استفسار عن لفات البيبي

مراحب
بالنسبة للمقاسات اخذت كم لفة بس ما انتبهت لسالفة المقاسات الا بعدين فيه بعضهم صغار وبعضهم زين مقاسهم..
ولادتش في الصيف مثلي يبغى لش لفات خفيفة بالنسبة لبيبي شوب ما حسيت عندهم وايد خفاف اغلبهم ما يناسبون صيفي ممكن تلاقين في محلات المواليد الثانية مثل مولودي وجود بيبي رحت قبل كم اسبوع ولقيت عندهم بس ما اخذت لاني اخذت من بيبي شوب وقلت باقي اللفات باخذهم طقم مع المحامل
على فكره سمعت من بنت اخوي لما كانت تجهز لولدها ان محل الطفل الجميل pretty baby فيه لفات وايد حليوة ان شاء الله هالسبوع امر اشوف اذا لقيت فرصة ...

بانيو الحمام
الصيدليات عندش الحسين
والصيدلية الا تابع مستشفى الزهراء
أتوقع أغلب الصيدليات تبيع البانيو والاسفنجة حقت البييبي

السعر المنافس يصير في الشارع المقابل للهرم بلازا في الدمام وأنتِ رايحة الحياة بلازا

ممممم أكثر ما بتلاقي عنده هي الشبك الداخلي خامته ممتازة وبـ 5 ريال

اللفات موجودين نفسهم في الغزوي فاشن على شارع أحد بفرق ريالين ثلاثة تقريباً

كم لفة تقريبا اخذتووووو؟

هلا والله اختي


اني حماتي توها ولدانه وشفت لفاتها مره حليوين
اخدتهم من الغزوي فاشن ورحت شفتهم صحيح مره حليوين وعنده اشكال وايد
وفيه بعضهم بـ 10 ريال وبعضهم بـ 18

واني تقريبا للحين عندي 10 لفات
ثلاث شريتهم اني واربع مع المحامل وثلاث طقم مع الملابس
احسهم يكفو واذا حسيت اني احتاج اكثر عادي السوق قريبه اخلي احد من اهلي يشتري لي

تحياتي

اني اغلب الفات اخذتهم من سنتر بوينت

مادري عن مقاسهم بس ماحسهم حارين

والبانيو فيه في رد تاغ ومسوي تخفيض عليهم

شفت امس يوم اروح هو ردتاغ نفسه اخر فرصه وعجبني وآآآآآآآآآآجد وفيه داخله اشياء بعد غير البانيوووو

بس اني شريت وخلصت

اذا تبغي روحي وشوفي البانيو مسوي عليهم تخفيض 50%

مشكورين غناتي الله لايخلينا منكم

قمريه
انا رحت رد تاغ ماشفت الا شكل واحد بانيو وكان صغير
كان في قبل شكل ثاني اكبر وفيه مثل الارتفاع من داخله بس ماحصلته لما رحت قبل كم يوم

انتي اي فرع رحتي ؟

اللفات والمفرش اخذيهم من سيتي بلازا

أنا لفاتي كلها من سيتي بلازا وقطن وخفيفه

وتقريبا يوميا تنغسل في الغساله وتنحط بالنشافه ولا اختربوا ولا تغيروا

والمقاس افتحيهم وشوفيهم لاتاخذين صغار ماراح تستفيدين منهم




أنا ولدي جبته حجمه صغير مره وزنه 2400 ونتفه حده وعندي كم لفه صغيرة

مااستفدت منهم الا أسبوعين تقريبا مع العلم ولدي ماكبر واجد وبعده نتفه


مقاس 32*32 أشوفه حلو عندي لفتين وبهذا المقاس وللحين استخدمهم



واللفات اللي وراء المحامل الي اخذتهم شمولوا واختبروا من الغسيل


والبانيو تلقين في كل محلات الأطفال

ام بدوري

اني رحت الفرع الي بالقطيف ترى هو اخر فرصه للي مايعرفوه في سيده سيتي ماكس

شفت واحد كبير وحليو

مشكورات حبوبات استفدت واجد
بس شكلي اخذت كل المقاسات اللي في سيتي بلازا
32 ×32 و 30×40 وfree size ووحده صغيره بس عجبني شكلها مره

انا اخذت لفات واجد 15 لفة يمكن واحس مابستفيد منهم كلهم لان ماكانت عندي خبره اخذ الشكل اللي يعجبني هههههه

وايد 15 لفه احس 8-9 زين

احس واجد 15 لفة
بين 7 و8 زين

15 لفه واجد ترا
خسارة ما بتلسبيها البيبي الا مرتين او ثلاث ما يمديهم يعدمووو

بنات من وين ياخذوا لفات احليوة غير سنتر بوينت رحت اليوم

الصباح وانقهرت حدي مافيه الا كم وحدة ومو كلهم عجبوني احس مافيه وحدة مرة انيقة

وتنفع للأستقبال وهيك

بسألكم مامز اند بابز فيه لفات والله مو ذاكرة اني ناوية اخذ المحمل حق البيبي واحد منه

والثاني يمكن من جكادي او اوركسترا اذا نزل شي مفيد لأن حاليا ماعنده شي عجبني

وبشتري يمكن اثنين للبيت من الطفل الجميل ولا هدية المولود

وبعد ابغه قبعات كشوخيييية ماشفت في سنتر بوينت دخلوا مزاجي مرة بس خذت ثنتين عن خاطري

زهرة البيلسان

اي انا والله نفسي بقبعات كشوووخيين تتوقعي و ين نلاقي

انا قلت اذا ما حصلت بوودي القبعات اللي اخذتهم السادة للي بتفصل لي تركب عليهم شغلات

واذا ع اللفات عندك كارترز اوش كوش لفاته جميلين

M!$s Paris كتب:

15 لفه واجد ترا
خسارة ما بتلسبيها البيبي الا مرتين او ثلاث ما يمديهم يعدمووو

15 لفة صحيح واجد
بس ليش غناتي اتقولي مابيلبسهم الامرتين اوثلاث
طول مدة ثلاث شهور بكون ملفوف بالفة