ديوانيه .. سوالف .. فرفشه

موضوووع يهـبل هههههههههه

الله يهدي بيونة وتصير تنآآم وقت ماتبغيهـا تنام ههههه

اللحين تنآآم اكثر .. يعني سآآعات متواصلة لو ..؟؟

بالنسبة للثيآآب اني بعد ناوية اسوي تسوق عنيييف لـ احمد ..

اذا رحت وشفت بآقولش اذا فيه شتوي ولا لا ..

لـ الآن ماعندي خبرة ..

اني حمود بعد متعلم كل يوم الساعة 12 الليل يقتل روحه صيآآح مدري ليش ومايسكت اى بالوقفة وينكسر ظهر اقعد ساعتين امشي .. ويلا يلا ينام ويسكت وباقي اليوم يكون عادي .. مدري وش فيهـ ؟

السلام عليكم والرحمة

كيفكم ؟ شخباركم؟

وحشتوووووووووني وايد وحشني التجمع والسوالف معاكم..

طبعاً اخباري ولله الحمد تمام التمام دايم اسأل نفسي عنكم مدري شخبار البنات

انا نزلت المدينة عند اهلي قبل التاسع باسبوعين الاسبوع ال 34 بعدها كنت اتابع الحمل في المدينة بس ولادتي كانت في غير موعدها اتقدمت اسبوع فاجأتني بصراحة بس الحمد لله كنت مستعده ومجهزة الشنطة

نزلت معايا مويات وانا نايمة بدون مقدمات صحيت الماما ونادت اخوية من برة ورحت المستشفى كان وقتها الساعه 7 ونص الصباح يوم 26 رجب طبعاً الموية كانت سيل وكل مالها في زيادة .. وكانت الدكتورة الغبية كل شوية تكشف عليا تقولي مفتوح الرحم 1 سم بعد كذا جاني طلق قوي بس برضه مافي تقدم مع اني كنت اشك ان الدكتورة كذابة لانها تكشف عليا وتروح ماتقولي شو صار مع اني انادي واسالها لكن هي والجدر واحد بعد كذا جا استشاري وقلي لازم عملية لانه الموية كثير والطلق قوي ونخاف العملية الاولى تفتح خلاص انا تعبت ابغى اي شي يرحني وافقت ودخلت غرفة العمليات نجي للمرضة الغبية تخيلوا وانا اتالم وتعبانة وهي تقولي عندك عمليتين الحمل الثالث لادخلتي التاسع روحي المستشفى يحددولك موعد للعملية عاد انا لمن سمعتها تقول كذا صرخت زي اللي اقولها سدي فمك انا مو ناقصتك المهم ولدت وجبت الامورة دانية وبعدها جلست في المستشفى اربعه ايام بس بصراحة تعبت اكثر من لمن ولدت بولدي احمد العملية تعبتني هذه المرة

جلست شهر طبعاً الناس يجوا بعدها زرت (اروح حرم الرسول) نقولها زيارة زرت ليلة رمضان

في رمضان كل يوم خرجات نروح نفطر عند اقاربنا واحضر مجلس الدعاء وسوق صار عندي بنوتة عاد لازم اتعب شوية..

بعد كذا استقبلنا العيد بنوتتي اول عيد لها لبستها فستان وولدي دقلة هندية ... بعد العيد كان في مناسبات كثير منها زواج بنت عمتي على واحد قطيفي

طبعا كنت انام كأني اول مرة انام في حياتي طاح عليا نوم موطبيعي بعدين رجعت الرياض طبعا لاني ناقلة بيتي الجديدكل شي مغبر نظفت غرف النوم وغسلت وانتوا بكرامة الحمامات وبعدها كنت اخرج كل يوم عشان اسوي دولاب مطبخ واخيرا خلاص قررت على شي وسويته وقال يركبه بعد 10 ايام .... زوجي دوامه في الليل ونجلس لوحدنا انا وعيالي وتعرفوا عشان البيت جديد عليا اخاف انا لوحدي صايبني قلق كل شوية اصح ودانية تبغى ترضع وحااااااااااالة مع النوم ولدي ودانية يناموا العشاء ويصحوا الصباح

وانا دحين ارضع دانية واكتب وسامحوني على الاطالة هذه اخباري باختصار خلال اربعه اشهر غياب عن المنتدى....

