تجمع الامهات الجدد لتبادل الخبرات

مشكورة غناتو ام علاوي وحمودي

كم مل تكون الرضعه المفرووووض؟

لما سألتها كان عن رضعة 120 مل لأولادي لما كملوا السنة ...

طبعا بيكون الطفل ماكل أربع وجبات تقريباً غير الحليب ...

تسلمي غناتي ام علاوي

المشكله ولدي ماياكل شيء مطفشني مرة معتمد على السيرلاك والزبادي

واحيانااااا ياكل رز من غداناااا مايعجبه شيء

يالله الله يعينا على الاطفال

اني بستجن من بتي .. مجننتني على الأكل
والله العظيم كرهت وقت تحضير الوجبة لها وكرهت وقت تأكيلها .. لأن طول الوقت تصرخ ماتبغى تآكل غير الخضار
أسوي ليها فواكه انواع واشكال وماتبغى كأني ضاربتنها !!
تعبت تعبت واجد وياها على الأكل حتى صارت من تشوف الملعقة وصحنها تصيح خايفة ااكلها

تخيلوا تبقى بس على شرب الحليب .. وياليت ترضى بالصناعي .. تجيها دقات ماتبغى إلا من صدري وبالموت تشرب الصناعي بعد ماتنفخ بطنها من الصريخ تشرب المرضعة نصها

ماتوقعت ان فترة اطعام الطفل اصعب فترة في الربى

الله يعينكم

حاسه فيكم وحازبه لهالفتره لان ولد اختي كذا بعد يجننها ولدها وقت الاكل

بس اكتشفت بالصدفه ان يسهي وقت الاكل لماتحط له انشوده سبايدرمان مادري وشو الانجليزيه وياكل وهو ساكت

جربي بنتش تحطي ليها حاجه تحبها

كل عام وانتم ابخير امهات ونونوات صغار
ينعاد علينا وعليكم يارب>>>جهزوا العيديه خخخخ

صحيح دموع شمعه زي ماقالت ساره حطي ليها حاجه اتحبها موسيقى او انشوده وبتاكل
اني نفس الشي بنتي لاحظت عليها شديه اتزنزن اذا اكلتها وصرت اشغل ليها لعبه اتسولف اتقول ماما بابا اي
وبنتي اتموت عليها هاللعبه ووقت الاكل تسكت بس اشغلها ليها وتاكل

اي اصعب مرحله تاكيل الجهال يجيبو الصقرقع والله خخخخخ

اي دموووع ترى مفيدة الحركة حطي ليها قناة طه واكليها بس ادا كبرت خلاص بتفهم وماتنفع الحركة زي حسوسنو

مادام هي تحب الخضار احسن ليها والله

لان ادا داقت الفاكهه بتحب الحالي وبتترك الخضار

اني حسونوو لاخضار ولافواكه خخ

امهاتووو ولدي وياه اسهال ويش اسوي له ولاهو راضي ياكل غير الروووب وهوو يزيد الاسهال عفر

والحل

هلا ام حسون القمر
عطيته حليب السعوديه العادي وماتقبله بالمره لدرجةانو ينام من غير مرضعه واذا صحي شربه بالغصب من العطش
والحين رجعت شريت له حليب نوفلاك ومبسط فيه لما يشربه مايكبرو الا من عمرنا

هلا ام حيدوور

ياعمري حيدور القمر اجل ماتقبله يالله مرة مرتين خيرته يتقبله جربي النوع ا لثاني الا يكون من سنه الى 5

لان طعمه يشبه حليب الطحين خخخ مو حلو مسوة

يمكن يعجبه

هلا ام حسون
اذا شفته باخد لها كم واحد تجربه حاليا بعطيه نوفلاك

ممكن سؤال امهاتنا الحلوين
حيدر عنده زكام واخدنا له البخه حق الانف عطيته اياه 5 ايام عادي اعطيه منها اكثر من 5 ايام وبسسسسسسسسسسسس

دموع

انا قبل كم اسبوع شاهدت في قناة الآن عن تغذية الطفل في برنامج صحي وسريع قالت تعطي الطفل كاس ابو المزاز او ابو اللي فيه فتحات ملون تحطي فيه ماي وما تعطيه جليب وقت الوجبه ابداااااااوتأكليه وجابت جاهل اكلته وما شاءالله عليه يفتح بوزه وياكل واذا وقف شوي تعطيه يشرب ماي مو عصير فقط ماي جبي معاها وجربي بعد موسيقى او قناة طه زي ما قالو يمكن ينفع

ام حيدر اتوقع القطرت عادي اذا كانت ماي وملح .. ما يشوف شر حيدور

ام حسوون

عطيه مرقة العيش توقف البطن وبطاطس مسلوق وما يشوف شر

اني بعد حمودي الوم ماقعد الا مزكم حده على عمري وبلغم وسخونه ..

