ديوانيه .. سوالف .. فرفشه

غلا
لا والله صرت اقدم سااعة
والحين بااروح انخمد تصبحي على خيير يالغلا

هلا جيتكم
توني رحت انام الا الآنسه ميمي قعدت اوف
وطار مني النوم
داني وجع في راسي
وتوحمت على حلى
ابغى دانه كيك او عصيده

صباحكم صباحين صباح الكحل في العين ...
هلوووووووووووو مادرات ...
نغب يوم نحس فيه شئ ناقص في الحياة ...ما نستغني عن هالديوانيه ..

فدوكه ..

هلا يالقمر ...وخفة الدم ..الشر ما يجيش ..
بالنسبه الى الفقرات .بيسوى ليي علاج طبيعي ...سلمش الله .
والعطر حليو مره ..يصلح الى العباة .......وسجادة وحرام الصلاة ..
ويش رحتي نظمتي الدوره ..

جوان ..

جوعتش امس واليوم جوعتينا بهالاكلات الطيبه ..انتون غداكم فاهيتا احنا عشانا
وطلعت لديده مره ...
والعطر 190 وريحته حليوه ...ايه وعلى سبايسي الى في صفوى ايام الجبيل لازم كل ليلة سبت نشتري
من عنده سفري وناكل طول المشوار ..لان نوصل وعلى طول نوم ..(مانروح الى متأخرين )..مع انو زوجي ما يحبه
بس يروح له علشان صديقه يشتغل هناك ..

شيريه ..

الشر ما يجيش غناتي ..
حقش فيه العافيه البطاطس ...ولو انو بطاطسهم مو شئ ..بس يالله ..
اني بقدي ما حب سبايسي ريحته دهنه واني ما حب الدهنه ..بس اولادي يموتو عليه ..
ولا عاد سامي ادا اسأله وش تبغى العشا على طول يقول سبايسي .
وعليش بالعافيه الكبسه
اكيد طبخ الوالده ما عليه كلام ..اني بعد احب كبسة امي ..واحاول اسوي زيها ما تظبط ابد
مادري ليش ..وشكله غدانا اليوم كبسة لحم ..

وعلى الرجال قليل الادب ..
من شافني اسأله عن العطر ..وحسيته دايب ..خخخخ..شكله غلطان
قام يهلي .ويامرحبا ..ونورتي المكان ..وامري ودللي ...العطور كلها عشانك والله .
واني ماني قادره ...خايفه ...ما شغلتي الى اتلفت يمين يسار .....خايفه بعلي يجي
واني استنى للفلوس ..جهز العطر ..وقلت له بستنى بس للفلوس ..
قالي لاو الله تاخديه بدون فلوس ..اني ..تباعدت شوي خفت ..
عود قالي حلفتك بالله تاخديه ..واعطيك زياده عليه عطر جديد توه نازل ..خلاص قلت الرجال ده منتهي .هو مو من جماعتنا .
..وديلاك معروف عنهم عيونهم زايغه بزياده ..من صاقعه ..تصقعه الخايس ..
تركته وتباعدت ...خفت مره ...عن جد وصخ ..وبعدين عطيت سامي المبلغ وجابه ليي ..
.
اسرار قلبي ..

اولا حمدلله على السلامه ..في كل مره باكتب وانسى خخخخخخخ
الله يسلمش غناتي والشر ما يجيش ..
ايه البخور حليوه ريحته مره بس عيبه على طول يحترق ..
من بخرت البيت امس على طول اولادي وش هالريحه خنينه ..
ولا عاد مهدي كريه يتحسس الى أي ريحه ...وادا احط من معطرات البيت يصم خشمه ما يحبهم
واستانست يوم عجبه ده ..
اني رايي تشتري ليها فستان ناعم احسن بواجد من منفوش ..شوفي زارا مره رهيبين فساتين الاطفال ..البيضان .
.وعنده صنادل وجزمات كشخه مره ..من حلاوتهم تتحيري وش تشتري ..
اهم شئ ادا شريتي صوريه نبغى نتمقل ....ههههههه

ف.ه.و

الله يعافيش ..وترى حليوه انصحش تشتريها المجموعه ..

ام بنانه ..

رحت العصر قريب الادان مره ..بس اني ما كنت حامله الكيس كان عند سامي ..خخخخخخخ
مو بس اني الى اشتريت ..كان فيه وحده بعد اشترت ليها هههههههههه
وعليكم بالعافيه على المندي ..

جموله ..

حمدلله على سلامة اوخيتش ..تتربى في عزهم ودلالاهم .......

