ديوانيه .. سوالف .. فرفشه

اهلاً اهلاً

ام بنون
والله المدرسه التزام ونظام واقعدها من الخمس ونص
والنوم للحين خربان بسبب فطوم خواتها نومهم اتعدل الاهي
ايوه اخذت دوره اتعلمنا فيها التونسي والهيربن لاس
التونسي ابره خاصه له والهير اله بعد بس كنت يوم الهير غايبه للاسف راح عليي
والكورشيه داني اشتغل اسووي لزينب بكلات للشعر وتاجات
وببدي للشتاء قبعات بس لسى ماشريت ليها جاكت وخايفه ابدي واللون مايناسب يطلع


Fho

هلابيك الحمدالله بخير والله ايسلمك يارب


هالرد من البارحه الفجر ولارسلته والحين راحت زينب المدرسه الله يحفظها
وداني قلت افرفر اشووي بالنت وفطوم عندها تطعيم ٩ اشهور المفروض رمضان ومارحت
واتصلوا قالوا اليوم جيبيها

القاكم ابخير

صباح الخير
وينكم مختفين

صبحكم الله بالخير ..
وينكم اختفيتو يوم جيت خخخخ

ف ه و

ان شاء الله تاثثوه كله بالخير والعافيه .. وحركات شفتي ام ريموو وناسه

ام زنوب
لمتى بتعدلي نومك ما يصير اني الحمدلله روحتنا للمدينه عدلت نومنا ومن رجعنا صرنا كل نووم والحين من 10 انام الحمدلله واقعد 5

وليش ما عادت لك الدرسه المفروضه ما يروح عليش صرااحه .. اني داني جهزت لحمود بعه ولفاف رصاصي وبنين قبعه ورديه فاتحه ووالحين اسوي بيضه بسويها لولو كاتي ..

هلا ام بني
مافي الا أني وانتين
اي استانست يوم تعرفت علي ام ريمي
عقبال الباقي نتعرف عليهم والله يسمع منش ونخلص ونرتاح من لمداور
يالله ياكريم

سلام شخباركم كلكم؟وينكم؟ماجاء الويكند عشان تختفوا؟؟؟؟!!!!!!!!

هلا ومرحبا
على الحلوين
وعيدكم مباارك جتى لو قديمة
ومشكورين مليون كل من سال عني وافتقدني
واخص بالشكر كل من نهوده وبونيتي القمره فيوليتا وديالا وام زنااب وجموله وف ه و وقصوبة وصراحة ماادري من سال عني لاني ماقرايت على العموم مشكورين كلياتكم بدون استثناء
وبااتذكر اللي جمعته

نهوده
الحمد لله على السلامة ومبروك الخطوبة ومشي هدووي
والله يدوم المسرات

شيريه
الحمد لله على السلامة
والله يقومش بالسلامة ياارب

بسمة
الله لايروعيش غناتي وانتبهي للكتكوتة الله يحفظهم
والله يقومش بالسلامة

ام كرار
هلا بش يالغلا
وان شاء الله تبشرينا بالنتايج الحلوة
موفقة قمر

ام زنااب
هلا بالغلا
ان شاء الله يعتدل نومكم

ريشة
االحمد على السلامة والله يتقبل

ف ه و
مبروك عيد القواز وكل سنة وسنة على خير وسلامة

هاد اللي اتذكره المخ ضاارب حبتين هالاياام
اذا نسيت احد غششوني

مرحبا صبايا
بسومه
الله يسهل عليش ولادتج مابقي شي تجهزي انتي وشيريه
فوليتا
ياغناتي مشكوره عسؤال
ويش فيها عمة ولدي ديالا ماتدخل سلمي عليها
الباقيات الصالحات ويينكم

هلا جوان
نورتي غناتي ويش هالغبه هدا كله كله لحسون وابو حسون الله يخليهم لش

مداام الديوانية هدوووووء
اعطيكم
اهم اخبااري
تفضلو الموجز هع
طبعا زي ماتعرفو انكسرت رجل رجلي وانحبست عن الدنيا من ناصفة رمضان صرنا مانتطلع مكان الا المستشفى وبعدها قبل العيد بليلتين سويت جراحة في رجلي وتعذبت وصرت ماامشي واكتمل الطقم اني رجلي اليسرى وزوجي اليمنى واستغفر الله صاار وضعنا يضحك لو رحنا مستشفى اني اعرج وزوجي قاعد على كرسي وولدي ضايع في الطوشة وغبت عن الدنيا وصارت نفسيتي داون ومااتحمل اي انتقاد على طول اطنقر والاوادم الي كنت متحملتنهم ياخدو راحتهم وياي في الكلام صرت اواجه واهجم عليهم بقسااوة
والله كرهت نفسي عدل ونفسي ارجع الاولية اللي مايهمني احد
والحمد لله داوم زوجي امس من بعد الكسر وبدات رجله تلتحم واني صرت اهوون بوااجد الحمد لله بس لازلت اعرج كاني ضبعة
وحشتني الهدرة وحشتني الاوادم
ان شاء الله راجعة اليكم بهدرتي اللي تعور الراس هع

ام حيدور
هلا بالقمر
النور نورش يالغلا سامحيني ماذكرتش العتب على المخ التنك
والله فيش الخير تسال عني
والغبة ان شاء الله اخر غبة

جوان
هلا والله نورتي الديوانيه برجوعش
والله يعطيكم العافيه وماتشوفو شر

فدوكه
اختفيتي ان شا الله خير طمنينا عن بيونه صارت احسن ؟؟

اسرار
النور نورش قمر
والشر مايجيكم يالغلا
اخبارش واخبار الوردة ان شاء الله كويسين

فدووك
ماتشوف شر بيونه القمر ماادري ويش فيها
بس من سؤال اسرار الله يعطيها العافية

ياهلا نورتي عيني الديوانيه بوجودك جوان .. في سالفة الرجول ذكرتش مرة وكل ماكنت اتوجع منها اقول الله يساعد ابو حسون زوج جوان مادرينا انتي كمان مصابه رجولك اجر وعافيه وماتشوفو شر عيني ..


