تزيين غرفة البيبي .. امبي افكار بلييييييييز

الملصقات شفتهم في تويز ار اص فوق

اما الزوالي ما ادري ياليت الباقي يفيدونا

لان اني ودي بعد

اهلين أم بدوري
الستكرات تلقي في ايكيا- والمكتبة الوطنية (اعتقد هذا اسمها) اللي في مارينا عند المطاعم وفي الراشد في الدور الارضي

واسمحي لي بدخل عرض في موضوع ثاني تتذكري في تجمع العرايس عجبتش البيجاما الشبك اللي تجي شوريت... موجود زيها في اويشو اشكال واجد.. مانسيتش من ديك السنة واني اقول اذا شفت زيها باقولش ;)

هلا خيتو ..

سبحان الله اني بعد داير راسي على هالسجادة !! ما بقت الا هي !!

كان عندي امل القاها في تويز آر اص .. وكنت مخططة اروح بكرة !

اني ودي في حاجة عليها شخصيات ديزني .. ولو تكلم ويايي كان اشوف شي اصلي من ديزني واشتري السجادة مع كم دبدوب ولعبة طقم يعني .. تعرفي وين الواحد يلاقي اشياء زي شديه هني او في البحرين او حتى الكويت ؟؟؟

اممم السجاد ما يندرى وين يتحصل اهني
طيب ما تفكروا تطلبوا
أمازون فيه أشكالوألوان .. يجننوا.. وفيه حق ديزني بعد

مامات ، قبل سنتين ثلاث في أطراف سوق التلفزيون على الشارع شفت سجادات عليها شخصيات
ديزني الكرتونية ، وغيرها فيه ورود .. بس والله ناسية اسم المحل
مدري إذا موجود الحين أو لا

سديم

حبيبتي عندك محل بروي بالكويت بالأفنيوز
أتذكر أنوو فيه شغلااات كثير حلووة ومن ضمنهاا شغلاات ديزني
وأكيد أصلي لان المحل راقي

بسمه بريئه
مشكوره ياغناتي للحين تتذكري ان شاء الله اقدر اروح لاني خلاص بنشرت ماقدر
امشي وايد تعبت من التجهيز

والملصقات انا اسمع يبيعوا في مكتبة الصفار بس مادري كويسين للجدران مايطيحوا اولا

يلا بنات نبغى افكار اكيد كلكم محتاجين مثلي

لاحجيه مابينام لحاله طبعا
بس لازم يكون له غرفه خاصه فيها دولابه واغراضه والسرير المتحرك
عرفتي ؟

بحط لش افكار يمكن يعجبش شي منها

التزيين باللوحات





وأعرف وحدة تسوي لوحات أطفال يجننوا.. وأسعارهم بعد حلوة بين 25 و50 ريال اذا تبغي اكلمها لش وتشوفي شغلها وتوصيهاعلى على حسب الاشكال والالوان اللي تبغيها


استكرات الجدران:



ممكن تتفني في المفرش والستاير والشجادة والاكسسوارات
تخليهم طقم



ستارة فوق سرير البيبي
شفت اشكال منهم في مستر برايس هو - الظهران - بوابة 5



هذي الحركة في السقف غريبة بس رهيبة
والطفل كله على ظهره فيشوفها في وجهه



وهذي بعد عجبتني لوحة كبيرة عليها الحروف واشكال حيوانات بنفس الحروف والثريا نفس الرسومات

روحي فداك
أني ودي في المستقبل انيم البيبي في غرفة لوحدة وهو عمره شهور عشان يتعود

بسمه بريئه
خخخخخخخخخخخ في احلامش لان بتزهقي لو نومتيه في غرفه لحاله والجاهل كل اشوي يبغى يشرب
تخيلي بتقومي من عز نومش عشان تروحي ترضيعه وترجعي
يوم وبتقولي لا بوه لابو ابوه خخخخخخخخخ

صدقتي روحي فداك

اني الحين انيمها على سريرنا جنبي

لان استمل من كثر ما اشيلها من سريرهاا علشان ترضع

اني اقول سنتين وبوديها غرفتهاا


بسمه بريئه ..

عندش صور للوحات الي تسويهم المره

هلا كروشات - ام بدوري الحلوة ..

<<< اني من الناس اللي يأيدوا نوم الطفل لحاله من اول يوم ..

ولا عندي مكان في غرفة نومي لأكثر من مس السلة الصعنونة للأيام الاولى .. بس يكبر عليها ما له الا غرفته ..