ام حيدر علي .

يجنن فستان كوثره الحلوه ...تمنيت اشوفها لابستنه ..
امي ومرة اخوي بيروحو الزواج على خير ..
طلعت امي تعرف خالتش .....
وما يشوف شر القمر حيدور ..الله يقومه بالسلامه انشاءالله ..

جنه ..

سلامات ما يشوف شر وسوم ...وشخباره الحين ..
كيف طاح من نايبه ..
الله يعين عاد الحين فترة امتحانات ..
اخر السوء انشاءالله ..

امس بعد ليوله .. طاحت ليها طيحه شايده على عمري ..هالهبل سميوه معلقنها فوق الكبت في المطبخ
وتباعد عنها ..وكان في ايدها بسكوت وطاح من عندها ..ومن هبالتها فلتت روحها عليه وطاحت من فوق وعلى طول
على وجها واني اطبخ ودرت وشفت طيحتها ..ياعلي عورت قلبي عدل ..والله دمعت عوايني لا شعوريا .
واحملها وهي ما عندها هوا ابدا فاطسه ...واني امسح عليها ..واكت ماي في وجهها ابغاها ترد هواها شوي
خلعتني البارحه خلعه مو طبيعيه ..قامت تتراجف وهي تصيح وشفايفها ما وقفو ..كأنها بردانه يتراجفو عدل
وتركت العشى يولي ..وما خليت سبه ما سبيتها من حرتي ..وخديتها وحظنتها واهدي فيها ..واني اطالع في وجهها
خايفه انكسر شئ ...فيها ..طيحتها على السراميك النحيس ..وتنفخ خشمها وعند شايفها ...
وبعدين صارت كل شوي تعوج بوزها على جنب ..خفت عدل عليها ...وقريت عليه ايات وطلعت صدقه ..الحمدلله بعدين هدئت
وقامت تلعب شوي ...هالجهال ربي يحرسهم يارب...

ام ريمي ..

الله يسلمش ..وادا سويتيها المقطعيه خبرينا عن النتايج ..اني متخوفه منها ..
هي شكلها لحالها تخوف ..وكيف بعد اكون فيها ..
ما تشوفي شر ..
شحوال ظهرش الحين صار احسن .

بسمة طفل .

الله يتمم لش على خير يارب ..
وصدقتي الفتايا عسل ..
البارحه بس اسأل بعلي .. منوا حسن عندك البنات ولا الاولاد ...قال من دون منازع البنات
ارق واحن بواجد .....

غلا ..

تسلمي قمر ..و محل العصير ..شكلي ما لحقت عليه ..الحين الجبيل صار فيها محلات واجد
مو زي قبل .. ادا بغينا نتعشئ في مطعم راقي ما عندنا الى اليخت ... مممممم صار نفسي في اكله ..
اكيد جربتوه ...هالمطعم حفظونا الكرسونات من كثر ما نروح له ..خخخخخخ

ويه ما ورى عليي اخلص الواجب ..>
يالله نخليكم ...نقوم نتفتل في منتدى ثنابث الحين ........

جوان
جوعتينا من صباح الله خير<<<نايمه بدون عشاء تسوي رجيم للكرشه خخخ
امس من الزهق رحت بيت ابوي وقمت سويت ورق عنب لينا وبروستد روبيان لابونا
وجيت سبحت الجهال وقلت بانزل الصور بس ماني عارفه انزلهم من الايفون وزهقت اكثر<<<الي تعرف تعلمني
من قبل بس اشبكه تطلع الصور الحين موراضيه أهي اهي
<<< قصة حياتها
والغبره لعبت لعب في ألصاله مع ان النوافذ مسكره باقوم أنطفها وبعدين أحاول في الصور
جموله
حمد الله علي سلامة اختش تتربي في عزكم
شيري
خلاص مابنزلها خخخخ<<<الايفون مو راضي ينزلهم أهي اهي

صبا الخيراات
جوان
ياعلي اشتهيت كل شي من الصبح عليهم بالعافيه عيالش على مرت ولدهم الطباخه متى بتعزميني اجرب طباخش

شيري
الله يعينش على التنظيف اني بس ساعه والشقه اتدحنت
شكله وحامش فيش بنيه احس نفس الاشياء الا شتهيتها واني حامل
الله يسهل عليكم في وقتكم واهم شي السلامه

