ديوانيه .. سوالف .. فرفشه

ام زنوبه
احنا نروح السوق وننسى عمرنا خخخ على مانخلص ونروح نتغدى ونلعب الجهال ضاع الوقت كيف لو نشاهد فلم بس في المستقبل مخططه اذا كبروا لصنوه خخخ


اسمي Fatimah Hassan

يالله خلينا نشوفش

مرحبا امهات
كيفكم وكيف النونوات
قريت الصفحات ونسيت السموحه المرض والسهر وما يسوي

جوان
الحمد لله فرحت لش وايد ولاتنسينا من الدعاء وماوصيش سلمي على السيده سلام االه عليها
ولاتنسي دفي حسون عدل

شيري

شو اخبار حمود ومثل ماقلتي عن الرومانسيه مافي وقت من الجهال كانش توصفي حالتي مع كتاكيتي

غلا قلبي
مومهم الاسم السيد زي القمر بصلاه على محمد واله والرجال لزم احكمو رايهم نحاسه

جموله
شو اخبارش واخبار بيون وشريط العرس توه جاي اتاخرو واجد
ام بنون
الحمد لله شفتي الكيمرا دام فيهاصور واكيد هاذي حركلت بنون الحلوه

ام زنوبه
مايشوفو شر الحلوات كم اعمارهم

وعلى نسوان الحمي ماشوفهم الافي المناسبات حاولت اصادقهم بس لم ننجح حلوين نسوان الحمي الصديقات

ام زنوبه

مايشوفو شر الكتاكيت يارب

اف اتش او_ اجمل احساس

اي تأ|خرت واجد لانها سافرت مرتين

ويوم خلصته ماحطت لي صور عرسي وقلت ليها ابغى تعرضي صور عرسي

وعدلته وحطت الصور عشان كذا ضيع الوقت واخيرآ استلمته

غلا قلبي

الحمدااااااااااااالله قبلو رجلي شغل في الجبيل

اشوه علييه كان نستقر شوي بالشقه

ها بتنزلي اليوم؟ عشان امش بتسافر بكره

وزي ماقلتي نشاهد الاشرطه في ربيع احلىىىىىىى

وعقبال ماييحبي السيد على قدام هههههههههه

[center] شحوالكم يانساوين ...
من زمان عنكم ...صار لي فتره ...كل من هم الامتحانات
عن جد تعب ما ني قادره ...


دابحني هالولد عدل صاير مره يادوب تدخل المعلومه في مخه ...
ماعندكم حل له . ...يقهرني كل همه اللعب ..واني اعصابي على نار
وكملت عليي اليوم هالخايسه النحيسه الدوره ..هداني متولوله من الوجع
وفي هالبرد بعد ...ياعلي


وبونيتي على عمري كل اسهال وياها والطفح عند الحفاظ زايد مره حتى
ما تقدر تقعد ...مسكينه اليوم سبحتها وهي واقفه ومفزعه المكان تفزع بصياحها
استعملت ليها مراهم وكريمات وغيرت البامبرز اشتريت ليها هجيز والبارحه
شريت ليها بامبي ولا تغير شئ ....الليله باروح وياها الدختر وباشوف ..
حتى اليوم جلستني من الساعه تسع بصياحها حارنها غيرت ليها
وفرصتي قعدت هالولد يداكر وسويت حملة تنظيف الى صالتنا بس ..هع.. هع


وما خلصت منها الى اني متكسره حدي ..بقو الستاير فيهم غبره ..ما عندكم فكره كيف تنظفوهم
قلت الى زوجي نجيب العمال نفسهم الى ركبو لينا يشيلوهم وينظفوهم ما اقتنع ... اوف ...وستارة صالتنا كبيره
يعني لو بافكر انظفها اشوف حجمها اتراجع ...
الله يعين بس ....


جوان ...

عليش بالف عافيه للزياره الله يكتب لينا احنا بعد..
لا تنسينا من الدعاء خص نص براحة البال
والله يوفق ولدي في الامتحانات وينجحه وياخد الاول ..
ودفي حسون عدل يقولون ناس توهم جايين عن حساب بيجلسو شهر هناك ما تحملوا
من البرد وهي عندها جهال قعدوا سبعة ايام بس ورجعوا ..
موفقين انشاءالله ...