الله يعافيج ام بنون
والف سلامه على حمودي مايشوف شر

هلا ام بنوون اي يبغى ليي اعطيه بطاطس مسلووق ويا مرقه العيش

ومايشوف شر حموودي يارب وديه المسشفى خيه يمكن وياه التهاب

ام حيدوور اني بعد اتوقع عاد البخاخ

ادا بغيتي تبخي له مو تبخي وهو منسدح بخي وهو قاعد وميلي راسه شوووي بس على ورى هدا الدكتووور الا قال هيك

مادري تدري عن المعلومه لو لا بس حبيت ادكرها لاني قبل كنت ابخ حسوني وهو منسدح

ومايشوف شر حيدووور

مشكوره ام حسون على المعلومه
وكوثر بعد متزكمه سالت الصيدلي عن البخه اذا زينه لها ولا لا قال زينه فقلت اتاكد منكم

اي عادي ام حيدووور البخه تنفع الى كوثر بعد غير هي ماي وملح ماتخالف

بخي ليها قبل الرضعه عشان تعرف ترضع

وماتشوف شر الجميله

كيفكم امهات شخباركم

وحشتونااااااااااااااا برشا برشا

نخاف ندخل ليهم في تجمع الحوامل يعدونا ..


بنتي الصغننة مريضة على قلبي مادري وش اسوي فيها

هي اذونها لو حلقها لو زكام لو ..

تعبت وه

يؤ دعاء وش هالغيبة دي كلها هجرتي المنتدى نوبة وحدة
ماشوف شر بتش بس وش فيها بالضبط! وديها المستشفى ..

صحيح دعاء

ويش هالغبار اللي جانا .. من وين طالعه انتي هههههههههه

اختفيتي مره وحده وينك وما تشوف شر الكتكوته ..

مرحباا امهات
شلونكم شخباركم؟
دعاء
عندنا وعندش خير الزكام ما يفارقهم والهسبوع حسون بعد أذونه وصار لي اليوم السادس استخدما مضاد وخفت بس احسه يحك في اذونه احيانا ،،
أمهات عندي استفساروضايق خلقي من هالساالفة
انا لاحظت على حسون عنده انحراف في العدسة في عينه مثل (الحول) بس انا اتذكر زنوب في صغرها كذا بعد وسمعت من أكثر من وحده ان اليهال كذا لما يركزون في النظر الى شي
بس اليوم اختي هوستني تقول وديه المسشتفى يمكن فيه شي !!!
ويش رايكم؟ وفيه أحد من أطفاله تصير عينه كذا؟

اريج
هو المفروض عادي تقريبا الى الشهر السادس بعدن تعتدل يونه بنتي حميي طلع عندها حول بس ما اكتشفوه الا لما كان عمرها سنتين تقريبا .. اتوقع عادي ..

ام بنين
انا في البداية متطمنة بس لازم يجي لش اح ويهوسش وانا من غير شي هوسية ،،
واللي مخوفني انا عندنا بنات اخواني بنتوتتين عندهم حول وحده في رابع الحين والثانية في ثاني ابتدائي وما بين فيهم الا قبل كم سنة بس ، وهم اباءهم خوان وامهات خوات ما ادري عامل الزواج من الاقارب له دور ولا لا !1

اريج
مايشوف شر حسون
ماعندي فكره عن سوالش

دعاء
اذا تخافي من تجمع الحوامل لاتدخلي خخخخخخ .......>>>>تحدها ديوانية الرعب اسمها خلاص

تعالي ماعنا الديوانيه في القسم العام

مراااااحب بنوتات

اريج الواحه

اذا كنت تحسي بالحول بس لما يركز في شي ونادرا فشي عادي كل الاطفال كذا

بس اذا باستمرارا او بكثره راجعي الطبيب احسن


بنوتات

قبل كم يوم اشوف في رجل بدوري دوائر جافه وفي بطنه شويونه

وشو هذا ؟

خايفه لاتكون اكزيما

بس جفاف وخفيف