كيف اهتميتي بنفسك بعد الولادة ؟؟

مرحبا

اغلبية منا في فترة الحمل يتغير جسمها ويزيد الوزن وبعض المناطق تصير سمراء مثل الرقبة والبطن وغيره

فبالتالي النفسية تتأثر وتصير الحامل تنتظر متى تولد حتى ترجع ايام المجد والرشاقة

لكن من يجي المولود يلخبط الدنيا والوحده تنسى نفسها ومايصير عندها وقت لشيء

وهذا اللي صار لي بمولودي الاول

لكن الان في حملي الثاني تأزمت من شكلي وقررت اكافح بقوة حتى استرجع لو القليل من سابق عهدي

بدون فلسفة زايدة ههههههه

في هالموضوع ان شاء الله يكون تجمع للحوامل ويقولون لنا وش ناوين يسوون بعد الولادة وللرشيقات يخبرونا وش سووا بعد الولادة وهل استفادوا او لا

طبعاً من باب النحاسة ماباقول وش سويت انتظر تفاعلكم بعدين باارجع اقول لكم

وعلشان احمسكم ترى طلعت من الاربعين وكأني عروس ماشاء الله ولا كأني كنت حامل هع

يالله انتظركم

موضوع حلو زهور

بس بعض الأحيان تصير اشياء خارجه عن ارادة الأنسان <<<بدت تفلسف الأخت ..

زي انا مثلا بعد ولادتي الأولى كنت اخطط واخطط ومسويه برنامج لبعد الولاده بس للأسف ولدت قيصيريه وما قدرت اسوي شيء من اللي مخططتنه ..

كنت مخططه اسوي رياضه على طول بعد الولاده مباشرة .. وبعد الأربعين اسوي حمام مغربي وبرنامج كامل شان يروح السواد خخخ .. بس طلع الحمام المغربي ما يصلح للجرح واصلا لين طلعت من الأربعين كنت ما اقدر انام على بطني من الجرح وبقى جزء صغير منه ما التئم ..
فأخترب البرنامج بالكامل ..اهئ اهئ

موضوع حليو و مهم

اني قلت يبغليي اسوي رجيم

شان يروح هالكرش مأزمني نفسياً

وفي بعضهم يقصو ويصبغو شعرهم

بس اني باقصه قبل لااولد ان شاء الله

وعفر بعدني ما افكر بالاشياء الباقيه

ان شاء الله نستفيد منكم ومن خبرتكم يالي ولدتو قبل

اني قلت صراحه بسوي رياضة للكرشه


واذا عندكم حل للسواد اهو يروح بشكل طبيعي لا في كريمات

اني الحمدلله للحين ماطلع لي بس موطايقة روحياحس لوني اتغير

بكرية وش درانا لازم ناخذ خبرة

حلو الموضوع
اني كنت ناويه اقص شعري وحاله بس قصيت قبل فتره بسيطه لاني ماطقت روحي وبغيت اسوي تغير
بعد مااولد انشاء الله اول شي بسويه رياضه ابغى جسمي يرجع حليو وباروح باسوي لي مساااج قاعده افكر في وين عشان الراحه النفسيه افكر في هالسوالف الحمام المغربي عمري ماسويته ومتردده لان اسمع ان ريحته مره خايسه ههههه
ومااتوقع ان بيمديني اسوي اكثر من جدي ...

تعرفوو وين يسوو حمام مغربي عدل ؟

ناوية لاخلصت من الاربعين ان شاء الله اروح اسمكر جسمي

وابغى اهتم في نفسي

قبل ليلتين سويت تمارين بنت عذاري وحسيت جسمي متكسر ومتدقق مابغيت العافية

التعب كله طلع واليوم الا بعده جيت باسوي وتفيقلت

جاني حماس اروح اسوي تمارين لحيين

http://forums.3roos.com/showthread.php?t=198572

يالله يا كروشات والرشيقات بعد اعطوني افكار ودي ارجع جسمي شبيه لماكان

ماشاء الله تسلموووون على الردود يالله نبي حماس ونشاط وكل وحده تشجع الثانية
صدقوني التشجيع له تأثير غير طبيعي

انا مثل ماقلت لكم بولدي الاول ماسويت شي

بس الان بعد ماولدت صرت اقرأ موضوع في عالم حواء واشوف البنات يسوون ويشيلون ويحطون
حسيت نفسي بشعه ومهملة ههههههههههه

