ديوانيه .. سوالف .. فرفشه

صباحكم خير وسور يا امهات السودان

ام زنوبه
توش اتنضمي نومك يالقرعه
نضمي ليكم رحله واطلعو فيها من وقت ولا ترجعو الا المغرب عشان تكونو تعبانين وتنامو على طول ^_^


غلا قلبي
اهم شي سلامتك ياغلا
وش سويتو في قطر والله طالع سوق قطر والكويت بقوووه بعد ماسكرو البحرين الله افرج عنهم

مساء الخير
مازال الملل مستمر خخ
ام زنوبه
زي ماقالوا الامهات اطلعوا طلعه وبترجعوا نعسانين خخ
لحد الحين زيش نومي مخربط الله يعينا
ام حيدور
حمد الله على سلامته
ام بنون
صاير مهجور المنتدى تعودوا على الصمت خخخ
غلا قلبي
حمد الله على السلامه

وسلامي للباقي الامهات القرعان السودان ....>>>>بتكفخ

امم عبود
قولي بعدهم عايشين في مثلب افكرو روحهم في اجازه للحين هههههههههههههههه
اما اني من الملل قاعده اشاهده بنات الثانويه ياعلي بااااااااااايخ حد الدعسه
اساسن احس السنه رمضان مافي ولا شي عدل كل المسلسلات بايجه شاهدة منهم حلقين ثلاث وكرهتم
وخاصه السامج ابو كريم تفاهه وسخافه وملاقه الى ابببعععععد حدددددد
افخم مسلسل كان الجليب جد جد فخممممممممممممممممممممممممممممممم عجبني حتى الحلقه الاخيره روعه

هلوووو أمهات
أخباركم؟؟؟ أخبار اليهالوه؟؟
ياربي حدي تعبانه ومتكسر جسمي
يالله متى تمشي الايام بسرعه وتجيني السهاله من رب العالمين
كان ودي ادخل رضاوي الروضة بس احسه بيمل لانه بيصير يروح 3 سنوت
هو ميت كل يوم يقول لي يبغى يروح وما ادري اسجله وله اخليها السنه الجايه

بسومه
الله يسهل عليش بوقتش مابقى واجد اصبري
بالنسبه الى الروضه لا اسجليه حرام صغير خليه يستانس لاحق على الشقى

غلا قلبي .. ام السادة شدعوه .. عادي .. اي وقت تبيه في الخدمة..
بسوم .. خليه السنه والسنه الجايه وديه بس سنتين وايد 3 بيتملل تالي والله يسهل عليش ..

قروووعه وووينك مابينتي البارحه ولا اليوم ..

خووب مافي احد فاضي إلا انتين واني

فالهدا مابينت كل اشوي ادخل اشيك شان فيه حتى جني دخيل الله بسولف معاه ابد ماااكو احد الملم اطراف فستاني وارحل ببكل هدوء <<< بدت تقط خيط وخيط من الملل هع هع هع

اغربل بليسها بيانو من الملل راحت جابت اكياس الايلوز كلهم وفتحتهم وملبستني اياهم في رجايلي حسيت روحي متحنيه خخخخخخخخ

قوة شعب
وحشتوونا و وحشني المنتدى
من زمان مادخلت حتى استمل مني وسوى لي خروج خخ

شخبااااااركم ؟؟

ام حيدر / الحمدلله على سلامة حيدور
ام بنانة و ام زنوب / الله يعينكم على الدوامات هع
غلايو / الحمدلله ع السلامة كيف قطر وين الاماكن الحليوة
مرة كنا ناويين نروحها بس ماشفت تشجيع في النت مامدحوها!
ديولة و جمولة / تسلموا قمرات ع السؤال ^^

اخباري /
سافرت الامارات يوم الاربعاء اللي فات و جيت الاحد وكانت سفرة
متعبة صراحتن مع الحمل لكن وناصة غيرنا جو ..
عاد الحين حدي متكسرة طلعت عليي اثار المشي و التفحيط هونيك
هداني ابغى متى اولد بالسلامة و افتك من المحاتى @_@

سي يو ْ ~

بل شيريوه مغبره حد الدعسه .. حمد الله ع السـلامه .. حركات حتى لو متعب اسمه وفيه تغير جووو .. عليكم بالعافيه ..

