ديوانيه .. سوالف .. فرفشه

اناهيد
ههههههههه اغربل ابليسش حتى رجلي بدى يقرع عفر من كثر ماسخرت على القرعان هع
وعلى الفوال اي هدا هو فوال الرياض ياغناتي خلاص تعالي بافطرش فول وتميس على حسابي

وش سالفت الايفون عفر ترى اني وحده مو تبع هالسوالف بس اشوفه ونفسي فيه اني افتكر يعني زي الجوال اشتريه واحط الشريحه وخلاص بس شكله اله قصه معقده ؟؟؟

قصوبة
لا والله غناتي ماني ميزان
لاتمري علي الحين علشان يصيدونا هع
مري علي بكرة قبل اذان العصر بنروح مجمع الزهران ويش رايش

صح امهات
توها ف ه و مسكره السماعة من عندي
وتقول اليكم منحرجة حدها فوكلتني علشان اني توأمتها
هي طبعا تبغى تعزمكم بس ماتبغى جهاالكم خخخخخخ
تعرفو بعد بيت جديد واحنا جهاالنا حواسين >>>> العن ابو التشليخ هع

جوان
جوانوه يالقرعه الحين صدق لو تتبلي على المره
بس هو صدق ادا بروح حرام ناخد جهالنى يعفسو بيت الحرمه
اني جو صديقاتي وكل وحده عندها بس جاهل كانو 3 جهال بس والله ماطلعو الا المجلس مافيه ولاااا تحفه صاحيه حتى مفرش الطاوله شقوه والتحف كسروها
اشحال احنى بصلاه على النبي <<<<بس اني باخد بنتي لان صغيره هع هع هع

فدكدك
رجلي كان شعره هبهبب
وتالي اتحتح شعره وبدى يقرع
وهو طينهاا وصار يحسنه
عفر عندي احلا بالقرعه اسبيشل تحسي ههههه
والايفون سالفة ام اللي جابته ساالفه
ماينباع باي مكان
لو انباع في اي مكان بيكون بديك الحسبه اقل شي 3000
اس تي سي وموبايلي مسوين عروض حليوه بالنسبه لسعره
بس الكميات محدووده
كل يوم يبيعو عدد محدد والاولويه للموظفين
وطبعاا زحمه وطق النعل
فهمتي عليي لو اشرح زيااده ؟؟


وانتظريني الخميس جايه اجدع وياش اهم شي كوبده
اقولش ويش رايش ننزل نقعد في المطعم ناكل ويا الافغان خخخ فيه قعده عفر
جوان
ويش اسوي من له حيلة فليحتال
ومن له مصلحه فليتمصلح
ورسالة ف ه و وصلت
محناا جاين ماعندنا حدا يجود جهالنا هع

فدوكه
متى العزومة غناتي
ابغى بس شبدة وخبز تميس
واني بعد ماعندي خيلان قرعان خيلاني كلهم بالصلاة على محمد وال محمد عليهم ديك الشعور ههههه
اني زوجي حااليا اقرع ينفع >>> ياشين الظرافة
اني مسكين زوجي ماكان اقرع بس استخدامه للهلمت خلته اقرع وهدكو الحين يتعالج
كان يرجع شعره

هو صحيح يحق ليها لأن لما تجمعنا الجهال سوو دمار وحتى ىحت الكنب دخلو هع هع

فيوليتا
اقول لاتضربي ضربات ولا تخافي حتى انتين بعزمش على فطور
ههههههههههههههه

اناهيد
واااال سالفت امه سالفه عفر هداكي وحده في منتدى عالم حواء عارضه ايفونها للبيع لانها محتاجه سعره تقول جديد دخلي وشوفيه
وعلى الفطور اي في جلسه احليوه خلاص نقعد هناك اني الافغان حفضوني وادا جيت بدخل البنايه وشافوني اغافص ويا بيانوه يفتحو ليي الباب خخخخخخ

جوان
هدويش مايمديه الواحد يتكلم على عزومه كلكم نطيتو خخخخخخخخ
افا عليش حياش غناتي ادا ماشالكم الفوال تشيلكم عيوني هع هع هع
وعلى القرع حتى سيودوه شعره ناااعم ومن الدلاعه يقعد قدام المرايه ساعه يمشطه على ماهداكو طاح
ولاجني الا يبغى يزرع صراحه ماتخيل رجلي اقرع اخوف عفر ههههه