شفتي الافكار الحلوة اللي حطتها البسمة الحلوة ؟؟
آخر صورة فيها ملصقات جدارية الوانها زاهية واحجامها كبيرة ومخصصة للحائط شفتها البارحة في تويز آر اص .. واشتريتهم بس بعدني ما الزقهم ..

وبعد اشتريت ابجورة عليها ويني ذا بوو .. في اشياء وااجد من ديزني وكلها تناسب غرف الاطفال .. والعاب ورضاعات كلها ديزني عجبوني مررررة ...

بس السجادة للحين ما شفت ..
<<< ورغم اني متأكدة اني ما شفت في ماماز آند باباز لأن كل الغرفة اني ما خدتنها من هناك اصلا .. بس اتمنى اروح اشوف سجادة طقم ويا المفرش والستارة اللي اخذتهم ..


خذي لش طلة يمكن تلاقي افكار حلوة لغرفة نونوش الحلو ..

دعواتكم يا حلوات ..

أنين الروح
اني الحين ماعندي صور ليهم باكلمها بكرة وباشوف اذا عندها

روحي فداك
يوم علي ويوم على ابوه وفي الاتحاد قوة لول
هو كل شي في التجربة غير يعني اكيد واني اقولها كنها حلاوة وفي الحقيقة تعب
بس اعرف ناس سووها.. يعني السالفة تستوي بس يبغى اليها صبر
وغرفته بتكون لزق في غرفتنا.. زاويه واهني بابنا واهني بابه

سدومة
ترى الزوالي اللي دحنوني في امازون عليهم ويني ذا بوو وعندهم حتى استكرات ويني
الزوالي اسعارهم كانت تقريبا 50-60 دولار
بس عادبكم يوصلوا الله اعلم

تفرجي سدوم:
http://www.amazon.com/s/ref=nb_sb_noss?url=search-alias%3Dbaby-products&field-keywords=disney+nursery


واهني الزوالي:
http://www.amazon.com/s/ref=nb_sb_noss?url=search-alias%3Dbaby-products&field-keywords=disney+rugs

التوصيل العادي يكلف 7 دولار + 7دولار لكل قطعة
واذا كانت القطع كبيرة او ثقيلة زيدي عليها 8 دولار

عذبتي قلبي يا بسومة !!
ربي يرزقش احلى نونو قريباً عاجلاً - بحق الزهراء ام الحسن صلوات الله وسلامه عليها - ونشوف غرفته .. اكيد بتكووون خيااااال ... << هناياله ولدش ما ادري بتش ..

وش اسوي ؟؟ ما بقى ي عن ولادتي ونفسيتي ابداُ مو اوكي !!
بس باروق عليهم هالكم يوم عشان يضيع الوقت ..

ما عندش فكرة كم ياخذوا عشان يوصلوا ؟؟

<<<< واحتاج اطلّع ماستر كارد بدل قاقد !! بعد ما كسرت اللي عندي بعد حالة تهور شرائية هههههههههههه

ههههههه .. كرتيني بـ shopaholic شاهدتيه؟
يالله بحق محمد وآل محمد ربي يسمع منش
التوصيل ياخذ تقريبا 30 يوم عمل
وفيه توصيل اسرع بس طبعا تدفعي اكثر..

أنين الروح
كلمت لش البنية
تقولش اتفضلي في مركز ايمان اللي قدام المنتزه اللي عند البنك العربي في شارع القدس
بتلقي لوحاتها معروضة هناك
فيه بعض اللوحات اشتروهم بس عندها صور اليهم بتوديهم هناك
واي استفسار تقولش لا تترددي .. خليهم بس يدقوا عليها من المركز وكلميها

ما شاهدته خيوه .. بس كأنه واحد من نك نيماتي خخخخخخخخخخخخخخ

وعلى السالفة اني مرررة تعبت وزهقت بعد .. عشان شديه قررت اضيفها للرجيستري اللي علمي علمش .. وعلى طول اختارتها اختي اللي اصغر مني والحمد لله تتطمنت لأن ذوقها يجنن واعطيتها الموقع .. يعني مو طالعة بعيد عن اللي في بالي ..

ربي يوفقش يا غناتي ويرزقش كل ما تتمني يا غناتي ..

اش دعوة سدوم ما سويت شي تستاهلوا اكثر
ونصيحة اذا تقرأي قصص انجليزية اقرأيها أحلى من الفيلم
بس هي يمكن 5 اجزاء ابدأيها بالترتيب لا تتلخبط عليش القصة
والفيلم كان الجزء الاول بس

تسلمي بسوومه

ماقصرتي الله يقضي حوايجك ان شاء الله