جمولة
تقولي بدون سوالف حمل وأطفال.. ههههه
بس غصب عنش تجيبي طاريهم مادام قاعدين لين وسط حلوقنا وقلوبنا الله يخليهم

والله شتوي اني افكر اقضي لنونوي السنة الجاية هههه الله يبلغنا على خير
والملاحت تقريبا كلها نزلت البضاعة الشتوية.. وعندش تخفيضات حلوة في نكست على بعض البضايع وفي من ضمنها كم شغلة شتوية

سكون الليل وحشتينا الصراحة
مرة قهرتني الممرضة الذكية اللي قاعدة تنصحش في الحمل الثالث تحددي موعد.. مرة فاضية .. انتين في ويش وهي في ويش
ومبروك عليكم زواج قريبتكم والسكن الجديد

الله يخلي صغاركم وربي يهديهم

اني جديدة توي اليوم مسجلة معاكم وماأدري كذا دخلتو قلبي كأني اعرفكم من زمان وعجبني المنتدى بالمرة الله يعطي كل القايمين عليه والمشتركين بعد العافية
وكنت أدور على منتدى كذا خاص بنا كاأمهات بالذات قطيفيات أني مصورة بس الحين اشتغل على التصميم بس وعندي بنوتتي تقوى فقط اليوم صار عمرها ستة أشهر ونسي أعرف اي شئ يخليني اربي بتي صح مع انها بعدها صغيره بس دلوعة وعنيده حدها مجننتني

حياش الله أم تقوى
ان شا الله تستفيدي ويانا

ياهلا وغلا سكون حبيبتي نورتي الديوانيه

لك وحشه يالقاطعه ولاتقطعينا هالكثر عاد هههههه

تصدقي مو من زمان جيت رحت المدينه كنت افكر واقول في وحده ساكنه بالمدينه

بس ماكنت اتذكر من طلعتي انتي

ياحظك كنتي ساكنه بالمدينه وربي روووووووووووعه

بس انتقلتي للرياض ماكان ودك ماتطلعي من المدينه؟

مبروك السكن الجديد وزواج قريبتكم وحياك الله بينا غناتي

بسمـه بريئه

اقتباس :

جمولة
تقولي بدون سوالف حمل وأطفال.. ههههه
بس غصب عنش تجيبي طاريهم مادام قاعدين لين وسط حلوقنا وقلوبنا الله يخليهم

صدقتي والله ههههههههههه

اما عاد لازم تددقي يعني خخخخخخخخخ

يعني ياغناتي قصدي سوالف بكل شي موووو بس عن الحمل والاطفال

يعني عن طلعاتنا سفرتنا تسوقنا واللي بقلوبنا بكل شيييي

طبعآ احنا مانستغني عن الكتاكيت وسوالفهم الحلوووووه

ونورتي الديوانيه بسمه غناتي وربي يسهل عليش غناتي

حياش الله بينا م تقوى

نورتي الديوانيه غناتي

انتي مصوره تتعلمي ولا من زمان مصوره؟



وحياش الله بينـا مره ثانيه غناتي


برجع لبسمـه

تصدقي قاعده افكر يوم قلتي السنه الجايه بتقضي شتوي للنونو

واقول ليش السنه الجايه ؟؟؟؟؟

مو هالسنه ووش بتلبس النونو اذا جة الشتى ؟؟

طلعتي حامل مانتبهت ههههههههههههه

لا شوفي اني مفهييه وبقووووووووووووووووه بعد كاتبه لش بالرد الاول

ربي يسهل عليش هههههههههههههه
هههههههههههههههههههههههههههههههههههههه

صدق مفهيــه

فكرة حلوة نفضفض مع بعض ..

راجعة ليكم ...

بسوالفي ..

مشكورة عيوني بسمة بريئة وجموله اني لي تسع سنوات وتخرجوا من تحت يدي مصورات واشتغلت في حواء وبعدين في ضوء القمر وهذول اللوحات اللي على ضوء القمر تصميمي

مره حلو الموضوع جموله كيفك وكيف بيان؟؟

سكون الليل كيفك الحمدلله على السلامه واخر مره تقطعي خلك دايما منوره المنتدى

ام تقوى اهلا وسهلا فيك منوره

جموله اكثر المحلات منزلة شتوي بس متى يصير الشتا احس باقي واجد عليه ؟؟؟

لي رجعه ....