فيوليتا
يعني امش ماعدها اخوان ؟؟؟ على عمري عورتي افادي خلاص بعطيش واحد من خيلان <<<فاهمه الخيلان غلط هع هع

ام بنين
يااااخونه متى تجمعتو ؟؟؟ ومن حضر ؟؟؟؟ ولويش ماقلتولي ؟؟؟ زعلت ماني عازمتنكم على فطور خخخخ

فايوليتاا
تسلمي يالغلاااااااااااااااااااااااااااااااا

ههههههههه

فدوكه تجمعنا مو اصحاب المنتدى لا ناس ثانيين .. اذا صارت عزومه انتين اول وحده هع هع ..
بس اني امبى فول وتميس اجي ئه ؟؟ لو ما تبغوني ؟؟

اي شديه طمنتين ادا مو بنات المنتدى اجل خلاص تعالي على الفطور ههههههههه التعب من غير على الفوال هع هع وزي ماقلت ليكم ادا ماشالكم الفوال تشيلكم عيوني هههههه

فدوكه
لا والله اشلخ على ف ه و على عمري كان مااتكفخني هع
اني زوجي شعره عاادي مو ناعم بس يحب شعره ويحافظ عليه
بس ماوصل للزراعة راح عند دكتور جلدية ويعطيه جلسة ابر كل اسبوع

فيوليتا
اني صرت مااطلع بولدي ولدي رجال مايحب يشوف حريم خخخخ
اني اشوفهم حنونين صحيح حتى عموميتي معودين بالله

ام بنون
عليكم بالعافيه التجمع
وعقبالنا هههههه

فدوكه
فطستيني على الافغانين يفتحوا الش الباب
شكلهم معجبين بش واذا عزمتينا بيسووو الش دسكاونت
واذا شافونا
بيقول خلاص مايحتاج فلوس خخخخ

مرحباااااااااااا
مشاركاتي قليلة بس كل يوم معاكم
قلت اليوم خليني اقول ليكم مااساتي مع ولدي يمكن وحدة تقدر تفيدني في شي
ولدي ياجماعة هااالكني ماياااكل ولا حتى ملعقة من بديت معاه صار لي يمكن شهر ونص وللحين مافي شي فاايد كل يوم على هالحال وادا بيبلع ديك اللقمة لازم يصيح عشان تروح في حلقه وزاد الطين بلة من اسبوعين مااااااايشرب حليب احسه ماايقدر يتنفس ويحط الرضعة في فمه ويحركها بس احسه يبغى يشرب مو قادر
واني صايبني حالة اكتئاب بسببه طبعا ماخليت مستشفى الي يقول فطريات والي يقول زكام واعطيه العلاج ويخلص ولافيه اي تحسن ماادري ويش اسوي معاه صار لي ثلاث اسابيع كل فترة علاج ولاني شايفه متغير الحال

باافتح اليكم قصة ماقبل النوم
الناس كلها نامت وهداي الفاضية

مرة بنات عمتي بغو يجو الي وتوني متزوجة علشان يباركو الي واستنيتهم الا هم يتصلو ماحنا جايين
ليش ماعندنا احد يمسك هاالجهاال واني الخبلة اقول اليهم
جيبوهم علشان اتونس بهم ويدخلو قبلكم الاطفال احباب الله >>> مسوية روحي طيبة
المهمز وجاوو واوم الادب مستحيين حدهم واني عورو بقلبي واتصلت حق اخوتي الصغار
عشان يلعبو وياهم ووديتهم في الغرفة الفاضية وعطيتهم حلويات وخرابيط ولابتوب علشان يتونسو
واني اخد راحتي ويا بنات عماتي واستانست حدي
وبعدين بغو يروحو ناديتهم الا الغرفة يادافع البلى يامانع القضى السنكرس مدوس عليه في السراميك وملزوق في الطيفان والعصيرات مجبوبة في كل مكان في السقف شكلهم مسويين نخبك هع
والشيبسات مفتفتة حدين امها وكسرو كمن حاجة واني ويش حاالتي
علي والله انكسر ظهري يومين ماطلعت من الشقة بس تنظيف
وحطيت حرتي في اخوتي لطختهم تلطيخ
بس الله ستر الحمد لله يوم الله نجى الابتوب منهم بس وصخوه الي

