ديوانيه .. سوالف .. فرفشه

F H O
الحمد لله ع السلامة وتقبل الله منكم صالح الاعمال
فيوليتا وام ريمي
ماعليكم شر والله يفرج عنكم كل ضيقة
ام كرار
ماتشوفي شر وان شاء الله تحاليلش سليمة بحق محمد وال بيته الاطهار
ام بنين
سلامتها خت المعرس ان شاء الله جت سليمة خوب الزلقات تعور في هالبرد بعد
الله يسعد ختش ويوفقها
ام ايه
عقبال مية سنه ان شاءالله بالغه فيها عروس تتمختر ع كوشتها الله يحفظها لش
لكل وحده فيكم اليوم فالنتين ولاني احبكم في الله بهديكم وردة جوريه بتلاتها محمديه

هلا ام زينب
غناتي اتتي كاتبه ام زنوبه احب اوضح لج معني زنوبهاعتاد الناس استخدام (تعالِ زنوبة) كبار وصغار

فنحن ندلع الفتاة الصغيرة التى اسمها زينب بـ(( زنوبة)) ولكن

أهل الشام ..... هم أول من أطلقوا أسم زنوبة على نعلتهم ،استهزاء بالسيدة زينب رضي الله عنها وكأنهم

لا يعرفون أنها بنت أشرف الخلائق وأحسنهم نسبا ، فهي زينب حفيدة الرسول(صلى الله عليه وسلم) ،

وهي بنت علي و فاطمة الزهرء اخت الحسن و الحسين فيا مسلمون، احذروا استخدام كلمة زنوبة ، ومن قرأ

هذا الموضوع فهو مكلف شرعا تطبيقة وابلاغه للآخرين..

فعذرا على تطفلي ام زينب

اناهيد
هلا والله ام سيسو والله كله في بالي
بس اقول الله يعينها يمكن ماتلحق ويالله متى بتقدموا دام اني في بالش هع
والى الحين طايحه في الدجاج يالله الفي وتطلع الش خوش طبخة والله داك اليوم سلقت الدجاجه ساعة في الليلة ويوم ثاني جبت الصفرية وحطيت شوية زيت وبصل دوائر وطماط دوائر وفليفله وبطاطس داوئر والدجاجة المسلوقة وبهارات من هب ودب صحيحة ومطحونة وشوية صلصل وماي الين يغطي الدجاجة وخليتها لين تغلي وبعدين وطيتها لمدة ساعة وسويت الرز نص سلقة مع بهارات صحيحة وحطيته فوق الخلطة مع صفار الزعفران ربع ساعة لين ينشف وبس طلعت تدووووووويخ

كيفكم ان شاء الله في احد سهران زي حالاتي
مفتقدة شيري وغلا قلبي من زمان ماطلو

قصب سكر
يوه توني ادري ان اليوم عيد الحب يخلف الله علي
مسكين رجلي كان المفروض اهديه وردة بس عفر ماالي في الرومنسية

واتذكر سالفة صارت الينا في ثالث ثانوي علشان الفالنتين لبسنا بلايز حمران فوق المريول وتهادينا ورد احمر حق اعز صديقاتي مو حب بس صداقة قوية وصادونا وكتبونا تعهدات وقالوا الينا هذا بدعة وشرك وكل بدعةضلالة كملوا الحديث زاغت جبدي منه خخخخخخخ

fho

الحمد لله على سلامتك غناتي

وربي يتقبل منك

ام بنين

ربي يبارك لاختك وجعلها عشره طويله يارب

جووان

ياعلي ياعلي عورني قلبي عليه

ربي يعطيه العافيه يارررب بحق النبي واهل البيت

وان شاء الله يارب تبشرينا عنه

طمنينا عنه اول باول

ومايشوف شر ان شاء الله

ام كرار

ماتشوف شر يالغلاا

اخباري

طعمت قمري تتطعيمه تسعة شهور واحلى تتطعيمه والله ياليت كل التتطعيمات كذا هع

اني مااعترف باعياد الحب وله الشجره وله ام وله الصديق هع

ماخلو شي هع

اذكر في الثانويه بالصدفه كنت لابسة جاكيت احمر وداك اليوم عيد الحب

وقفو كل اللي عليه احمر واني وياهم ماخلو عنه وله كلمه هع

ماصدقوني اني ماادري لانه كنت مطقمه بلون احمر الشباصه والشباص هع

جمولة
الحمدلله بخير عندي كتكوت توه مكمل 9 شهور
جوان
ههههه ضحكيتني لابسين بلايز حمرا في المرسه تتوقعي بيحتفلوا وياش يعني اكيد بيعطوش محاضره انه شرك والحاد اعوذ بالله وادا ع الورده لاحقه سوي فيمتو وعطيه وياه
غلا قلبي
ليش ما تعترفي بهم حلو تكون كل ايامنا اعياد ومناسبات دام ما تتنافى مع ايام اهل البيت عليهم السلام
وتطعيمة 9 شهور للحين ماطعمناه بس دامها حليوة بكره ان شاء الله نروح ناخدها

