الفوتشيني
١ كيس مكرونه مسلوقة
الدجاج ٣ صدور مقطعه ومخلوطة مع ملح وفلفل و اوريغانو وملعقة زيت زيتون ونخليها شوي لين تخلصون تقطيع وتجهيز الصلصة
الخضار ، بصلة متوسطة شرايح ضعيفه
فليفله خضراء وسط مقطعه مربعات
شوية كزبرة ونعناع مقطعين
فطر مقطع ، بروكلي مقطع
الصلصة البيضاء
١ مغرفة ( حق الشوربة ) طحين
١ مغرفة حليب بودرة
٢ غرشة ماء ( انا الاغراش الصغار حق نوفا )
١ علبة قشطة
ملح وفلفل اسود واحمر واوريغانو وماجي
تخلطونهم وتحطونها ع النار لين تستوي ولما حسيت ثقيله زدتها غرشه تخلونها سايله مو كثيفة مرة وخلوها ع جنب
نشوح البصل مع الزبدة لين يذبل ويصير ذهبي
نضيف الفطر والفليفله ونقلب ونضيف البروكلي والكزبرة والنعناع ونقلب واخر شي الدجاج نقلب شوي وبعدين نصب الصلصه ونخليهم ع نار هاديه كذا ٥ دقايق ، ونضيف المكرونه ونقلب ونحط اخر شي موزاريلا
١ علبه صغيرة قيمر
١ علبة صغيرة كريمة طبخ ( المراعي )
ونقلبهم وع طول في صينيه ونرش موازريلا واوريغانو وفلفل احمر ع الوجة ونحمرها بس وبالعافية