والله يسهل عليش وتقر الاعين حبايبيش بشوفة نونو بتوعش ..



يالقرعه الوصف حقش يدحن شوقتيني للحنا ..

يالله اكي تسوي تغير جو لك هع

اهون من انه يأكلوش الكوكتيل بدل ماهم ياكلوه ..

ام زنوبه

مالك الا تطلعي عشان تطير النومه

وترجعي على طول نومه انتي والبنات

شيري

هلا بالبطه

انتي وحشتينا اكثر غناتي

وناسه الامارات موو >>>>كأنش شفتيها

رجلي وعدني يوديني وللحين ماشفت شي خخخخخخخخ

الله يسهل عليش غناتي وتقومي بالسلامه

ولاتقاطعينا غناتي

بسمه

لاحرام عليش توه صغيير

لاحق على الهم خخخخخخ

روحي فداك

افا اني المديره المفروض اكون واسطه له

غلا

يالله اسدحي صور قطر بسوي روحي ماشفتهم هههههههه

ام ايه

شخبارش واخبار توته

اف اتش اوه

كله هذا ملل المدارس

جتني عقده منالحين اذا بيان راحت ا لمدرسه


ومااااااااازلنا ننتظر باقي المفقودات من الامهات

غلا
الحمدلله على السلامة يالله اسدحي الصور يمكن نتشجع نروحها
شيري
الحمدلله على السلامة وين رحتي فالامارات حطي التقرير ماعليش امر
الله يسهل عليش في وقتش وتقر عينش بشوفة علاوي
كنتي علىبالي من الاسبوع الي راح
بسمة
ماعليش شر
واذا صغيرش يبي يروح وديه منها يستفيد ومنها ترتاحي شوي اذا ماعندش احد يساعدش
الله يسهل عليش في وقتش الايام تركض بسرعة غمضي فتحي النونو بحضنش
جموله
كيفش مديرة ؟شخبارش؟
فدوكة
منويش متملله؟اكو عندش بيون تسليش

شيري
حمد لله على سلامتكم اهم شي استانستو ويالله ماباقي واجد كلها شهر وتقومي بالسلامه
ان شاء الله تولدي اول ماتدخلي التاسع وتفتكي


جموله
اني رجلي اموت ولا يسمع طاري الامارات من اقول له ابغى اروح اقولي وش اسوين فيها ديره خاااايسه وحاره واسكتني تهى تهى :(


قصوبه
قولي عندي بيون اطلع ليي اقرون اصلن اني ملانه بسبتها صايره حجاجه ودلوعه من مرضت وبنفس الوقت كاسره خاطري السهال دابحنها وادا اوديها المستشفى مايرضو يعطوها مغدي عشان انها حركيه مرررررررره وماترضى تلبق هع

جموله
ههههههههههههه رجلي ملول حدددده يكره السفر بشكل مو طبيعي والله عطاه وحده تموت في السفر
ابوي كان اسفرن كل اجازه لازم انسافر وخميس وجمعه اروح المدينه
يوم اخد رجلي كان اول مره اشوف ايران وياي وعلى شان خاطري لان قعدت العي عليه هع
زي ماتقولي مايحب الاماكن الجديده عليه اما الاماكن المتعود عليها عادي زي الحين يوم تعود على ايران صرنى اروح والمدينه والبحرين بس الكويت لانه شي جديد فموراضي ودبي راح مرتين وماعجبته واني الي ابتلشت خخخخخ

اما على التحليل اصدقي اني حللت ليها وللحين ما اخدت النتيجه خخخخخخخخ

أخباركم كلكم ؟


الحمدلله على سلامة ألي سافرو... وعفر أدا قريت الصفحات ألي فاتتني بيدور راسي بس حبيت أسلم عليكم

جموله .. التحليل مهم .. مايصير يطعموها وتالي يحللوا اول يحللوا وتالي يطعموا لانها بتاخد نقط مدري حق ويشوا ناسية والمفروض ماتنضرب ابره او تنجرح بعدها ناسية لويه .. هذا كلام لي قالته لي بالمستوصف الحكومي

فدوووكه ياقرعه كأنش تتكلمي عن حالي احلم احلام ببلاش افتر ع التقارير والعفايس حقات السفر وكل ماتكلمت وقلت نفسي اروح هالمكان قام يتحرطم ياحبكم للسفر ..

