ديوانيه .. سوالف .. فرفشه

ياعلي صارت سبع باقوم انااام
نشوفش على خير ام زناب القمر
وهذي لش لانش غيرتي نفسيتي للاحسن

بايــ بايــ ’’

ام زناب
بالعافيه السمبوسه
وانت بصحه وسلامه وسمانه
حرام عليش اقولش ابغى اضعف اتقولي ادبب
جميعا لكن يارب

شيري
اللي حاطة صورة اسيا بنت عاصي خخخخخ
لابسه قبعه حمرء بعد
وان شاء الله يتغير عليكم الحال الله ايعينك
انا زوجي ايروح العمل ويرجع وازهق
واي اي سوي له مفاجاه غناتي

غلا
هلافيك نورتي وحشتينا غناتي
وعليش بالعافيه على الطفرات خخخخ
وانتي بخير يالغلا
اسرار
اي بدعي لش بالمتانه لعبتي عليي خخخ
وطلعتي رشيقه واني القنبله

يالله برووح انام ورانا طبخ ونفخ

صبااح الخير
قاعده بريك وباارجع انام الحين

ام زنااب
ان شاء الله تعجبش وتعطينا رايش
الحين بااحط الكيكة

ف ه و
يو عاادي حماتش اختش خالتش اهم شي اقرب الش
والحين بااحط الكيكة

شيريه
على عمر العدو
روحي عدلي الشقة بتتغير النفسية اكيد
الله يرجع ابو حمني بالسلامة وتعيشو اجواء رمضاان
والله يغير حالكم بحسن حاله ياكريم

غلاويه
عليش بالعافية الهياته من بيت لبيت
حليوة الهياته للنسايب والولدانات عندي لستة هاالشهر حق ولدانات
وانتين بالف خير ياارب والله يعوده على الجميع بصحة وسلامة

تفوحة
تفضلي عليها غناتي
اسوي الش مخصوص لان هااد خلصت علينا بالعافية

تفضلو صورة كيكة قشور البصل



الطريقة لو احد بغى يجربها يمكن ماادخل في رمضاان وااجد تعرفو شهر الله وان شاء الله الله يقدرنا على صيامه والقيام بطاعته والله يعوده على الجميع بصحة وعافية
تفضلوا ترى خفيفة وحلوة

كاس ونص طحين - نص كاس سكر - 4/3 كاس زيت - علبة زبادي - 3 بيض - ملعقة bb -
ملعقة فانيلا
تخلط كاالمعتاد وتوضع في الفرن
ونعمل الطبقة الثانية المكونة من (علبة حليب سائل الصغير ابو 250 مل - كيس كريم كرامل )
يذوب وبعدين على النار نحركه وعلى طول نضعه على الكيكة بعد الاستواء
ونعمل قشور البصل المكون من 3 شرائح بف باستري محمرة في الفرن ونفتتها وتوضع فوق الطبقة الاخيرة
وسلامتكم

صحيح قبل لااانام
عندي هاالصورتين في الجوال
متعو ناظريكم نيههههههاي

تبولة حامضة ولزيزة والكل يعرف يسويها الا اني هع
عااد الله يعين المتوحماات



باستا لزيزة قدن
والطريقة خربطي اي شي وتطلع احلى باستا

كل عام وانتو بخير امهات

جوان

ويش هالحركات يافنانه عليكم بالف عافيه وجربت كيكة قشور البصل من قبل مره لذيذه

والله يعطي حسون العافيه اكره شي النزله المعويه ولاتدعي على حالش ترى بتنندمي وخاصة النزله المعويه

شيري

هلا بام حمود والله نفس حالتي احيانا يجيني شعور شوي وبصيح مادري الى متى بنستقر زي الناس وحتى

بتي صارت تكره الشقه ولاتبغى ابوها وتقعد خميس وجمعه كل تصيح وتبغاني احملها

جوان
مشكوره على الطريقه شكلها حليوه باجربها
بس الحليب ابو قوس لو طازج زي ريان والمراعي

نسالكم الدعاء جميعا في الشهر الكريم

مساء الخيرات
اكلمكم من المطبخ مباشرة هع

جوان
مشكوره غناتي على الطريقه اذا امداني اليوم سويتها
وويش هالحركات والتعذيب الاحاطتنه هههههههههههه

ريشه
وانتي بخير غناتي
ثوب بنش الافالصوره زي بنتي بس من زمان انا شاريته من اكسسواريز