وتشجعت واجد اني اتحرك واغير من نفسي

مع اني الحمدلله ماتغيرت في حملي بس رقبتي صار فيها سواد وبطني فيه خط اسمر والكرشة شر لابد منه

وطبعاً لا تصدقون اني سويت اشياء واجد وصرت عروس هع بس احمسكم

اللي سويته شريت مجموعة الحمام المغربي من عند وحده اسمها سمر كانت معانا بسنابس

حلوة مرة المجموعة فيها ليفة وصابون سائل وصابون قطع وطين للوجه والشعر

ورخيصة ب20 ريال بس

الطين احط معاه ماي ورد واخليه 10 دقايق على وجهي والنتيجة حلوة يفتح البشرة ويصفيها وينعمها

الصابون المغربي استخدمته الى الان تقريبا 4 مرات ونتائجه حلوة ينعم البشرة وبعض الاماكن السمرا فتح لونها شوي

اما شعري لاني كنت قاصته قبل لااولد فما سويت فيه شي مجرد استخدم له حمام زيت مرتين بالاسبوع

ولما طلعت من الاربعين جات لي وحده سوت لي حلاوة للجسم كامل

وفيه نقطه مهتمه فيها واجد وهي الترطيب بعد الاستحمام

كل مرة بعد مااسبح احط في جسمي كامل لوشن زبدة الكاكاو من فازلين والحمدلله بشرتي تحسنت واجد وصارت ناعمة مرة وطرية مثل بشرة الاطفال

وبعد شرب الماي بكثرة مهم للبشرة

كان نفسي اتحنى بعد الاربعين خخخ بس اجلتها للشهر الجاي لان عندنا عرس قلت مرة وحدة

اممم شو سويت كمان

يس فتحت دولابي ورميت نص ملابسي هههههههه حسيت نفسي بعد ماولدت خلاص مو طايقة شي وابغى اجدد كل شي ورحت السوق وشريت لي كم حاجه جديدة ملابس داخلية وبيجامات حركات وبنطلونات وهيك


طبعاً ماخلصت مشواري ان شاء الله باقي اشياء في اللائحة بااسويها من ضمنها الرياضة علشان الكرش العزيز يخف وان شاء الله يروح بلا رجعة هع

وبعد ابغى اشتري كريم اشوف يبيعونه بالمنتديات اسمه كريم الفراولة تحمست اجربه اذا جربته بااخبركم بالنتيجة

وبس تقريباً

اللي تسأل عن محل للمساج او الحمام المغربي شفت صور لمركز ميركاتو شكله حركات عندهم انواع من المساج بالزيوت العطرية ومساج عادي وحاجات ثانية لو قريب مني رحت اجرب


وسلامتكم

موجود عندنا برنامج ما بعد الولادة
ويشمل : حمام زيت للشعر - صنفرة أقدام - تنظيف بشرة - حف ايدي وارجل بالحلاوة
- حمام مغربي - حمام استرخاء لإزالة تعب الولادة - مساج على يد خبيرة في المساج العلاجي


شفت هذا الاعلان وحبيت افيدكم فيه

إذا تعرفوه مركز سمارى كانت معانا بالمنتدى سنابس

شفت لها الاعلان في عروس القطيف .. وهذا البرنامج ب300 ريال بس

وعندهم برنامج العروس ب350 ريال بس ..

وكمان عندهم تقدري تجيبي العاملة للمساج لحد بيتك ب100 ريال الجلسة مع قيمة المواصلات ..

عروضها مرره حلوة حسيتها وعرضها مستمر لنهاية عام 2010

ضمنت حالي الظاهر

نسيت اقول لكم

من ضمن الاشياء الي بسويهاا

اني بمترخ عند مره

يقولو عدل التمرخ للوالد يرجع الرحم زي ماكان

حنـــانيكـــ كتب:

موجود عندنا برنامج ما بعد الولادة
ويشمل : حمام زيت للشعر - صنفرة أقدام - تنظيف بشرة - حف ايدي وارجل بالحلاوة
- حمام مغربي - حمام استرخاء لإزالة تعب الولادة - مساج على يد خبيرة في المساج العلاجي


شفت هذا الاعلان وحبيت افيدكم فيه

إذا تعرفوه مركز سمارى كانت معانا بالمنتدى سنابس

شفت لها الاعلان في عروس القطيف .. وهذا البرنامج ب300 ريال بس

وعندهم برنامج العروس ب350 ريال بس ..