حبوبات بكرا يبدأ مهرجانغريب طوس وانا مشاركة فيه وفي كمان ناسات ثانيه تفضلو تفرجوا هووونيك

ام اية
هلا بالوردة
اقولك مخي ضاارب كنت والله بسال عنك وعن رجولش يالله اجر وعافية والشر مايجيش حبابة
وماتشوف شر الجدة ان شاء الله صارت احسن
موفقة باذن الله

الف سلامه عليكم جوان عين وماصلت على النبي وترا المديره نقصتك علامات واجد بسبب تاخرك عن الفصل الدراسي بس اذا عرفت العذر الطبي تعذرك

ام حيدوره لا عندها عذر طبي حرام تنقصها هع هعاتوسط لك مفلا

سلام عليكم

كيف حالكم جميعا بدون استثناء

وحشتوني واايد

جوان

سلامات ماتشوفو شر

جوااان

اخيرا جيتي كنت بكلمش بس مادري كيف نظامش واستحيت سلامتش وما تشوفي شر عين ما صلت ع النبي

الا فدوكه مختفيه ماليها لوده ان شاء الله خير يارب

نوورت الديواانيه جوجووو
وماعليش شر انتي وابو حسوون
بس ماقلتي ويش فيها رجولش

ع العموووم نوور المنتدى اخيراا بطلتش

مساااااااااااء الخيرررر وحشتوني والله والله
لابتوبي عطاكم عمره بيون جابت فيه العيد الضربه القاضيه وطاح من فوق الى تحت وتفتف نتفه نتفه وعشت حياه كئيبه بدون نت هع


هدوووويش اني قلت الحين تجمع عليي الوااااجب صفحااات الا بس صفحتين وش فيكم عفر انحستو يبغى ليي اسوي ليكم شبه وادور بها عليكم هع هع


بنات صحيح باركولي واخيرآ وصلو اطباق الفوندو بالسلامه خساره اني طالبه 4 اشكال وماوصل الا شكل واحد ياللاسفي :(



قصوبه
البنات اجيبو العله كانو عدددل الدياييس <<<<<ههههههههههههه عفر الكلمه اضحك هع

الجهال كلهم متجمعين عند المرجحانه وهم ولا هامنهم احد والكرنيش مليان رجال وهم ماخدين راحتهم عيب اصلن اني اتمرجح بس ادا مافي احد


شيري
ادا ندر اي لازم تسميه وحتى لو منبهه فرضن لازم تسميه مو زين لان


اسرار
مشكوره ياقلبي على السؤال بيون الحمد لله صارت احسن بس الزكام والكحه خلاص بيضلو ملازمينى الى نهاية الشتاء عشان حساسية الصدر

جوان
واااااااخيرآ طليتي
ووووين منخشه يالقرعه وماتشوفين شر غناتي صحيح وضع متعب كان والحين شخباركم انتي ورجلش ان شاء الله احسن شان درتي على بيتكم بشبه ترى العين من الشيطان ومدكوره بالقراءن وحتى النبي تعود من العين لان انتين ورجلش بنفس الوقت


ام بيونه
مشكوره على السؤال غناتي هداني موجوده
وعلى الرابط نفس الشي فتحته قالو ليي مو متوفره المعلومات سوي ليي اششاره من الفيس نفسه احسن


ام ساره
طلع منش اغبار مو طبيعي صراحه
نورتي يالغلا


ام حيدر علي
مادري وش فيش محسوده عفر صايره هاديه وين زمن القرقر هع هع



اناهيد
ماني ماني غرررت صررراحه ابغى احد يعطيني كيكه عن افادي هههههههه
من قدش اهنوش بكيكه اشوى رجلش مو جنبش يتراوالي كان نتف الرجال ههههه


فيوليتا
شوفي اني اي احد يبغاني يحك المصباح وبطلع له هع هع هع


بسمة طفل
وعليكم الهاي والباي خخخخ


اف اتش اوه
اصدقي جايه في بالي من يومين والله قلت باكلمش حيف كان عندي رقمش وباجي بتعرف عليش والله


جموله
اشوى يعني مو بس بنتي له والله حتى ادا فكرنى انوديها المرجحانه ندكر الفزعه ونهون


ام زنوبه
هلا بالسودانيه حرام عليش نقلتي العدوه في المنتدى كله ههههههه


ان شاء الله مانسية احد والي نسيته يسامحني العتب على النضر

حيدر كمل سنتين بالميلادي كل سنه وانت طيب ملاكي المشاكس ههههههه
بسويله مع اخته عيد ميلاد مره وحده واوفر بسويه بالشقه طبعا اريخ ليي ولا اشرايكم

ام حيدر
كل عام وحيدو بخير واني رايي من رايش سويه مع اخته مره وحده ادا قريب من بعض التواريخ بس ادا سويته في شقتش بتنعدم وخاصه ان الشقق صغيره ادا بيت اهلش فيه سويه مجال هناك اني حاطه في بالي عيد ميلاد بيانه اسويه في حسينيت امي

الله يبارك بحياتك
انا بسوي عيد ميلاد خاص انا واطفالي وزوجي بس اهلي بجو مافي مانع