شريتي لعبه للنونو تعالي راوينا

السلام عليكم
وش الهدايا المناسبه للمناسبات
مثل الوالدانه

او اعياد الميلاد

كم مره رحنا السوق وماعرفنا وشي الهدايا المناسبه

الاولاد يحبوا السيارت والبنات ذهب
وغيره من افكار
اتمنى اشوف تفاعلكم في الموضوع

وانشاء الله اذا شفت تفاعل في الموضوع صورت العاب اولادي

هذي هدية عبود وعلاوي في عيد ميلادهم

ا

الله حليوة هديتهم.. يتهنوا فيها
هو للولدانات صعبة.. يا اما العاب وجالوسيات ومستلزمات البيبي وملابس والبنات ممكن ذهب .. وكله تتكرر الهدايا
واني عندي احلى شي مبلغ من المال بدل الهدية وبعدين اني اشوف وش ناقصني واختار على كيفي
وفي اعياد الميلاد احب اودي الألعاب التعليمية زي حق نيو بوي

اني شفت العنوان وتحمست.. شريت حق نونوي كتاب..
بس باقي واااجد لين نستخدمه.. تصقع الصفاعة
باصوره وباحط صورته

بصراحة اني ماحب اشتري سيارات وجلاسيات لأن واااااجد يجيبوا مثلهم

اغلب شئ اروح سيتي بلازا واختار طقم ملابس اللي في الكرتون يجي متكامل تقريبا وكل شئ فيه

اقول يمكن ماحد يفكر ياخذ ثياب خخخخخ

حلم الامومة
ايه احسن شي تعرفي وش يحتاجوا بس هذي ما بتعرفيها الا اذا قريبة من الشخص

حلم الاحلام
صحيح ماتعودنا نقدم فلوس بس اهلنا يسووها يلفوها في نشافة ولما يشوفوا البيبي يحطوها في مفرشه خخخ
وفي الواقع هالشي مفيد اكثر من الهدايا اللي تتكرر ويمكن بعضها غير عن الام تبغاه
وفيه فكرة ثانية ممكن تودي بطاقة هدية من محل يبيع اشياء اطفال.. يعني زي ماماز اند باباز
وهم ياخذوا اللي ناقصنهم سواء ملابس او مستلزمات ثانية
ووين يصير محل الماسة الزرقاء؟؟
واذا عندش رابط لموقع بيبي اينشتاين راوينا .. حمستيني ليهم
وهذا هو كتاب النونو.. ينصحوا تبدا الأم تقرأ للبيبي من عمر 6 اشهر يعني ان شا الله نفس دا الوقت السنة الجاية هههه
لين ناعم واطرافه آمنة (تفحصناها اني ورجلي مع ان مكتوب عليه امن) ومضاد للعاب خخ وينفع يسبح به

f.H.o & بسمه بريئه ...

اغراض نونواتكم حلوين

عليهم بالعافيه

...

اني العاده اعطي الولادانه فلوس

او نسألها وشي الي ناقصنهاا

او ملابس طقم

او الالعاب المتعارف عليها جالوسيه ,, دراجه ,, سياره ,, بيت كور .........الخ

والاعياد الميلاد العاب تناسب عمر الطفل


...

ان شاء الله بعد كم يوم اروق واصور هدايا بنوتتي

حلو الموضوع
بصراحة الهدية تحير

بسمة برئية
شكلش ناوية ثقفي الولد ثقافة اجنبية

F-RAD
والله ودي اعلم البيبي انجليزي بدري
بس احس ما يكفي اني لازم حضانة او مربية تتكلم انجليزي
لأن حتى لو اني اعلمه مابقعد ارطن له 24 ساعة ولغته الاصلية لازم يتعلمها مني

حلم الامومة
راوينا مجموعة الكتب اذا فضيتي
مرة حليو ان نعلم الاطفال على اهمية الكتاب من الصغر
اني فيه موقف ما انساه لما كنت في اول ابوي الله يعطيه العافية ويطول عمره قال لي اذا نجحت في الي مفاجأة
وكنت انتظرها بفارغ الصبر وطلعت مجموعة قصص.. 50 قصة قصيرة.. جايب لي المجموعة كاملة
في البداية كنت ادور اللي الكلام فيهم قليل واقراهم هههه بس بعدين صرت احب الطوال وقعدت ادور عليهم كلهم
ومرة عجبتني الهدية في عيدميلاد صديقتي قمت رحت المكتبة واخذت ليها كم قصة منهم