اناهيد ..
سلامة جدش ما يشوف شر ...


f.H.o
بالنسبه الى الدواليب ما انصح فيه الجرار ...تراه ما ينفع الى الجهال
وجربتهم في بيتنا الى في الجبيل بعد ما انصح فيهم
والى شفتيهم عند البلال وشدن تراهم روعه ..وقويين مره
اني توني مكمله ثلاث سنين من حطيتهم في الغرف وهداني باغيرهم
الحمدلله زوجي مقتنع انو يغيرهم ...بس متى ما ادري


cherry

ياانش شهيتيني على الكستن ...عدل ...قبل يومين يوم اقضي اغراض الى البيت
ترددت اخده او لا ...لان كل مره اخده ما اعرف اسويه عدل وينرمى ...خساره
وعلى الرومانسيه ..من بعد ما ينام حمود على طول ابدعي ..استغلي أي فرصه عساها لو
عشر دقايق ...
ادكر مره من المرات رحنا دبي اسبوع لحالناخليت اولادي ويا فيولتا القمر راحت ليهم الجبيل
والله عشنا ابو الرومانسيه هناك ..ولا ..البانيو الى في الحمام حق الغرفه فيه نافده كبيره تطل على
الغرفه ..وديك النافده ما تسكرت ابدا خخخخخخخ.....وكل ليله اروح السوق ادخل نعومي ولا ليسينزا
وطلباتي كلها مجابه ما خلينا شئ ما اشتريته في ديك السفره ...ويم رحنا المطار يوزنوا الشنط مصيبه
طلعوا وزنهم اكثر من حق شخصين ...لماااا واحد جزاه خير من البحرين اخد عنا شنطه ..
خلي فيوليتا تعلمش الرومانسيه .....دروس عندها ...خخخخخخ..>>>>


احس روحي هدرت واجد ....ما عليه تعويض عن الايام الى فاتت الى ما دخلت فيها
اقوم اجهز غريضات بعلي على عمري بتيسر ايطاليا عنده اجتماع هناك ...يومين وراجع ...

ديالا
الله ساعدش وعوض تعبتكم انتي سموي ويطلع الاول وجيبي لينا الحلاوه
وماتشوف شر الاموره الطفح يحرق مسكينه ومع الاسهال يزيد
صار لولدي كدا مع الاسهال ودايم يصيح والكتور اقول خليه بدون حفاضه بس ماقدرت وصف له دوا قوي وبرا بسرعه بسلون جلده اغمق شوي

وعليش حركات رومانسيه بس مع الجهال نسيت الموضوع ومافي احد اخليهم عنده اني ماقدر عليهم كيف اهلي وامي ماتقصر بس مااحب اتعبها


تعبانه احس فيني سخونه تروح وترجع ومتكسره والشغل اكوام بكره باجيب شغاله
ومتعيجزه اسوي عشى قلت لرجلي اجيب بيتزا هت

باقي الامهات عساكم بخير ويش مسوين مع البرد

خلاص اف اه او
باسميش فطوم اسرع و اريح هع
عرفتش الحين ماتشاركي لكن ولا تحطي صور < هذا الي هامني
:
ام زنوب
رسلي لي رابط حسابش و بضيفش
:
اجمل احساس
هلا غناتي حمودي تمام .. مع الاطفال الرومنسية ليها اوقاتها .. بس احس تقدري
تسوي شغلات ثانية بوجود االأطفال و تفرح قلب البابا ^_*
:
ديالا
مو هينه لاا لا مو هينه بس شكله فندقكم وناااااااااااااااسة ! ويشو اسمه ؟؟
و السوق ياعيني شكلها سفرة الدلع دي .. احنا سفرتنا كانت سريعة يعني مو داك الدلع هع
الله يعوضنا بسفرات ثانية .. شكلها فيلوته مو هينه يبغى لي اسألها واخليها تتطلع المستخبي
ماتشوف شر بتش و الله يعينش على الجهال و المدارس عوار راس ..


طلي علينا بين فترى و الثانية و سلمي على فيلوتتي

ساره
الله يسلمش من كل شر وضر
ديالا
الله يعينش ويخلف تعبتش ويطلع الاول
ماتخلص الاختبارات الا بطلعة الروح روح الي يداكر مو الي يختبر

اهلين
وين الحلوات السهرانات الي زي >> مصدقة نفسها الاخت الناس نايمه وفي سابع نومة واني توني متفرغة

اجمل احساس
اهلين غناتوه ويش اخبارش ويا هاالحلوين الله يحفظهم والله جيتي في بالي هااليومين
وماتشوفو شر وتسلمي حبابه وان شاء الله مابنساش من الدعاء