غلا قلبي
اهلين وينك من زمان ماطليت
اما على حمي خليها على الله الله يفرج عنه هداكو مايتحرك ونتائج تحااليه بعد 3اسابيع والله يعافيه ويعافي جميع مرضى المؤمنين والمؤمنات بحق محمد وال محمد
حتى اني مااعترف بهاالاعياد بس لبست داك اليوم شطانة ومشاغبة اني مو تبع حب وماحب انسانة جادة جدا

قصب السكر
ماشاء الله عندش كتكوت الله يحفظه
راح اليوم وافتكينا وان شاء الله مااحد ينحز اليه في العمل عشان لايحز في خاطره ان مرته مافي امل تتغير جامدة
حتى ماالي في هاالسوالف حتى اعياد ميلادنا يادوب نتذكرهم حدي بس ولدي شكله رجلي بيطفش مني الله يستر

صباح الخير امهات
حدي طفشانه من هالدوام ونومنا خربان زينب عندها روضهونومها قاهرني عفسه
وانا ما اقدر انام

ام حيدر
عااااادي حبيبتي لوتعرفي الاصار انه لما جيت اسجل مو راضي يتفعل معاي فاهمه
سجلت باسم ثاني مو راضي بعدين قمت سجلت بهالاسم وجتى مو با ايميلي وقبله
وان شاء الله بغيره
بس مين ايغيره لي ما اشوف في اداره عفر

جوان

الله ايعافي حماش وتسلم ايدك شهيتينا عليكم بالعافيه
انا نفسك ما اهتميت في هالفالنتاين
مع انه جاتني رسايل في ماسنجر بلاك بيري
بس ما اهتميت فيه
بس قلت راح اسووي سربرايز لزوجي علشان عيد ميلاده كان في صفر
قلت يمكن احجز له في مطعم واتفق معاه

اف او اتش
حمدالله على السلامه
والله يتقبل منك صالح الاعمال

قصب سكر
كيفك
وربي ايخليه بالغه فيه معرس ان شاء الله

جموله
الله ايعينك على هالضروس كل ضرس بتعبه
سلامة القمر ما اتشوف شر

غلاقلبي
كيفك وويش اخبار السيد الصغير

ام بنونه
على البركه ان شاء الله نلتقي وياش في مناسبات اخرى
والله يجعل ايامك دووم افراح

وربي يسعد اختك ويرزقها الذريه الصالحه

وشوفي لي غناتي سالفة لقروب

ام زينب
اني نائبة المديرة والي الاذن الشرعي بالموافقة وخلاص غيرت الاسم ولايهمش >>تستظرف الاخت
الله يعينيش على قلة النوم هداني اليوم ماادري ويش في ماني عارفة انام دخلت انام من الساعة 3 ولاعرفت زهقانة لوحدي وزوجي مايجي من العمل الا 7 الصباح ولدي نيمته من 12 وهداني ياالعب بالبي اس بي او افرفر في المنتديات لاسالفة ولامشغلة نظام خربوطه

جوان
ماتشوفوا شر الله يعافيه حميش ويشافيه شفاء مابعده سقم
الله يعينش للحين قاعده مانمتي ؟يالله العبي وانبسطي
أم زينب
الحمد لله بخير كيفك انت وكيف الصبايا؟
الله يسلمش ويطول عمرش وتبلغي في عسولاتش يارب

يسلمو ام زينب

هلا امهات ...
مساء الخيرات . ... والغديات ...............

ياعلي ما ورى عليي كل مره اسجل ما يقبلني هالمنتدى للمخرف يطلعني بكيفه ....

ويش استوى الغدا ئه .... غدانا سمش مقلي بس استنى اولادي يجوا واقوم اقليه .....


جوان
ما يشوف شر حميش .......انشاءالله يتعافى بحق الله وال بيت محمد ......

f.h.o
حمدلله على السلامه ...قبل الله ....وش شعورش لاول مره تزوري بيت الله .......

ام بنانه ...على البركه .....الله يبلغش في بنين واخوها يارب ....


شيري ...وفيولتا واجمل احساس وليال ....ماليهم لودا عسى المانع خير يارب ....