الله يرزقش ويرزقنا

صباح الخيرات والليرات على الحلوات العسولات ..

عيدكم مبارك وايامكم سعيدة
وكل عام وانتو بخير بمناسبة العام الدراسي الجديد وعساها سنة خير وتفوق على كل الحلوين اللي في المدارس اطفال ديالا وام زنوب وام بنون واف اتش اوو ... و من بعد ؟؟ حسوني الصغير اللي سجلناه في الحضانة يا روح ماما


الله يتفبل من اللي زاروا والحمد لله على سلامة الجميع اللي سافروا واللي فحطوا في انحاء المنطقة اثناء العيد <<< خوووووش سلام مو ؟؟؟ اللي ما عجبها تقول اكتب ليها غيره هههههههههههههه


اني الحمد لله بخير اسأل عنكم رحنا الكويت في العيد واكيد حسون من جهة والحر والرطوبة من جهة نص الرحلة قاعدين في الفندق خخخ <<< اشوى علينا حالة خوش فندق رووووعة ..


اي صح .. من بيروح الحج ؟؟؟؟



احنا حجزنا الحمد لله . . الله يرزق كل اللي يتمنوا ياااارب ...


وآخر اخباري بعد .. ان شاء الله برجع الدوام قريباً بعد سنة ونص في البيت >>> الحين احس اني بفتقد القعدة و خرابيطي و النوم العفسة وكل شي تعودت عليه في هالفترة ...

دعواتكم واكيد دعائي لكم بكل ما تتمنوا واهمها يوم جميل وويك اند جميل بعد اسبوع طويل ومتعب ....

سلام

سدوم سدمدم <<تدلعها
صباحش ورد وكادي
وعيدش وايامش تتبارك
كل عام وانت بخير بمناسبة الدوام الله يعينش ويوفقش
الحمدلله على السلامة مانقبل كده لازم تقرير وين رحتي وين سكنتي وش عجبش وش اللي تنصحي نروحه وشي اللي ماينفع نروحه
عليش بالعافيه الحجه والله يتقبل مقدما .مع اي حملة بتروحوا؟
علينا الدعاء وعلى الله الاجابه
ام ايه
احلمي الاحلام ببلاش في تقارير واجد تعيشش الجو كنش رايحه ناقص الصوغه بس ههه
حلم وردي
هلا بش

سلام
كيفكم
جموله
لا مو من المدارس من خربطت النوم ودوام رجلي صايره ملانه
والديوانيه فاضيه تجيب الملل شوي هع<<<برا
كانها انتعشت شوي برجعت شيري وسديم عقبال الباقي
حمد الله علي سلامة ام حمود خبرينا وين رحتي في دبي
وحمد الله علي سلامة احلي نغم
وعلي السفر ودي اسافر بس حجايج الشباب متي يكبروا ونرتاح
خخخ<<محرمه اسافروياهم خخ
والتحاليل حمود ماطلبوا منه يوم اطعمه سنه
والله اعلم

جموله
ما اخدت النتيجه خيابه الله اسلمش خخخخخخخخخخخخ
لان سويتها بموعدها مال السنه وخلاص منها مارحت المستشفى خلها الى تطعيمة سنه ونص عشان اطعمها واخد النتيجه مره وحده هع هع


حلم وردي
وعليكم السلام والرحمه والاكرام
اطمني حتى لو قريتي الصفحات مابدور راسش من رمضان الى الحين كلهم 3 صفحات يمكن ههههههههههه
امهات السودان يغطون في سبات عمييق


ام ايه
اصدقي احس ان المره الي تحب السفر الله يعطيها رجال العكس
زي خالتي مااااااتحب اسافر وعمي <<رجلها يموت في السفر