ديالا
هلا والله بالرومانسية ختيييييييرة ماشاء الله عليش
ومعذوره غناتي على االانقطاع ماتشوف شر ليول
والله يكون بعونش احس جيل هاالزمن مايستوعبو مع انهم اذكياء وزي ما قالت قصب تطلع روح الي يذاكر ومو الي يختبر تعالي شوفيني ويااخوي اني الي اذاكر اليه بسرعة اعصب اذا مااعرف شي لا وارمي عليه الكتاب واصفعه من القهر تنبط جبدي وفي النهاية يقول مو مستوعبني
وان شاء الله بادعي الش هناك والله يريح بالش ياكريم ويخلف الله تعبتش

جمولة
فرحت الش واجد بتثبيت زوجش في الجبيل صراحة اكره ماعلى الانسان الغربة

ام زنوبة
هلا والله برفيقة السهر
تسلمي ياعمري ومايوحشش غالي كلها اسبوع واني رازه فيسي عندكم وان شاء الله بادعي الش انتين وبنوتاتش الحلوين

شيري وfho
غرت منكم عفر ابغى فيس بوك شكله وناسة بس زوجي ضده وبقوه واني ماافهم فيه حاجه

قصب سكر
ويش اخبارش غناتوه

اجمل احساس
هلا وغلا ...تسلمي حبيبتي والله يسمع منش يارب ...ويخلف تعبتنا ..
وعلى هالطفح مسكينه زايد مره ...وديتها الليله الدكتور وشافها دخلناها على
دكتور الجلديه ...وقال لينا هدا سببه الاسهال ..وتفاجأ مره ...قال لينا حدكم الى يوم الخميس
ادا ما صارت زينه لازم نحولكم على استشاري ...انشاءالله ما تحتاج ...وبعدين حولنا على
دكتور الاطفال وحسيته بهيم ما يفهم ...اقول له وياها سهال يقولي ما تأكلي هاش حلاوه
ولا غازيات ..اقوله ما اعطيها يعود يعيد ...خيرتي طلعت من الغرفه ..وقعد يكتب الكلام الى
قاله لي في ورقه وعطاها بعلي ...مشيت خطوتين شفت اقرب زباله ورميتها ...
سلامات ما تشوفي شر ..وعليكم بالعافيه على البيتزا ...اليوم الاثنين
ما يدري سامي ولا كان طلب له ..يموت على بيتزا هت ...
Cherry
هلا وغلا ...ولا يهمش نوصل سلامش ليها ...
اسم الفندق .....دوست... دبي ....
قصب السكر
صدقتي والله ما تخلص الى بطلعة الروح ...
امس بس اقول الى ابوهم يا بستجن ياباموت مره وحده من اولادك ...

شكله ما في الى اني الليله سهرانه ...مافي بشر
نقوم ننخمد ..جفن ما علينا صلاة ...

جوان ...

هلا بيش حبابه ...
ا اني بعد ادا عصبني انتفه تنتيف ...وادا كان بعيد عني ارمي عليه اي شئ قدامي ما يهمني ...

عن جد بتوحشينا ادا رحتي ...انتين الى منعنشتنها ......>>>اقصد الديوانيه ...

وما ننسى شيري القمر بعد

نمتي وجلستي ولا سهرانه ...

حلوات
عندي سالفة مضيقة خلقي اليوم اتصلت الى زوجي مندوبة صديق المعاقين واني محذرتنه من التعامل وياهم لان سمعت سالفة المهم ماعلينا قلت لو رجال هو ال متصل مابدخل بس بين فترة وفترة تتصل وبعدين كل يقول اليها مشغول صراحة هو مو فاضي سالهم من وين عرفتوني قالت صديق مرشحنك قال ابغى اعرفه من هو ماعطته الجواب وعاد اليوم اتصلت وحدة ثانية وقالت اليه معاك فلانة وانت الى الحين ماخليت المندوب يزورك علشان يعطيك البطاقة قال اليها ماابغاها قالت ليش قال بس ماابغاها وسكرتها
المهم بعد ماسكرتها الا مرسله رساله مدام ماتبغى الاجر ليش عاطنا كل بيانتك استغفر الله ولاحول ولاقوة الابالله هذاي الرسالةىواقراها واقول ليه باتصل اليها وباهاوشها صراحة قوية عين قهرتني عدل ويش مسوين علشان ترد كذا كتبت كلمة قهرتني بس ماني ذاكره اتصلت اليها ماردت علي ردت وحدة ثانية وقلت اليهم ان زوجي ماعطاهم بيانات واحد ملقوف رشح زوجي وعطاه بيانات عن زوجي

المهم اني غلطانة ماخليت زوجي بشتري البطاقة والله اني ماامنعه عن فعل الخير ودائما اذكره بس قرايت سالفة من كذا خفت