والله ايغير حالكم انتي وشيري ام سيد محمد للاحسن بحق هالشهر الفضيل

مساء الأنوار

أول شي متباركين بالشهر الله يجعله مقدم خير علينا وعليكم

ويتقبل منا ومنكم صالح الأعمال



البارحة توقعت ناس وااااجد بيجوا الى سفرة أم البنين وكنت خااايفه أن المكان ما يكفي لهم

أو أن يصير شي وأتفشل مع الناس

طول الليل كوابيس اتخيل أني اعزم الناس على يوم وماتجي الملاية وتقول لي أن اتفاقنا يوم ثاني هع

آخر شي عدّت على خير واللي حضروا قلييل الأكل والوجبات الى 70 واللي حضروا 20





لكن القراءة كانت ممتازة ووالجلسة بعد القراءة حلوة

استانسنا واجد والحمدلله دين وانقضى



الليلة برجع مع حل الواجب

جوان

ما قدرت ما أرد لما شفت الصور

وش هالحركات يعنو .. الله يهديش

أني ما أعرف أسوي تبوله لكن أموووت فيها .. الحمدلله اتصلت على أمي وقالت اليوم بتسوي





شيري

اليوم أفكر وش اسوي للفطور وذكرت أني ما كتبت لش طريقة الداوود باشا



عذراً على التأخير غناتي



الكفتة:

نص كيلو لحم مفروم - بصلة صغيرة - فليلة -فص ثوم - بقدونس - 5 ملاعق طحين - بهارات - ملح

نغسل اللحم ونضعه جانباً يفرم البصل والفلفل الأخضر والبقدونس والثوم المهروس في محضّرة الطعام ثم نضيف له اللحم والبهارات (بهار مشكل - كاري - فلفل اسود - قليل من الكمون - ملح) والطحين وندخله الثلاجة



الصالونه:

بصل - طماطم - جزر - فليفلة - بطاطس -فص ثوم - مكعب ماجي - بهارات - ملح - معجون طماطم

نحمص البصل في قليل من الزيت حتى يصبح ذهبي نضيف عليه شرائح الجزر ونقلبه معاه ثم نضيف الطماطم الى ان يذبل وماجي وبهاارات والصلصة .. نرفع النار ونضيف الماء تدريجياً حتى يصل إلى درجة الغليان ثم نضيف البطاطس والفليفلة والثوم ويغطى على نار وسط لمدة ثلث ساعة



نكوّر اللحم ونقلية ثم نضعه في صينية بايركس مع خضار الصالونه وثم الصالونه < موتغرقيها

يا دوب تغطي الكفته الى النصف أو أكثر شوي

وبعدها نحط عليها البقدونس المفروم

نغطيها بورق قصدير وندخلها الفرن على حرارة متوسطة 150م أو 350 ف لمدة نصف ساعة

ويقدّم المع الخبز أو الرز .. وعليكم بألف عافية



الكمية كبيرة على شخصين أني كنت أسويها نفس هالمقدار في بيت أهلي للعشا

و سويتها مرتين بعد الزواج وصرت أشيل نص الصينية إلى بيت أهلي

<

الثوم ما يدخل شقتي لأن ما أستخدمه الا قليل راس ثوم واحد يكفيني شهر كامل هع ,استخدم بدله ثوم بودرة ربع ملعقة صغيرة

محد موجود

عووووووو يخوف المكان



برمي ردي وبطلع لا تلحقني أم الخضر والليف





روحي فداك
إذا نمت متأخرة تطلع عليي رااادي
اذا قام ولدي من نومه يبغا يرضع ينقطع نومي وما أقدر أرجع أنام الا بعد ساعة على الأقل
مرة قمت من النوم طلعة زوجي للعمل وما جاني نوم الا الساعة 11 الا ربع
و القمر يقوم من النوم الساعة 12 ونص أو 1 بالكثير وبعدها إذا ما قمت معاه يملشني من شعري
اختصر الفيلم وأنومه من 2 أو 2 ونص مع ابوه وأني أنام بعد الصلاة
والله يعين أبونا على سهر جوجو في شهر الله خخخخخ