سوالفكم حلوه وتجننننننننن
اما اني حالتي غير عنكم
من رجعت الشقه سيودي نوومه خراابيط ينام 11 الليل ويقعد 1 اخر روااقه وبعدها يضل صااحي لحد مايروح ابوه العمل
وطبعاا طلعة ابوه يسوي وقعه يبي يروح معااه العمل ويفقع راسي على ماينام متعبني اكثر من الصغيررر

اما اني نفسيتي كللش راايحه ملح كني اول مره اولد كله تفكير وقلق كنه اكتئاب
ومااقدر على الاكل ولا على ريحته تلوع شبدي كني اتنسى بعيد الشر عني خخخخ
وكله صيااح وتفكير ماتوقعت الحياة صعبه مع طفلين
ابغااهم بس متى يكبروو
خصوصااسيودي لو يتعدل نوومه اشوي برتااح

سوالفي عفر كلهااا معاناة اسم الله عليكم

حلم الامومه

اقتباس :

فكرة حلوة نفضفض مع بعض ..

راجعة ليكم ...

بسوالفي

انتي احلى يالغلا

واحنا بإنتظـارك غناتي

اقتباس :

مشكورة عيوني بسمة بريئة وجموله اني لي تسع سنوات وتخرجوا من تحت يدي مصورات واشتغلت في حواء وبعدين في ضوء القمر وهذول اللوحات اللي على ضوء القمر تصميمي

اممم حركاااات

طيب انتي حاليآ تصوري او لا

اقتباس :

مره حلو الموضوع جموله كيفك وكيف بيان؟؟

جموله اكثر المحلات منزلة شتوي بس متى يصير الشتا احس باقي واجد عليه ؟؟؟

لي رجعه ....

هلا وغلا غناتي روزانا

الحمدالله تمام انتي شخبارك واخبار القمور؟ وش اسمه ولدك؟

وعلى الشتى حتى لو طول ببدي اشتري من هالشهر والشهر الجاي اكمل

لين يجي الشتى عدل الاا جمعت ليها ملابس شتويه عدل

اقتباس :

سوالفكم حلوه وتجننننننننن
اما اني حالتي غير عنكم
من رجعت الشقه سيودي نوومه خراابيط ينام 11 الليل ويقعد 1 اخر روااقه وبعدها يضل صااحي لحد مايروح ابوه العمل
وطبعاا طلعة ابوه يسوي وقعه يبي يروح معااه العمل ويفقع راسي على ماينام متعبني اكثر من الصغيررر

اما اني نفسيتي كللش راايحه ملح كني اول مره اولد كله تفكير وقلق كنه اكتئاب
ومااقدر على الاكل ولا على ريحته تلوع شبدي كني اتنسى بعيد الشر عني خخخخ
وكله صيااح وتفكير ماتوقعت الحياة صعبه مع طفلين
ابغااهم بس متى يكبروو
خصوصااسيودي لو يتعدل نوومه اشوي برتااح

سوالفي عفر كلهااا معاناة اسم الله عليكم

انتي احلى غناتي

مابترتاحي الا اذا الجهال عدلوا نومهم

الا بسألك كم عمر ولدك الصغيرون؟

وبالعكس يالغاليه سوالفك مافيها شي فضفضي

اللي بقلبك

ياهلا وغلا بجموله القمر

ولدي اسمه عبدالله

اناهيد على سالفة الاكل زي حالتي يوم ولدت مااقدر على الاكل اعظم من متوحمة

الله يعينك ويتعدل نوم الجهال

اففففففففففففف
كتبت هدره وش طولها والحين راحت

>>>عصبت
مره ثانيه بجي اسولف وياكم

جمووله الكبير سنه و10 شهور
والصغير شهر

جبتهم على بعض اللهم لا اعترااض بس تربيتهم متعبببببببببه
خصوصاا ان الكبير لسه صغير ويحتاج حنان ورعايه خااصه ويغاار من اخوه على قلبي سيودي كااسر خاااااطري عدل
قبل لا اجيب اخوه مانام الا هو حاضنني احين ماينام الا بتهديد وصريخ
الله يهديهم هالجهال يجننو ويكسرو باالخاطر

الله موضوع يجنن صدقتو خلونا نطلع اللي بقلبنا ..