ديالا
تسلمي يالغاليه عفر استانست
كل بسافر علشان اشوف غلاوتي <<< ماادري دامن بسفرني
زوجي محدد الي سفرة في السنة اسبوع لوشهر اهم شي على قولته انش سافرتي >> قاهرني مايحب السفر

ديالا

الله يوفق ولدش في امتحاناته ويطلع الاول

وويوفق جميع الطلاب

وكلكم طلعتوا خايبين ودعتوا الرومانسيه خخخخخخخ

بس ارتحت شوي كنت احس بالذنب وهالموضوع متعبني لاني احس اني مقصره

بس وش تسوي الوحده في عمرها نقسم نفسنا كم قسم ولا اخطبوط

بس انحاول يعني مو كل يوم بس على الاقل في الاسبوع مره نسوي اكشن لابو الشباب وحركات <<<اي هين

اليوم رحت تمشيت ويا خواتي وشربنا كوفي لان اختي بتسافر نيوزلندا عباره طلعة توديع احس فرفشت وغيرت جو بدل كل سوق

وسارونه غيرت جو بعد بدل الحكره داخل الشقه

قوة امهات شخبار السهر وياكم

اني قاعدة انظف في الشقة و اسوي تغييرات عشان رجعة الغالي
فطست من هالمنظف جاب ليي الكتمة @__@
جان زين لو مافيه شي اسمه غبار

جوان
قولي لريلش الحين الكل عنده فيس بوك لا كبار و لا صغار هع
:
ديالا
خلاص بسجل الاسم عندي بس عفر ماشفته واحنا ندور
الاسم غريب شوي .. بكم الليلة اذا تتذكري
:
سارة
هههههه لا مو كلش يعني ناشفين ولا مقطعين بالرومنسية
اني عن نفسي ماعيش بلا الرومنسية و يعني احسها شي ضروري
زين غيرتوا جو واحسن من السوق بعد < اي هين

صباح الخيرات على الجميع
اتاخرت اليوم فالدخول الي الديونيه كنت اهدر فالتلفون ديوانيه مباشره خخخخخخخخخخخ
واليوم مره تعبت مع بنتي الصغيره مسكينه موعارفه تتنفس حتى انتظرت ابوها رجع من العمل ورحنا فيها المستشفى
والحين صارت احسن اشوووي عن اول الله ايعينها بعدها صغيره ضيقة خلقي صدرها مليان بلغم مسكينه

ديالا
ربي ايوفق اولادك ويعطيك القوه والصبر التعلوم يبي له قوة تحمل

اجمل احساس
اجمل تحيه لكِ
وسلامات ما اتشوفي شر
انا امس جبت لي شغاله والله ارحت صحيت من النوم الشقه نظيفه ومرتبه

جوان
حتى لو اسبوع مكانك كبير ياقلبي ما نصبر عنك لو يوم

وسالفة هالمندوبه عندك حق في كل شيء هاالبنات ما ينضمنوا
ومو من حقها تتطاول لكن اتركيها عنك ولااتنزلي نفسك الي هالاشكال
الدنيا صارت مقلوبه الحين

وعلى سالفة التعليم اقولك جوان تشبهيني انا بعد اعلم اخوي الصغير واذا قهرني رميت الكتاب وقمت
ولا لايفوتك قاعده ابتزه خخخخخ اقوله اذا ماسويتي لي كذا الامتحانات قربت وايخااف وحتى على بناتي اذا عنادهم
اقوله قربت الاختبارات ويفهمها ويهون ههههههههههههه
ولاتسينا من الدعاء
واهم شيء لبقلاوه هههههههههههههه

شيري ان شاء الله ما اتاخر عليك وارسله لانه معظم وقتي شابكه من ايبود اخف عندي من الاب توب

جموله
مبروك الاستقرار ولو انه الجبيل ابعيده بس احسن من ينبع وغيرها

ساره
توصل بالسلامه اختك وربي ايوفقها
عقبال ما توصل اختي صار لها سنه مارجعت
الفراق والوداع صعبين غرقنا المطار من لدموع اللعام

الاجواء في الخارج ممطرة<<< مذيعة احوال الطقس هع

طبخت الغذا وزوجي نايم الى الحين وناسة الغذا ربع ساعة واستوى احسه مسخرة بس ماعلي حلو واجد في هاالاجواء كل شي حلو

سارة
تروح وترجع بالسلامة

شيري
اصلا اني ماني متشجعة كنت افتح حساب اخوي الصغير واقعد عليه بس ماجذبني وايد دائما عكس الاوادم اني الله المعين