وكمان عندهم تقدري تجيبي العاملة للمساج لحد بيتك ب100 ريال الجلسة مع قيمة المواصلات ..

عروضها مرره حلوة حسيتها وعرضها مستمر لنهاية عام 2010

ضمنت حالي الظاهر

عرض رووووووعة خسارة فاتني وسعره ممتاز

انا اللي سوت لي حلاوة بالبيت اخذت 130 ريال احسه غالي بس كنت مضطرة

واصلا حتى لو اخذت العرض يمكن بااشيل منه الحمام المغربي والمساج

<< وش بقى خخخ

لأن مااحب اتفصخ قدام احد ,, لا وبتمرخ فيني بعد

كنت بسوي وبسوي وفي الاخير هذاني على حطة أيدكم كنت بجيب وحدة تسوي لي مساج وحف للجسم واستمليت حفيت جسمي لحالي
والمساج لو على كيفي كل يوم والرياضة
مرره ودي اسوي بس مايمدي مع الداوم لاني كل اسبوعين اقلب شفت وغير كذا استحي من امي اخلي بنتي عندها اكثر من شدي
بس صبغت شعري ويبغالي هالكم يوم اقصه لانه يتساقط بقووووة ..

ابغى وحدة تجيني للبيت تحف وتسوي مساج مره وحدة تعرفوا مين ..؟!

بكم التمريخ؟


اني بعد ولادتي بسوي كل شي لانه الشهر اللي وراه زواج اخوي

يعني بقص شعري وبصبغه وشريت لي مقشر للوجه والجسـم وحمام مغربي

اني بعد ولادتي بولدي سويت مايلــــــــــــي :

في نفس اسبوع الولاده جبت لي وحده فلبينيه لين البيت سوت لي مساج خاص حق مابعد الولاده وترفع الرحم على قولتهم ...
وبعد الاربعين ...رحت حفيت جسمي كامل في مركز ضوء الشمس بسيهات ...
وعملت حمام مغربي روووووعه عند خديجه المغربيه في مركز بردان كمان بسيهات ...
...وقصيت شعري وكنت ميته ابغى اصبغ بس رجلي مارضى ... يقول يحب لون شعري الطبيعي

وكمان سويت مساج عند ياسمين اللي في مركز كنوز وكان مره ممتاز
**((على فكره خيتو اناهيد ...اختي توها متصله على مركز كنوز تبغى تحجز عندهم مساج عند ياسمين ...قالوا ليها مسافره من زمان واحتمااااااال ماترجع خساره صراحه ...لانها اكثر وحده حسيتها تتقن المساج ))

اما بالنسبه الى الكرش و تغيرات الجسم ...فهذا شـــــر لابد منه ...
طبعا انا كنت ناويه اروح مركز رياضي ... بالأضافه الى انو عندي في البيت جهازين رياضه ...بس مع البيبي والدوام والانشغالات ...ماسويت شي ..

بس كان عندي حل سحري ..خلاني ارجع رشيقه عدل مثل ماكنت بنوته ....

تبغوا تعرفوا ..وشو


متأكدين



هههه









.


.


.


.


. ها تحمستوا




.

.

. الرضـــــــــاعه ههههههه

فعلا رضاعه ولدي كانت بمثابه الرياضه ...حرقت كل الوزن الزايد اللي كسبته في الحمل ..
وان شاءالله هالمره بعد يحالفني الحظ ويستمر المفعول خخخخ ..

حنانيك: حمستيني حق مركز الخليج ..لان من زمان ادخل منتديات ادور على مركز كذا شامل جميع الخدمات ... انتي رحتي له شخصيا ...اذا رحتي اعطينا تجربتش ؟؟؟>>>حق من الحين اجهز روحي هههه

يلا ...الله يقوم كل الكروشات بالسلامه ...عشان نشتغل على روحنا عددددددل ... ونحورف في حالتنا شووووي ...

هههههههه ايه غناتي ...

شكلي لخبطت بين الاثنين ...>>>> البنيه مفهيه حدها

وين هذا مركز سمارى ...وهل في احد جرب..؟؟؟؟