سديم
حركات سجلتو النغين في الروضه عقبال المدرسه
وحمد لله على سلامتكم ماشاء الله سوق الكويت قايم من قبل مانسمع واجد اروحو الكويت كله البحرين
احين بتسناس الكويت بطيحة البحرين رفعة اقتصادها واجد هههههه
وحركات بتروحو الحج اني مرررررررررره مشتهيه اروح والسيد شايل الفلوس بس لمانقلنى هدي الشقه حطينى فيها الي قدامنى والي ورانى وطار نص مبلغ الحج :(
امممممممنه خيوه ادا رحتى في الحج لا تنسي قولي تعالي يامنال بنت منى ^_^ اكتبيه في ورقه عن لا تنسي مررره ودي اروح


قصوبه السكرايه
تعالي انتي اولادش في المدرسه ويش ؟؟
ماسمعش تهدري عنهم عفر هع


اف اتش اوه
الديوانيه صايره مو بس تجيب الملل الا الهم بعد من فضاوتها تملل اني كل مره ادخل اشوف ردي اخر واحد ازهق واطلع زين اليوم في كم نفره هع

مساء الخير والاحساس والطيبة ..


لاااااا الحالة قشرة مررررة ... بناااااااااااااااات امهااااااااااااااااااات عروسااااااااااااااااات كروشاااااااااااااااااااااات وينكم ؟؟

قبل نكتب رد ونروح ننام نرجع ما نلاقيه !!! صفحاااات تورح سوالف و حش وطبخ وتقارير سفر وتسوق والحين ماااااااااااااااااااااااااااااااااااااااااافي الا الريش عفر

فدكدك :
الله يسلمش غناتي والله يكتبها ليكم السنة قبل الجاية ياااارب .. >>> عجبني اسمش لحده موسيقي هع هع هع

سكرينا المزيونة ..

الله يسلمش ويبارك فيش يا غناتي ومشكورة على الترحيب الحلو ..

تقرير هدرة مستعدة ... بس صور للاسف مافي الا كم لقطة و نصهم مرتجين من حركات حسون هههه

اول حاجة ... الكويت مرررررة كانت احلى قبل زحمة الخليج ... تحسي الكويت تختنق من كثر السيارات السعودية والقطرية والبحرينية بعد .... المشوار مأساوي طالعين من بيتنا 10 الصباح وصلنا الفندق 7 المغرب !!!! متنا ويا الجهال في السيارة ....

صحيح مالقينا فندق في وسط الكويت لأن ما قررنا الا قبلها بليلة ... لكن الحمد لله توفقنا فيه ... اسمه كروان بلازا في الفروانية ... تقريبا 10 الى 15 دقيقة عن وسط الكويت لكن الفندق حليو وتوه مجدد واحلى شي عندهم عرض فطور وعشا بوفيه مفتوح مع سعر الغرفة .... << اكلنا حتى التخمة ديك الليلة ، من غير شي تعبانين وضايق خلقنا من الزحمة والحر ... ونشوف قدامنا بوفيه مرتب مما لذ وطاب ... >> للاسف مافي صور

وبعدها طلعنا تمشينا عند الابراج نهضم الوليمة اللي اكلناها ... وكان فيه جمعة هنود يعزفوا موسيقى تجنن وتجمعت الناس من كل الاشكال والالوان يسمعوا رغم حرارة الجو الا انا استانسنا وغيرنا جو
وهذا حسون حرااان ويستنجد خلونا نروح البيت !


المهم رجعنا الفندق ووينك يا لسرير والحمد لله تعدل نومنا من ديك الليلة المرهقة ..

صحينا يوم ثاني على الفطور العالمي والناس امم فوق بعض رغم ان البوفيه مفتوح من 3 الفجر ل11 الصباح تخيلوا .. فطرنا وبدينا نفرفر في الفندق ونستكشف البركة والجاكوزي وهالحركات .. ولللاسف ما قدرت اصور شي من دا كله ...