انين الروح
موتنسي تراوينا اشياء بنوتتش بالذات الاشياء اللي استانست عليهم الحلوة او انتين تحسي استفدتي منهم عدل
عشان نتعلم وش نودي للناس

حلم الاحلام
الكتاب اللذيذ من جاشنمال البحرين سيتي سنتر.. او اذا تبغي اتفضلي عليه مايغلى على نونوش
بحثت البارحة وطلع لي الموقع بس ماكنت متاكدة نفس اللي تقصديه
الفيديوات تجنن بالذات اللي فيهم بيبيز.. هذاني خزنته عشان اراويهم ابوالشباب
وتسلمي والله من طيبش.. ماتقصري.. بس عندي اهل في الرياض اقدر اخليهم يجيبوه

بسمه بريئه
زي ماقلتي الوالدانه صعب احيانا
بس المال احسن اذاشي ناقص تكمليه عكس الهديه تتكرر 10 مرات
بس اذا اول مولودحلو ه الهدايا
واما اعياد الميلاد الالعاب التعليمه حلوه ومفيده عندي كم لعبه جديده تعليميه اذا فضيت صورتهم وسدحتهم
والكتاب عليه بالعافيه النونو مره حلو
اماسالفة الفلوس في المفرش مره قديمه
افضل المال مع تربه اومسبح اوقران صغير في اكياس صغيره تكون حلوه الفكره
والفكره الثانيه حلوه من ماماز بس للناس المقربين مره

اماكتاب القصص اشتريت الى عبودكتاب في365 قصه مره حليوه القصص ومفيده وصرت احب اقراهم له كل ليله
حلم الامومه
ماشاء الله حلوه افكارش
واكيد الالعاب التعليميه مفيده بس التغيربعد حلو وعلى عمر الطفل اذا كان عمره 2--4 فالالعاب التعليميه افضل ومفيده بعد
يالله حبوبه راوينا عشان نستفيد من بعض لاتبخلي علينا

حلم الاحلام
تسلمي حبوبه

اني عكسش مااحب الشكلاته اوديه هديه خخخخ
احس بيتهم كل شكلاته هع
افضل المال او الهديه واحيانا فقط زياره تحمد بس واني متفشله لاني احب اشتري لو شي بسيط للنونو
والله حركات هذا الكتاب بس تشتريه اسدحيه لينا عشان نستفيد ونفيد اولادنا

سراب نور
حلوه بعد فكرتش والطقم مره يجنن ومفيدومتكامل كل شي فيه

انين الروح
ماشاء الله عليش افكارش حلوه
انشاء الله تروقي وتصوري لينا كان اتحمس وصوري باقي الالعاب

F-RAD
فعلا تحير
عشان هيك فتحنا الموضوع عشان نفيد ونستفيد من بعض
يالله شاركينا وقول لينا وش تفضلي من الهدايا؟؟؟

وتسلموا كلكم على مرورك الحلو

اني ماعمري هديت ولدانه الا مرة وحدة
و امي اللي ودت الهدية اني مارحت
اخذت لعبة للسرير من سنتربوينت
ماحب اخذ ملابس احسها اذواق
و الشوكولاته احسها للمستشفى خخخ
الفلوس بالنسبة لي افضل شي
يعني حمودي اغلب هداياه فلوس وداكو
جمعتهم له وسوو مبلغ ينفعوني اشتري
له اللي يحتاجة .. مثلا الالعاب حصل له
3 سياارات و لا ثنتين منهم يتشابهوا بقوة!
عجبني الموضوع كملوا افيدونا ^_*

شيري
حركات المبلغ اكيد بفيده واللعبه حلوه بعد ومفيده تلهي النونو شوي
والملابس صحيح اذواق بس احيانا تضبط خخخخخخخ
والسيارت حتى لومتشابهين الاولاد يموتوا فيهم وعليه بالعافيه القمر

حلم الامومه
الصوره مو طالعه عندي
بس عرفتها المجموعه اني عندي قصص بالانجليزي ناسيه كم سعرها وكم قصه لان من زمان ماخذتنها
وفعلا كتب جرير حلوه وتجنن حتى اغراضه المدارسيه نايس
ماكذبوا يوم قالوا ليست مجرد مكتبه خخخخخخخ متاثره

السلام ..
اهليين أمهات ..
الموضوع حليوو وإن شاء الله نستفيد منه
والصراحة جاي في وقته
لأني سألت قريبتي عن الهدية الي تبيها وقالت لي ...