جوان
لاتتنيحسي عليي خخ طول عمري احب المخلل
حتي يوم كنت صغيرة احسد بيت عمي ابوهم
يجيب ليهم مخلل خيار وأبويي يجيب لينا المنوع
خخ جنوني الخيار المخلل بعدين جاب لينا وحسيت
انه يوم العيد لهفته لهف < قصة حياتي
تحملي الحين احسن عندش أني اواسيش ههه
:
غلايو
صدقتي هالمنتدي مافي منو الله يخليه لينا
:
ام ريمة
تتوحمي عفر حامل واحنا ماندري هع
:
ديوله
نايبة تخمه قليل الحيا لو أني منش ما اشتري لو يموت
اصلا من اول حركة أني منحاشة وع عليه
حمستيني لهالبخور لكن وسبايسي أني أموت عليه
مع ان صدق ريحته دهن ههه

ف ه و
يو بروستد و ورق عنب من اكلاتي المفضلة جان عزمتيني
زين لش داني توحمت ههه عليكم بالعافية
ما اعرف للايفون
:
اسرار
اي والله شكلي برجع للشقة الا هي سمادة من الغبار
و يارب يطلع وحام بنوتة ما بقي واجد عشان يبين الجنس
:
ديارا
عدلتي ردش عفر ماتشوف شر ليوله عورت افادي هالقمرة

جموله

الحمد لله على سلامة اختك وتتربى بعزهم ودلالهم ويجنن اسم زينب

فدوكه

قمر بيونه ماشاء الله ومع ان الصور بعيده بس شكلها تشبهش عدل لان احسها فيها شبه واجد من بيت اهلش

ويالله تحركي روحي المستشفى وتطمني على حالك

شيريه

ان شاء الله تجيبي بنوته لاني في حملي توحمت على موالح على الزيتون الاخضر لكبار قودي غرشه رايحه وغرشه جايه خخخ

جوان

ماشاء الله عليك ياشمعه فنانه وعليكم بالعافية


جنه

مايشوف شر وسام والله يعطيه العافية وان شاء الله اخر السوء

مساءكم فل وياسمين

توني صاحيه من النوم بوصول زنوب من الروضه
ولامانمت الا الصبح
الله ايصبرني مادري كيف الحياة صعبه
شكلي بروح بيت اهلي

صحيح ديالا
لو بحضر العرس كان بغصب عليش تروحي منهي امش بس لقافه خخ
والله يسلمك من الشر

جنه
مايشووف شر وسام والحمدالله جت سليمه وربي سلمه بالغه فيه معرس ان شاء الله

شيري
موتيني من الضحك ترى على لمخلل حسسد مره وحده هههههههه
زين جاب لشش هع
وتعالي احس متابعة الزهراء اخرطي حتى اني يوم كنت حامل بفطوم ما ارتحت وياهم
اول مارحت ليهم ابغاهم يعطوني حبوب دخلت على وحده اسمها رندا
اتقولي وش فيش قلت ليها حامل
قالت لالا ماينفع هالكلام لازم تحليل قلت ليها سويت تحليل فالبيت وعندي صورته ههههههه تبغي اتشوفيها
قالت لا
وحللت كم تحليل تالي ارجع ليهم علشان ايقولوا لي مبروك حامل خخخخخخخخ كاني اول مره احمل بهايم عدل
يبغوا يستغلوا الواحد عدلللل

جوان
تسلم الاياااادي توني ماكله حلقات بصل والاكان نتفتش خخخخخ
عليهم بالعافيه اعيالش
تعالي كان اخذتي صوره قريبه للاقماع له
وكيف حشيتيه ؟

ام ريوم
الله ايعينك الحال من بعضه اني اشتغل شفتات ناس اتنام وناس تقعد واني الا اكلها

بسمه
الله يعطيش العافيه وايسهل عليش

ريشة
حياش وويش اخبارش غناتي

غلا
زين جيتي الديره غيرتي جو جنب الاهل وانبسطي انتين وسيود
وهادي الاشاعات ماترحم احدخخخخخخ

جموله
كيفك وكيف بيون الحلوه ؟

ديالاا
عليش بالعافيه على العطر والبخور

هلا ام زنوبه

الحمد لله بخير ويش اخبار البنوتات والله يعينك

اني عندي وحده ومجننتني ومطلعه لي قرون تنام وتقعد وياي حتى لو انام ساعه وعلى اقل حركه تقعد حتى لو اعدل نفسي على السرير تقعد وطول اليوم لزقه الله المعين

ديالا

سلامتها ليوله وماتشوف شر والله هالجهال عليهم حركات وعليش بالعافية على البخور

وشكلي باجربه محسوبتش مجنونه عطر وبخور

-------

https://pregnent.yoo7.com/viewtopic.forum?t=854