول
هلاغاني كنى في ابتدائي نغنيهم في العابنى
بس اهم شي اغنيت حسون ههههههههههههههه

عندي مجموعه اناشيد مره عجبوني كنت احفظ فيهم واني حامل والحين اقولهم لعروستي

تفضلوهم





أول شئ التصبيح بالجاهل

- صباحك الصباحي والورد والتفاحي .

-صباحك صباحين صباح الكحل في العين ...صباح يطرد الفقر .. صباح يطرد الدين ..

صباح الناس مرة صباحك عشر وفنتين.

-صباح الخير قبل مايرفرف الطير والطير له جناحين والى وليدي نبا الخير.

-صباحك السعادة زيارة علي و أولاده وكل يومٍ مضى من عمر وليدي زيادة.

-صباحك لولو البحر مسباحك .. والبين مايندلك ولا يسمع صياحك.

-يعمري من نام وقعد... والنوم في عيونه بعد


أغاني بإسماء الوليدات:

بابا " نبروس " تعال جيب ليها خلال .. من خلال الداليا .. " نبروس" يالغالية .

زهراء:
زهراء زري امقنعة بالمشمري أبوها غايب السفر يبيع ويشتري.
حسين :

هذا حسين نور العين .. يفرح لا شاف القرشين.

أحمد أو أحمدوه :
أحمدوه دقاق الشلبة ... أحمدوه ماحد يغلبه ...أحمدوه أحرسه ربه ... أحمدو
وايد أحبه.

حسن :
حسن حسن حسنسن راح البحر يتسنسن ..في مشيته يتفنن كلامه أحسن وأحسن.

علي :
علوي شب "جب" اللبن راح لأمه مستجن .. علوي شب "جب" الحليبة علوي ماحد
يجيبه ...


نبراس اتخم الحوي .. ضاعوا تراكيها .. تمبى تراكي ذهب .. وابوها يراشيها .

أغاني الترقيص :
¤ ياغناتي هالولد يكبر ويعمر البلد ويعيش لأمه هالولد.
¤ متى اشوفك ملتحي واشوف قدك واستحي واقول تغطوا جاكم " حسون" ريال.
¤ ارقصي ياراقصة فوبش ماناقصة ..طوله طول القدم .. زايد ماناقصة.
¤ ارقصي يا رقاصة ابوش مقدم الغاصة يجيب لأمش لولو وإلى العدوة ارصاصة.
¤ هلو هلو هلوها ... من الذهب ملوها .. سبعين حبشية تخدم في بيت ابوها.
¤ تشيل رجول وتحط رجول حسافة ماعليها حجول.
إذا وقف الجاهل :
وقف وقف " حسوني " طال السقف " حسوني "
وقف وقف حيدة .. طال السقف بيده
متفرقات:
§ ياسنور تت ماعندنا بت ماعندنا إلا " فطوم " اتصيح وتسكت
§ حبيبتي وريدش .. والعبدة تغسل أيدش .. حبيبتي واني امش ... اشق شبدي واضمش
§ إلا مايقول لش يعيني يعمى بالفنتيني .. يطلق أم أولاده ويكفر عليه الدينِ ..
§ إلا مايقول لش مرحبى ..لا عاد في بيته ربى .. ولا فرح بيوم عيد ومالبس فوب يديد
§ زانة زانة زانة والباقي تعرفوه ..
§ سطاحة بطاحة وكلاب البدو نباحة .. هذا للبابا .. هذا للماما .. هذا
لديدة ..هذا للخالة .. هذا لنبروسه وقال الفار دلوني بيت نبروسه ودوني ..
ولتنييم الجاهل ..
نام هلولو عن الشـ "جـ"ـليب والعوعو .. نام هوّى عن الشليب والعوى ..
صلوات على النبي .. ياعين عنها جنبي ..صلوات اعلى محمد والعدو اعمى مصمد ..
صلوات اعلى النبي والسلام على علي نور الهدى يامحمد شمس الضحى ياعلي ..شمس
الضحى اظلمت وردها المولى علي.

إن شاء الله تعجبكم

اميرت الحلوين
ياااااااااي مررره عجبتني اغنيت الصباح يبغى ليي احفضها عشان ادا جلست بيون

اما الي عن الخلال احنى انقولها غير اشوي انتو على طول تحطو اسم الجاهل احنى لا انقولها كدا

بابا ((ابراهيم )) تعال جيب الى ((خلال )) من خلال الداليه بيان يالغاليه

رررررررررروعه من جد
يعطيكم العافية امهات ويخلي لكم اولادكم يارب

هلا أم السيدة بيان
جبت لك تصبيحة
صباحك صباحين صباح الكحل بالعين
صباح الورد جوري الزاهي على الخدين
صباج الناس مره وصباحك عشرة واثنين
صباحك الصبايح سالمات من الفضايح
ولا صحنا عليكم ولاسمعنا الصوايح
حي صباحش حي مساش سبعه أخوان اخلاصاش
حي حبيبي وأنا أمه والغبره ما تضمه واضم من تكره امه
سكين السنينه وحريبه المتينه في كبد من تكره أمه
صباحك الصباحي والورد والتفاحي
وعيونك الحلوة اللي تسلب الارواح
صباحك صباحين صباح الكحل بالعين
صباح الي يطرد الفقر صباح اللي يوفي الدين



متى ينطق لسانك ويكالم البشر
متى يطلع السنانك وتاكل الجزر
متى تكبر رجولك وطربق في المطر >>>>أنا اقول متى تمشي
متى تصفق ايديك وتسلم على البشر

كيف ما حبه وضمه وامي جابت أمه
وكيف ما أحبه ووده وأبيي يصير جده
كيف ما أحبه واغالي وخال اخوي يصير خالي أو وخال أبوه يصير خالي



هذي كان عمار يحبها موت

شفت القمر بالحوش حسبته انته
أمك تبيع ارخيص والغالي أنته




وهذي ماجاء عمار عمره سنتين الا حافظنها
تفاح ما نأكله حلو يسلينا
والغير ما نأخذه يرحل ويخلينا
ما نأخذ الا ولد من حوش أهالينا
بيتنا حدى بيتهم صوته ينادينا

ام عمار يعطيش العافيه على هلغواني
بس اعترفي التصبيحه حافضتنها كلها يلله اعترفي ههههههههههه

هداني كتبتها لاني ماتوقع اقدر ااحفضها عفر

ام عبادي
حركات نفس الي تغنيها جدتي بس اني ماقدرت احفضها

من الغناوي اللي اغنيها
وش حالكم وش حال بيت الجيران من قبلنا حطوا ليهم فيران
وش حالكم وش حال بيت الزاير من قبلنا ركبوا ستاير
وش حالكم وش حال بيت الجشي من قبلنا حطو ليهم كل شي
وبعد
ياستور تت .....الخ الكل يعرفها خخخ

ام عبادي
هالاغنيه ناقصه بعد مو حافظتها كامله خخخ بس اتمشي
اذا حفظت الباقي بكتبها مره ثانيه

روحي فداك

حفظت واجد من الحوديات وحافظه شوي من تصبيحه بس جدت زوجي حافظه كل دولا وزيادة الله يحفظها ويطول عمرها

أم عبادي عجبتني حوديتك
سوسو
والله حركات حوديتك