عـــربة

بس أني صراحة مو خبرة لا في الأشكال ولا الأسعار ...ولا المحلات بعد
لأن ولدي بعد ماشريته له

فحبيت اتفيدووني وأكون شاكرة لكم

اي ..نسيت اقول ..ابغى العربة في حدود 200-250

نرجس
اممم من دوارتي على العربات.. تراولي اقل شي عجبني بـ 360 في هدية المولود.. وماركتها اعتقد graco اوشيكو مو متأكدة.. وعرباتهم ممتازين
المواصفات اهم شي تناسب من عمر الولادة وتستوي في عدة اوضاع يعني حق نوم وحق جلوس وان تكون سهلة الاستخدام في تغير الوضعية وطوايها وفتاحها
بعضهم يجي فيهم من تحت سلة او مكان اغراض وبعضهم فيهم مكان حق كوب عند مقبض الدفع
وكلما تزيد المواصفات يرتفع السعر وبعضهم غاليين وماتدري ليش والحين الجدد بعضهم يضيروا يواجهوا الام بس غاليين
ننتظر الامهات يفيدونا من تجاربهم

اهلين بسمة بريئة ..

مشكورة خيتو ..ورحم الله والديش ...واني اتوقعت ان أسعارهم فوق يعني من 400 -1000 ...ولا ..
المشكلة اني ماشفت شي اشترية ..لأن عندها لعبة السرير وجلاسية ومشاية ..
واني ماشريت لولدي لأني احس مابستفيد منها واني مو تبع طلعات وااايد ..
إذا أحد عنده إقتراحات لهدايا ايفيدني...

انرجس ...الهديه الى ولد لوبنت عشان نقترح احسن
كرسي الطعام احسه مفيد وعملي
واذا على العربه
اني مانصح الكبيره زي الموجوده في سنتر بوينت احسها شكل بس
بس في عربات في مذركير صغيره واعتقد سعرها 400 او بعد الخصم مو متاكده
احسها عمليه مره مع اني ماجربتها
لان حقتي كبيره وتزهق في الاماكن الضيقه
وانتي برحتك

موضوع حلو ومفيد

بالنسبة ليي أحب اهدي مبلغ من المال والأم تشتري على راحتها إذا كان المولود ولد
اما البنوتة ذهب هذي إذا من عائلتنا او صديقاتي

ولادتي بعسولتي جابوا لها عربة مع إني كنت مآخذه وحده بهذيك الحسبة فخليت ليها العربة الهدية في بيت اهلي وللسفر والأسواق المتنقلة وعربتها الغالية لتواجدنا في الشقة وحصلت ألعاب واجد ماشاء الله
حتى فيه متكررين
وبعد ولادتي بشهر تقريباً ولدت زميلتي وماكانت الميزانية تسمح إني أشتري شي او اعطي مبلغ فـ اقترحت عليي امي إني اودي الألعاب المتكرره

فطومتي حصلت ذهب وعلى نحلات ( فلوس ) بالصلاة على محمد وآل محمد
وفتحت لها حساب في البنك وحطيت فلوسها فيه .. وحتى العيديات على قولة ابوها نجمعهم ليها لين كبرت

حسيت افضل شي في الهداية الفلوس

/:/:/

بسمة بريئة
يدنن الكتاب
عليه بالعافية النونو وعقبال ماتشوفيه يلعب به ويكفسه

نرجس
فيه عربات أشكال وألوان
وحتى فيه بـ 250 بس ماتكون قوية
فيه نوعية ماما لوف أحسها حلوة وعملية
جابوا لبتي عربه من نفس هالشركة واستخدمها ليها في الأسواق المتنقلة تعرفي كيف الشوارع ورمل والحمدلله ماشي حالها ولما شفتها في بيبي ستايل سعرها 300

اهلين ..
مشكورين fho دموع شمعة ...
الهدية لولد ..
وياليت اللي شافت او شرت عربة في حدود 250 اتخبرني ...
واني حابة اشتري لابني كرسي الطعام ..وين ممكن احصل أشكال حلوه ...ومشكورين ع المساعدة

هلا خيه
شفت عربة في سنتر بوينت ب200وحاجة واربيعين مخفضة شكلها حلو روحي اخذي الش طلة مدام فيه تخفيضات
وهم في كراسي طعام اشكال والوان مخفضين
موفقة