شيري
اللي قلتي عنهم يتبوسوا في الطريق عفر شفتهم
لأن أذكر مرة كنا راجعين البيت ومرينا على شارع أحد بعد صيدلية الحسين بشوي
وكان في مرتين ورجال يمشوا على الشارع العام والرجال ماسك المرة اللي كاشفه من كتفها
وبعدها باسها ولا كأنهم بالشارع الحياة فري عندهم
ابغا طريقتش الى كبسة الربيان إذا ما عليش أمر
والله يعينش على الرفيس .. أني من كمّل ولدي 4 شهور أشتقت الى حركته في بطني
آخر مرة أشتاق لهالحركات خخخخ

أناهيد
عفر وناصه انتين في الواتساب
اني كنت كذا في البي بي يبغالي أجدد الخدمة قريب
و عفر البرودكاست في الواتساب يزهق لازم تذكري أسماء الناس اللي بترسلي لها
و في جهازي الكيبورد ما يساعد أرسل للي اسمهم بالـ غ ,ذ,ض ظ
عشان كذا أزهق أرسل الى ناس وناس



رماد الشوق
الحمدلله على السلامة
لا تجبريني أروح لش البيت آخذ لي كم كيس جي توز مؤونه .. لما رجعت امي العودة من ايران جابت لي 2 بس
آكلهم وأني اتحسر لأن أدري ان بيخلصوا بسرعة



ام ايه
أني أحب السفرة عامرة في شهر الله
لكن رجلي ما يحب كثرة الأكلات على السفرة يقول لي احنا 2 سوي طبق رئيسي وحلى وخلاص
والسنة فرزنت بريد باللحم وبريد بالدجاج للقلي إذا كان الفطور خفيف
رمضان اللعام كنت ثقيلة والسنة برضو عشان كذا معتمدة أني لو ما قدرت أطبخ آخذ من عند أمي



جوان
الله يقضي حوائجنا وحوائج المؤمنين والمؤمنات
ببركات أم البنين سلام الله عليها

و ما شالله عليش طبخاتش تهوووس باجرب كيكة قشور البصل يوماً ما



ف ه و
كل عام والحلوين بألف خير وعقبال ما تبلغي فيهم معاريس

فطورنا اليوم من عند أمي الله يخليها ولا يخلينا منها



ملوخيه دجاج - تبوله - جيز كيك

و عندي بالشقة صحن فطاير دلتا كبير من البارحة و سلطة فواكة بروح أسويها الحين





الحمدلله نعمه

جايه اسجل حضور وبعدين باحل الواجب هع اليوم كان متعب عدددددل
باريح وباهضم ولي رجعه هع

شحالكم
شكل الجمعه بناجلها مافي احد بيجي ؟؟؟ اذا احد بيجي يخبررني لانه مافي حماس ابد >>>نكابين عدل
اليوم اول يوم وزحمه زحمه الله يعينا


حور
تسلمي حبابه وانتي بصحه وسلامه
بس ماقلتي وين سويتيها ؟؟؟في شقتش

ريشة وام حمود
الله يغير حالكم يارب باحسن حال بفضل هالشهر

فدوكه
نتظرش في السهره

جوجو
اني بعد قليل اذا شبكت في رمضان بس تعودت عليكم ماقدر استغني عن الديوانيه

ام زنوبه
جربت عجينة مزايا وماحسيت انها غير عن الدلتا
بس حليييوه واني اعتمدتها امس واليوم

مساء الخيرات
مافي شكله غيري
وويش شعوركم بعد صيام اول يوم رمضان ؟
خلصتوا فطوركم بدري والا لا؟
<<<<<< تعطيكم فوازير رمضان

لكن ماعندنا جوائز هع

Fho
فيه فرق انا اقولش امس لفيت الثنتين مع بعض ولاحظت
حتى عجينة مزايا لونها غير افتح من دلتا
واخف صايره
ما ادري كيف فالقلي لكن لانه صار الدلتا فووق

ام زنوبه
قصدي مافي فرق بالطعم
اني اخذت حقة مزايا بالزيت لانه في نوعين ودلتا حقتي بعد بالزيت عشان كذا ماحسيت بفرق بينهم
تعب لصيام عطش لعن الله يزيد
خلصت واي الاذان بالضبط خخخ
فاضيه قلت انزل كم صوووره خخ قبل لاتصير الزحمه هع

مشتريات ايكيا

[URL="http://www.almlf.com"][/URL]

هديه

[URL="http://www.almlf.com"][/URL]


[URL="http://www.almlf.com"][/URL]


[URL="http://www.almlf.com"][/URL]



