المقادير
غرشة ورق عنب (يفضل قودي )
ثلاث بصلات
ثلاث توميتو
فلفله خضراء كامله
قرن فلفل حار
كزبره وبقدونس ونعناع كميه وفيره
لحمه مفرومه كميه مش قليله ولا كثيره
صلصل
زيت زيتون
بهارات مشكله +كمون +فلفل اسود+كزبره+بهارات هنديه وكويتيه +وملح الليمون تقريبا ملعقتين +وشوية صبغة الزعفران (نضعها في الاخير على الرز )
رز مصري تقريبا 4 اكواب الى الغرشه الوحده (اني مكيالي الكاس الى يجي تبع الرز بسمتي الازرق )
الطريقه
يغسل الرز وينقع لمدة ثلث ساعه ..وادا زاد ما يضر
تطحن الخضار جميعا جيدا في مطحنة الخضار ..وبعدين نضع صلصل في الخلطه نصف العلبه ونطحنه
وبعدين تحطين البهارات وتردي تطحنيه زين
وبكدا تجهز الخلطه وتحطيها على الرز من بعد ما تصفيه من الماء وتخلطي وياه اللحمه المفرومه
صبي عليهم زيت زيتون حوالي ثلاثة ارباع الغرشه واخر شئ حطي الصبغه وخلطيه زين ..
من بعد ما تلفين الورق عنب الماء الى يطلع كل مره اثناء اللف احتفظي فيه لا تكبيه
وادا صفتي الورق عنب في الصينيه (اطبخيه في صينية في الفرن )حاولي انش ترصيهم زين
ومن بعد ما تخلصين تجهزي ماء وتخلطين وياه صلصل تقريا ثلاثة ارباع العلبه اخلطيه زين لحد ما يدوب وحطي عليه ملح الليمون حوالي ملعقه ونصف ..
ودخليه الفرن خليه على 400 لمدة ساعتين ونصف وبعدين طفي عنه لكن مو تطلعينه انتظري يبرد ويتماسك عدل ,,
ملاحظه ادا جهزتي الحشوه وخليتيها يومين في الثلاجه ما تلفينها تصير احلى واحلى وبعدين لفيها ))ووعوافي
واسمحيلي غناتوه تليقت وحطيتها
موضوع: ورق عنب اللذيذ من ايد ديالا 
الأحد أبريل 17, 2011 4:36 pm