ندوش
الله يعينيش ويساعدش
ترى والله معظم الجهال متعبين وحتى اني من بعد ولادتي جاتني حالة اكتئاب مررة كلها من ولدي
يعذبني تعذيب لا ياكل ولايشرب وخلاص ماعندي احواال
والكل قال الي خيرته بيكبر لاتضعطي على روحش
يمكن عنده التهاب هوالي مايخليه ماياكل
والجو مرض الجهال وخلاهم ماعندهم قابلية
السالفة كلها يبغى ليها صبر
والله يعافيه ويشافيه وتفرحي فيه

جواان
اي مره معجبين كافي ازعاجهم الصباح وي السلندرات هدي ضريبة الازعاج
وعلى الدسكون اصلن هم بيشوفون وبيفكرونى الشغب وبيختلعو خخخخخخ
وعلى النوم هداني وياش مانمت والجهال مئساه والي يعصبني مو الجهال الي يفقع مرارتي الام الي تشوف ولدها يعفس وهي تضحك هدي افادي اخدها وافضخ راسها بالمزهريه

ندوش
الله اعينش اني بيون اول مابديت وياها كانت تاكل بس الحين والله ماتاكل الا بالغصب حتى كل من شافها اقولي هدويش اتودمي منها ضعفانه بس تشرب حليب فماقدر افيدشس
غير اقري عليه المعودات والشبه يممكن يكون منضوور

ويش خلاص عزلتو ؟؟؟
تعالو لاتنامو ماباقي شي على الادان صلو ونام
الا تعالو يئدن 4 ونص صح ؟؟

صباح الخيررر
وحشتوووني عفر

من زماان ماشفتكم ادخل اقرء كم صفحه ومايمديني ====== ====شلاخه مطيحه في قروب الماسنجر


ويش اخباركم واخبار جهالكم

جووان طلعتي مشهوره حتى انا وياش اول مادخلت لقروب الا ايقولوا ايه هادي رفيقة جوان فالسهر خخخخخخخخخ

نسيت

تمت الصلاة على محمد وال محمد 500 صلاة

ام زناب
هلا والله بالرفيقة المخلصة
حلفي والله
انشهرت في المانسجر

يابطات يوم رحت انام جيتو تسولفوا

قصوبة
ولايهمش بالمرسدس انتين و ف ه و
بس برزو الفلوس هع هع
:
ف ه و
منزل مبارك ان شاء الله عقبالنا
لما تسكني خبرينا كيف شعورش
بالاستقلالية في مملكتش بحق وحقيق هع
:
نهوده
هههه تعالي اعطيش من لازانيتي البارحة قلت باسوي
جايب ليي ابو حميد طماطية وحدة بس صغيرة وش خانتها
دي و ماسويت .. بعدنا ماقضينا للشقة خضرة وفواكة
الشامبو جربته من زمان اني عاد مايهمني الا الريحه هههههه
وعندي كل الشامبوهات زي بعض ينشفو الشعر ويعدموه
بس دا كاتبين عليه هدره طويلة عريضة وهو شكله حليو فشلته على طول
خخخخخ وش دخل منظف البشرة في الاجهاض عفر !!
هذا سلمش الله اول مرة اخده خوفتيني منه باقوم اشمه خخخخخخ
:
ام بنون
خخخخخ تفضلي عليهم ترى حلوين << ضقتهم
ياعلي بنون شيطونة ههههه الله يستر على حمني عور افادي
و ترى الراتب احنا سيم سيم ماعطونا الا الريش عساهم البين < من زمان مادعيت بهالدعوة هع
:
فدوكة
اني بعد منقهرة اقول لريلي غير شغلك صير مدرس هههههههه
:
جوان
ويش دي بعد اسياخ الربيان حطي الوصفة حسيتها يمي يمي
اني اذكر اول ماتزوجت جو عماتي ويهالهم يضربوا على الطاولة و اياديهم وصخة واني اغلي
من داخلي معصبة حديييييييي توي ملمعة الاثاث ودي اتكلم بس ماقدر اقول حاقة
بس بعدين هم حسوا و قاموا بسرعة .. يمكن بين علي النرفزة خخ
:
فيلوطة
من قدش احممممم اكشخ ياعم هههههههههه
خلاص اني بطلب ويرات وانترنت هع
و اللازانيا لا بعدهي ماتستوي ماميش خضرة بالشقة
:
ياعلي متى يكبر حمني مشتهيه احس اني ام و يهديني وردة فديته خخخ
داكو دامر لي الشقة دمار شامل حتى العيش نفره و اكل شوية عيش ني ههههه