[URL="http://www.almlf.com"][/URL]



[URL="http://www.almlf.com"][/URL]



عشانا على حسب اختي الله يوفقها

[URL="http://www.almlf.com"][/URL]

وسلامتكم

Fho
عليش بالعافيه المشتروات

هلا امهات مو كأن الديوانية ماتحركت شي ئه ؟
لو اني طابة بدري اليوم ..
شخباركم ؟؟
متباركين بالشهر الفضيل وعايدين عليه بصحة وسلامة
لاتنسونا من دعائكم بقضاء الحوائج ..
:
غلايو
تسلمي ياغناتي انتين يابعد الكبد ع قولة نهودة القمر
الله يسمع منش و نستقر واجي اشكي ليكم اقول انكتمت
من الشقة باروح بيت اهلي كم يوم هههه
اني بعد هالايام من بيت لبيت الولدانات و الزايرات وهيكا
بس وناصة عن قعدة البيت ..
:
ام زنوب
هههه اي هدي خيتي العروس معارفها واجد ..
ان شاء الله اسوي مفاجأة من زمان عن المفاجأت ..
:
جوان
تسلمي غناتي الله يسمع منش و لك بالمثل ان شاء يتغير
شغل ابو حسون و ينوله مراده ..
ومشكورة ع الوصفة بحفظها بلكت يوم اروق عليها واسويها
بس شكلي بستبدل قشور البف الاساس هع بمكسرات لو جوز هند
ياعلي التبولة سيلت لعابي من جد حرام عليش ولاعاد هالليمونة
المنسدحة فوق ودي اقرضها .. والباستا شكلها يميييييييييييي
تسلم دياتكــ ..
:
ريشة
ياغناتي بتولة كسرت خاطري اني حمدو اول يوم دخل فيه الشقة دبح
عمره من الصياح وظل فترة يفكر بيت اهلي بيتنا و للحين احسه مايحب
الشقة كثر بيت اهلي بس اهم شي يحب ابوه
كيف دوامه زوجش؟؟ وياكم حالياً لو قاعدة في بيت اهلش ؟؟
:
حور
تسلمي غناتي ع الطريقة ان شاء الله اسويها > اجمع طبخات مادري وش
بسوي وش بخلي هههه .. عادي غناتو ماتأخرتي ولا شي ..
الله يهديهم اشوا ماشفتهم يقرفوني في حياتي ...
ان شاء الله اكتبها لش بعدين طبعا طريقة الوالده الله يحفظها ..
وعلى الرفيس سككتي بس دابحني دباح هالنتيفه
:
رموده
الحمدلله ع السلامة اشوا اشوا الليلة خيتي جابت ليي جي توز و الا جان
فغصتش متوحمة عليه من زماااان اخيرا وصل لعندي خخخ
الحمدلله ع السلامة و تقبل الله ..
:
ف ه و
تتهني بالغريضات نصهم عندي زيهم ههههه مجنونة ايكيا .. وشي دي البيضاء
ماقدرت اكتشف .. و القطاعات كله اقول بشتريهم و اتردد جربتيهم ؟؟
وهم حق عجينه لو ويشو ؟؟ احسهم مو حادين ..
تهبل الدوسة ام البط .. ظريفة .. و عليكم بالعافيه العشاااء ..
:
مامن ولا نفرة فالمنتدى خخ ناس تطبخ و ناس مسطره عند التلفزيون
على طاري المشاهد وش بتشاهدو في رمضان ابغى بس المسلسلات الحليوين
و الي اوقاتهم مناسبة ههههه اتشرط ..
:

ام زنوبه

الله يسمع منك غناتي وهذا فستان بتوله اخدته اليها العام من الغزوي فاشن بس تعقدت كل ماروح مكان اشوف بنوتات عليهم نفسه خخخخ

اف اتش او

الله يسمع منك يالغلا وعليش بالعافيه المشتريات

شيري

هلا بام حمود دوام ابو بتول طول الاسبوع في الرياض ويجي يوم الاربعاء العصر واكثر شي ليلة الخميس ويروح

ليلة السبت العام اخد اجازته في رمضان والسنه ماقدر ياخدها .. والحين اني في بيت اهلي

ام بتوله
اهاا الله يعينه و يعينكم
ليش ماتروحي وياه الرياض ؟؟
ان شاء الله ينقلوه السنة بحق هالشهر الفضيل ..