اني هداني ويا هالجهال بنون مطلعه ليي قرون تنام المغرب نص ساعه وهالنومه تكفيها للفجر ل 4 او 5 وهي تتنطط على السرير وكل شوي بتحب اخوها وتضرب فيه وترفس فيي وجايجها اللي ما تخلص شوي تبغى ماي شوي جوعانه شوي حلاوه وخلنا نخلص على ما تنخمد ..
وما لحق تغمض عيونها واحط راسي على المخده الا قعد حمود وخلني اخلص عاد اصير مفهيه ابغى انام لو ساعه متواصله ..

وسالفتي ويا هالنفاس اللي مو راض يخلص انا بولاداتي السابقه لما اكمل شهر اطهر ويوم الأربعين تجيني الدوره وخلاص اما هالمره ما طهرت ويوم الأربعين نزل عليي دم قوي والآلام دوره قويه يومين ووقف وصار ينزل اصفر بعدين بني واليوم نزل مني د واجد ولاني عارفه حتى اقول يمكن التهاب في احد صار له كذا ؟؟

وي كأني هدرت واجد عفر .. بس اسمليت من هالأستحاضه الي مو راضيه تخلص بكمل شهرين واني بعدني ..

كيفكم أمهات شو أخباركم

ياعلي ما ني قادرة اليهالو قاعدين من 8 الصبح

صاروا دياي زي أبوهم ناموا البارحة من الساعة 11

وأني على ما خلصت شغلي نمت وحدة

وكل شوي واحد يصيح وأعطيه مرضعته

يعنو قعدت 5 مرات عفر

ومتعلمين يشربوا نص الرضعة ويناموا ويقعدوا بعدها بساعة يزنزنوا

متى نفتك من هالمراضع

قعدت وسبحتهم وخلصت شوي من شغلي على اللاب

وإذا على الكرش بالنسبة لي مأساة لأني اعاني من القولون

وداكو بطني منتفخ كاني حامل ...

بالنسبة للملابس الشتوية اللي أذكر اللعام لين ذو الحجة حر موت فطسة

وعندي ثياب من التخفيضات اللي فاتت للحين اليهالو مالبسوها صارت كبيرة

لأنه ثبت وزنهم وطالعين قزمان ..

وداني أفكر أمر التخفيضات مع اني كنت مخططة هالشهر ما أشتري ثياب

خصصت الميزانية للمكتبة باروح جرير وأشتري لي ولليهالوا كم كتاب ...

الله يعينكم أمهات اللي عندهم اثنين ..حماتي ولدها مستجن ويكفخ في الكل

وداكي داير راسها وياه نصحناها بما انه عمره 3 سنوات توديه روضة

وقررت توديه روضة مسائي تريح منه شوي ..

بس هدرت واجد برجع ليكم في دوام المسا خخخ

تسلمو حبايبي على ترحيبكم كويس مانسيتوني قطعت عشان الاب توب لعبوا فيه بنات اختي واني والدة في المستشفى واخترب ولمن رجع زوجي الرياض اخذه يصلحوا...

جمولة حبيبتي نورتي المدينة وتقبل الله زيارتكم

احس لسه بدري على ملابس الشتاء تونا طالعين من مصاريف العيد والنفاس وابغى اسوي دولاب مطبخ وافرش بيتي بعدين افكر في ملابس الشتا بس تصدقوا كل ما اشتريناها بدري افضل لانها اول باول تخلص من السوق بالذات في الرياض... عاد انا السنة اللي فاتت اتمقلبت في ملابس الشتاء عشاني كنت حامل واتوحم مالي خلق للسوق رحت اخذت لولدي من مركز عادي بس كلها اختربت قلت الحمد لله ما اخذت كثير

اما دحين عاد عندي بنوته وصغيرة ابغى اتعب في السوق شوي...

يالله عندي شغل لليل في البيت تخيلوا معايا الوضع ناقله بيت جديد ومافي دولاب مطبخ والمواعين في كراتين ومغبرة لازم لها غسيل ادعولي يتسهل الدولاب مرة مزهقني البيت وهو كذا ...

يلا اني الحين بخرج عندي كوي شكثره وعندي سوالف شكثرها الجلسه معاكم ماتنمل

يلا نراكم على خير....