بعد صلاة الظهر سوينا شيك اوت وطلعنا على اساس بنتكسع لليل وبعدها نرجع البلد ... وين في هالشمس والرطوبة ؟؟؟ درجة الحرارة 45 درجة والله .... مجمع المارينا ... بس للاسف خاب ظننا ... كان التسوق في مارينتهم روعة بالنسبة ليي في المرات السابقة .. بس هالمرة ثاني العيد والمحلات شبه فااااضية والاشياء الموجودة اي شي .... مررة تحطمت ما اقدر اطلع من السوق ايدي فاضية ... زهقنا وقلنا اللي بعدو ..



وين اللي بعدوا ؟؟

الاكواريم ...
رحنا النادي العلمي مدري المجمع العلمي ... والحمد لله كان حليو والجهال استانسوا مررررة ... واهم شي المكان بااااارد ومرتب ولا فيه زحمة وااجد ..

وهذا حسون مستااانس على السمشات ..






خلصنا سمشات وبطاريق وحيوانات الحين وين نروح ؟؟

غدا طبعاً ..
وين ؟
فريج صويلح .. رحنا الا السيارات مكتسحة المنطقة كلها ... دخل اخويي يشوف لينا طاولة .. وطلع يسأل هل المطعم يوزع ببلاش ؟؟؟ ليش ؟؟ قال الناس طوابير بطريقة غريبة ... واكيد مشينا ..
قالت مرة خيي : ميس الغانم >> مطعم المشاهير .. قالوا لحومه مستوردة .. ما نبغى ..

قالت ام حسون ... ما لينا الا عبد الوهاب ( مطعم لبناني على البحر مباشرة ) من زماان ودي ادخله .. ودخلنا .. المكان راقي وما في زحمة واجد ... قلنا جهزوا حالكم للفاتورة ... جلسنا في طاولة مطلة عالبحر .. المنظر رووووعة بس خوسااارة الصور مررة عائلية وما تنفع احطها ...
الاكل روعة ... وانغام موسيقى فيروز تصدح >>> متعوب عليها ترى .. تصدح في المكان الجميل ... وخلصنا ثالث وجبة ناكل فيها حتى التخمة ...



وين ؟ قالوا بنزين وبعدها المباركية .. صلاة المغرب في سوق شرق وتالي البيت .. قلنا تم ..

خلصت بطارية النافيقيتر واحنا ندور محطة بنزين .. ولا لقينا ما فيها صراف ولا رضوا ياخدوا فلوس سعودي .. وصارت قصة وصدعوا الرجال من الدوارة وقرروا يرجعوا البلد بدون بقية المخططات .. وهكذا كان ... وما صارت 10 الا احنا في البيت كملنا الاجواء العائلية استعدادا للرجعو للرياض في اليوم اللي بعده ...

يا خسارة خلصت الاجااازة الحلوة ...


اتمنى التقرير الهداار عجبكن وانتظروا تقرير المدينة المنورة الويك اند الجاي >>> ويك اند العيد الوطني بإذن الله ..
بسسسس

على فتافيت !

قصدي اذا تفاعلتوا مع تقريري المدون اعلاه ههههههههههههه

سدومه
ودي ابطحش واجيب خيرزانه منقعه بملح واطيح فيج جلددددددددد لين تقولين امين
ليييييييييييييييييييييييييييييش تنسي الصور ثم الصور ثم الصور لااااا
بس صراحه والله من وصفش تحمسة الى الكويت 100% من قبل كان عندي عادي رحة او للا بس تشجعة بقوه من وصفش مع اني اتوقع بيصير فينى نفس الي صار فيكم في الرجعه بس اول مانوصل هع بيقعد رجلي ادور ومابيندل وبقول رجعنى البلد خخخخخ
عليكم بالعافيه على الطلعه الحلوه

جموله
اي اني بعد احب الصور هي القطيف الي حافضينها شبر سبر بيت بيت زنقه زنقه ولو احد اصور قلنى بشووووف ههههههههه
وعلى التحليل عفر مو جايني فضول لان الحمد لله اني وابوها سليمين فبئدن الله مابكون فيها امراض وراثيها ان شاء الله