سلام عليكم
امهات شحالكم مع البرد
من زمان ماطليت عليكم
وحشتوني كتير
بس كان النت مقطوع من الاتصالات الخايسه كل مايكلمهم زوجي يطلعو له حجايج
والباقي فراره في السوق علشان المناسبات اللي اجمعت في فترات متقاربه علشان مايبقى لينا ولا قرش وبعد يليت احصل شي على طول وثياب لاولادي
شكله رجلي بمقع شعره خخخخخ
المهم قريت الواجب وبرد على اللي اتدكره

اف اتش اوه
الحمد الله على سلامتك غناتي
ام ريمي وفيولتا
الله افرج عنكم بحق محمد واله

ديالا
هلا قمر شحالش غناتي وسموي ومهود وليول الحلوه وعليش العافيه على السمك صار لي فتره ماكلته
جوان
مايشوف حميش شر ان شاء خير وكيف حسون واني بعد ماافتكر بعيد الحب بس لو بعلي هو الي بيجيب هديه مااخالف مجرمه مو ههههههنه

ام بنون
على البركه وعشره طويله
غلا قلبي
تقبل الله شخبار السيد
ام زينب
الله ساعدش على قلت النوم الحال من بعضه
قصب سكر
الله اخلي لش الكتكوت ويش اسمه
جموله
ا لله اعينك على اسنان بيون

باقي الامهات شحالكم اناهيد _ام حيدر علي_ام كرار_دموع شمعه_ساره_شيري_ليال والسموحه ادا نسيت احد
-

جوان
الله ايعينك لو انا منك مافوت ساعه الاما انام فيها اهئ اهئ
ومتعب عمل زوجك شكله الله ايعينك ويعينه
الاسره كله تتعب كذا
وخلك نفس اول سهرانه احسن لك من تجبري نفسك على النوم
ههههههههههه واسينا

ام حيدر علي
تسلمي غناتي

مساكم الله بالخير

اجمل احساس
هلا والله والشر مايجيش
واللهي كنت اليوم ببالي اقول من زمان ماسالت عنها وجيت ماشفت الا انت راده الطيب عند ذكره
مااالت عليهم هاالاتصالات الي مااحد سالم منهم الكل يعاني وياهم تتصلي اليهم علشان يزيدوا السرعة يصير بطئ حدينه ولا ساعات ينقطع
والله يبارك اليكم توني جاية من القطيف اشارع القدس رايحة نشتري كريسبي من مزايا صار ادمان اسبوعيا لازم المهم الي الكوافيرات زحمة قال زوجي نفسي مرتي اشوفش تروحيهم زيش زي باقي الاناث هع
اقول ميخاالف جهز كم الف الا يقول هونت خليش بعفستش وايد ابرك خخخخخخخ

قصب سكر
الشر مايجيش غناتي
اي العب هو في عواين لا والقهر نمت 7 الصباح وقعدني ولدي 11 الظهر خلاص هو اشبع واني ميتة من النعس يقول الي ماما قومي اقوله توه الناس ماما نام بس خخخخخ
بس مافي امل قعدت واني مسطلة

ديالا
هلا والله
الشر مايجيش غناتي
غدانا من التسطل معكرونة حمرا ونفسيتي عدم علشان النعس قلت اكيدن بتطلع فاشلة
بس زوجي يقول حلوة واجد عكس الناس يقولوا النفس اليه دور في الاكل

ام زناب
ويش رايش علشان الدلع
احس ام زينب مكبرنش فدلعتش >>> ويش لقفش
عادي لازم اواسش ويش فايدة طيبتي اذا ماراعيتش ههههه

هلا ماذرات أخباركم
وحشتوني بس هذي يومين منقطع النت وما قدرت الدخل
fho
الحمدالله على السلامة وتقبل الله

الحمدالله وقف الدم عني وطلع شوي الهيمولوجبين نازل

أم كرار
طمنيني على نتيجه التحليل

خواتي رجاء خاص الوالد تعبان وفي المستشفى فلا تنسوه من دعاكم

هلا ام عمار
الف سلامه على الوالد مايشوف شر ان شالله يرجع لكم بصحه وسلامه بحق محمد وال محمد

ام عمار
الحمد لله وقف الدم وان شاء الله الهيموجلوبين يرتفع
والله يشافي الوالد بحق محمد وال محمد ولايطول في المستشفى ويرجع اليكم سليم معافئ

مرحباااااااااا
وحشتوووووووني كلكم والمنتدى كمان ^^

أم عمار كيفك ؟وكيف صغارك ؟
عندي سؤال إلك
أنتبن ساكنة في حي المصطفى في ام الحمام بعد المسجد ؟؟

والله يشافي الولد ويرجعه لكم سالم يارب

كيفكم كلكم أمهااات