ام زنوبة
هلا والله بالغالية وماتشوف شر الحلوة بعدها صغيرة مسكينة حتى ولد حماتي عمره 3شهور مسكين تعالي شوفيه مايقدر يتنفس من البلغم كريه حده الله يساعدهم هاالجهال ماعندهم مناعة
وتسلمي وانتي اهل الدعاء وحياش اذا رحت وجيت اجيب لش بقلاوة من عيوني


غلا قلبي
والله ماادري ويش قصتهم الي اعرفه هي بطاقة تساعد المعاقين وفيها خصومات لمحلات زي سنتر بوينت وكذا محل اني عادي عندي نشتريها وهي خدمة انسانية والواحد يفلت فلوسه على اشياء تافهه يعني ماتعجزه مبلغ البطاقة بس ليش يختاروا الرجال اتذكر كنت في سنتر بوينت وكانت هناك مندوبة تطلع علي بس ماجت الي يوم جا زوجي مااشوفها الا راحت اليه تقوليه عن البطاقة !!!

جوان

ايه اجواء رووعه احب المطر

وعلى المندوبات احقريهم خليهم يولو

وهي وقحه يوم رسلت الرسااله

من جد اذا سافرتي بتوحشينا بس ماقلتي كم يوم بتغيبي عنا؟

ام زنوبه

صحيح الجبيل بعيده بس تهوون عن غربه رجلي

على الاقل قاعده بشقتي واشووفه ومعاي في الجبيل

اهل زوجي وبنت عمي غلا ييونسووني

وشخبار الصغيره صارت زينه؟

سارونه

على الرومانسيه صدق مو زي الاول بس احاول اللي اقدر عليه

ايام اللي زوجي مايشتغل انوم بنتي بدري يعني ماتجي 12 الا نامت

واسوي ذره وحب ومكسرات وشي بارد ومجهزين فيلم نشاهد ونسهر عليه

لحالنا وناسه بدون هالنتفه هههههه


غلا

ماتنشافي كل هذا نووووووم؟

الظاهر السيد شاخ عليش على كيفه متى ينام ومتى يقعد

اني بيان حدها 1 واذا مصختها 2 وانومها غصبببببب

هذي اذا ساكته عنها وذا حاطه في بالي اسهر مع ابوها الليله

ماخليها تنام المغرب وانومها غصب 12 او 1 وتنام بسرعه ههههههه

جيبي السيد عندي اسبوع واعدل نومه وش رايك؟

fho

تعالي رحت اضيفك لقيت اكثر من وحده بهالاسم ضفت كم وحده تخمين خخخخخخخخخخخخ

قولي لي طيب وش صورتك الشخصيه علشان اتاكد ضفتك لولا؟

شيري

ارسلت لك الرابط اتاكدي منه لو ارسلي لي انتي الرابط

صااااااااااااااااااااااااااااااااااااااااااااااااااااااااااااااااااااااقعه تصقع ابليس كتبت رد وش طوله والمنتدى الغبي طلعني من الصفحه مستمله اعيده

بس بقول لكم سالفة حمودي ..

امس كنت باطحتنه جنبي ومغطيتنه بالبطانيه شان يجي اخويي ويقعد فوقه اشوى اني لحقت عليه وصرخت عليه ديك الصرخه اللي هزت البيت وقام مختلع هههه ويش صاير حتى حمدوه اختلع اشوى شان انهرس الجاهل الله حافظنه .. وظليت طول اليوم افكر فيه خفت يصير فيه شيء بس الحمدلله الله سلمه وليدي ..

ام بنون
الله لايروعيش والحمد لله يوم سلم حمود
صراحة الموقف يخلع وعور بفادي اخوش احسه اختلع واكيد الحين يتصور اشياء الله لايروعكم

ههههه اي اختلع لو تشوفيه طبعا هو مو صغير بثالث متوسط .. اني اللي ظليت كل شوي اتخيل وهو بيقعد ..

جوان جهزتي جناطش .. جهزي لش ثياب شتويه عدله ترى بررررررررررررررد .. وخصوصا لحسوون ..

جموله
اهلين بمديرتنا والله استحيت وتسلموا بااغيب اسبوع باذن الله


جتني الغبنة الليلة من اختي قامت تصيح متعودة على وايد اني ال اذاكر اليها وامتحاناتها يوم السبت تقول دامن بيذاكر الي اقول اليها انتين الحين كبيرة كلها اسبوع وقامت تصيح قلت اليها باروح ادعي الش الله يوفقش في امتحانش